BMC Election Result 2026: उद्धव ठाकरेंच्या त्या एका खेळीने एकनाथ शिंदेंना मोठा फटका! मुंबईत सरस
BMC Election Result 2026: आज राज्यातील महानगरापालिका निवडणुकीच्या निकालाला सुरुवात झाली आहे. आतापर्यंत समोर आलेले आकडे पाहून उद्धव ठाकरेंच्या शिवसेनेने एकनाथ शिंदेंना पछाडलं आहे.
राज्यातील सर्वात बहुप्रतिक्षित महानगरपालिका निवडणुकीसाठी काल मतदान प्रक्रिया पार पाडली. राज्यातील जवळपास 29 महानगरपालिकांसाठी काल, 15 जानेवारी रोजी मतदान पार पडले. आज, 16 जानेवारी रोजी सकाळी आठ वाजल्यापासून निकालाचे अपडेट समोर येत आहेत. आतापर्यंत समोर आलेले आकडे पाहाता मुंबई महानगरपालिका निवडणूकीच्या निकालात उद्धव ठाकरेंच्या शिवसेनेने एकनाथ शिंदें शिवसेनेला पछाडलं असल्याचे चित्र दिसत आहे. उद्धव ठाकरेंनी उचललेले एक पाऊस त्यांच्यासाठी फायद्याचे ठरले आहे.
ती खेळी कोणती?
Municipal Election 2026
Mumbai Nagarsevak Election Results 2026 : तेजस्वी घोसाळकर विजयी..
Municipal Corporation Pune Election Results 2026 : अजित पवारांना भाजपाचा धक्का, पुण्यात थेट...
Mumbai Election Results Live 2026 : आतापर्यंत मुंबईत कुठल्या वॉर्डमधून कोणत्या पक्षाचा उमेदवार जिंकला, त्याची यादी
Byculla Election Results Live 2026 : भायखळच्या वॉर्ड क्रमांक 207, 208 मध्ये कोण आघाडीवर?
Pune Municipal Election Results 2026 : पुण्यात रुपाली ठोंबरे पाटील यांचा मतमोजणी केंद्रात गोंधळ
Pimpri Municipal Election Results 2026 : पिंपरीत विलास लांडे यांना धक्का
एकनाथ शिंदे यांनी महानगरपालिका निवडणुकीच्या तोंडावर शिवसेना उद्धव ठाकरे गटाचे अनेक नगरसेवक आपल्या बाजूने केले होते. मुंबईत उद्धव ठाकरेंच्या शिवसेनाला कमकुवत करण्याचा त्यांच्या प्रयत्न होता. मात्र, मुंबईतील आपली सत्ता कमकुवत होताना पाहून उद्धव ठाकरे यांनी मोठी खेळी केली. त्यांनी थेट मनसे अध्यक्ष राज ठाकरे यांच्याशी हात मिळवणी केली. ठाकरे बंधूंच्या या यूतीचा उद्धव ठाकरे यांना मोठा फायदा झाल्याचे पाहायला मिळत आहे.
काय आहे आकडेवारी?
आतापर्यंत समोर आलेल्या आकड्यांवरुन उद्धव ठाकरे यांची शिवसेना सरस ठरत असल्याचे चित्र आहे. मुंबईत उद्धव ठाकरे यांच्या शिवसेनेची 51 जागांवर आघाडी दिसत आहेत. तर एकनाथ शिंदे यांच्या शिवसेनेची 20 जागांवर आघाडी आल्याचे चित्र दिसत आहे. एकूणच मुंबईत उद्धव ठाकरेंनी एकनाथ शिंदेना पछाडलं असल्याचे समोर आले आहे. तर मनसेच्या 7 जागांवर आघाडी असल्याचे चित्र आहे.
आतापर्यंतचा निकाल काय?
मुंबईची आकडेवारी
भाजप- 57
शिवसेना- 20
शिवसेना UBT : 58
काँग्रेस : 09
मनसे- 7
राष्ट्रवादी-01
इतर-05
भारतीय जनता पक्ष (भाजप) आणि उपमुख्यमंत्री एकनाथ शिंदे यांच्या नेतृत्वाखालील शिवसेना गट एकत्रितपणे 83 जागांवर आघाडीवर आहेत. यामुळे मुंबईतील स्थानिक राजकारणात महायुतीची ताकद स्पष्टपणे दिसून येत आहे. दुसरीकडे, उद्धव ठाकरे यांच्या नेतृत्वाखालील शिवसेना (ठाकरे गट) 60 जागांवर आघाडीवर असून, महायुतीच्या तुलनेत पिछाडीवर आहे. काँग्रेसच्या 10 जागा आल्या आहेत. तर, राष्ट्रवादी काँग्रेस पक्षाचे (अजित पवार गट) 1 जागेवर आघाडीवर असल्याचे समोर आले आहे.
छत्रपती संभाजी नगरची आकडेवारी
भाजप : 10
शिवसेना : 08
शिवसेना UBT : 04
एमआयएम : 07
काँग्रेस : 01
राष्ट्रवादी दादा: 02
राष्ट्रवादी SP: 00
चंद्रपूरची आकडेवारी
भाजप – 8
शिवसेना – 2
राष्ट्रवादी – 1
काँग्रेस – 9
शिवसेना उद्धव – 4
राष्ट्रवादी शरद पवार –
मनसे –
वंचित – 2
एमआयएम – 2
अपक्ष – 4
