नरेंद्र मोदी बनले जगातले सर्वाधिक सर्वोच्च नागरिक पुरस्कार मिळवणारे पंतप्रधान, 26 देशांनी गौरवले

पंतप्रधान नरेंद्र मोदी यांनी आणखी एक ऐतिहासिक विक्रम स्वत:च्या नावावर केला आहे. मोदी यांना 26 अधिक देशांनी त्यांच्या सर्वोच्च नागरिक पुरस्काराने गौरवले आहे. असे करणारे ते देशाचे पहिले पंतप्रधान ठरले आहेत. अलिकडे त्यांना नामिबिया, घाना आणि ब्राझीलने सर्वोच्च नागरिक पुरस्कार देऊन गौरवण्यात आले आहे. मोदी यांना नामिबियाचा सर्वोच्च नागरी पुरस्कार ‘ऑर्डर ऑफ द मोस्ट एन्शियंट वेल्विट्सिया मिराबिलिस’ प्रदान करण्यात आला आहे. तर घाना सरकारने मोदी यांना’ऑफिसर ऑफ द ऑर्डर ऑफ द स्‍टार ऑफ घाना’ (Officer of the Order of the Star of Ghana) पुरस्काराने गौरवले आहे. हा पुरस्कार त्यांची नेतृत्व क्षमता आणि भारत-घाना संबंध मजबूत करण्यात बहमुल्य योगदान दिल्याबद्दल देण्यात आला आहे. मोदी यांनी घानाचा हा पुरस्कार घानाची जनता आणि युवकांना समर्पित केला असून हा पुरस्कार भारत-घाना सांस्कृतिक आणि ऐतिहासिक संबंधाचे प्रतिक असल्याचे म्हटले आहे.

याआधी नामिबियाच्या राष्ट्राध्यक्षांनी मोदी यांना सर्वोच्च नागरिक पुरस्कार देऊन सन्मान केला आहे. त्याआधी ब्राझीलच्या राष्ट्राध्यक्ष इनासियो लूला दा सिल्वा यांनी मोदी यांचा ‘ग्रँड कॉलर ऑफ द नॅशनल ऑर्डर ऑफ द साऊदर्न क्रॉस ( Grand Collar of the National Order of the Southern Cross ) या सर्वोच्च नागरिक पुरस्काराने गौरवले आहे. हा पुरस्कार त्यांना भारत-ब्राझील द्वीपक्षीय संबंधांना मजबूत करण्यासाठी देण्यात आला आहे.

पंतप्रधान मोदी यांना देशांनी दिला सर्वोच्च पुरस्कार

मुस्लीम बहुल देशांकडूनही गौरव

साल 2014 मध्ये पंतप्रधान झाल्यानंतर नरेंद्र मोदी यांना लागोपाठ अनेक देशांकडून त्यांचे सर्वोच्च नागरिक पुरस्कार मिळालेले आहेत. काही मुस्लीम बहुल देशांनीही मोदी यांचा गौरव केला आहे. या देशात सौदी अरब, यूएई, बहारीन, अफगानिस्तान, पॅलेस्टाईन, कुवैत सारख्या देशांनी देखील त्यांना आपला सर्वोच्च नागरिक पुरस्कार देऊन गौरवले आहे. हे केवळ मोदी यांच्या आंतरराष्ट्रीय संबंधांना दर्शवत नाही तर जगभरात भारताची वैश्विक ओळख आणि भूमिका किती मजबूत झाली आहे याचेही निदर्शक आहे.

2016 पासून दरवर्षी मिळत आहे सन्मान

आतापर्यंत 26 देशांनी पंतप्रधान नरेंद्र मोदी यांना त्यांचा सर्वोच्च नागरिक पुरस्कार देऊन सन्मान केला आहे. यात आशिया, युरोप,आफ्रीका, आखाती देश, ओशिनिया आणि अमेरिकेतील देशांचा समावेश आहे. 2016 पासून आतापर्यंत पंतप्रधान मोदी यांना दरवर्षी कोणत्या ना कोणत्या दशाकडून हा मान मिळत आहे. पंतप्रधान मोदी स्वत:ला ‘प्रधान सेवक’ म्हणत देशातील 140 कोटी जनतेच्या आकांक्षांना आणि विकासाच्या स्वप्नांना आंतरराष्ट्रीय व्यासपीठावर घेऊन जात आहेत.