सॅमसंग ऑफरमध्ये S26 series च्या प्री-बुकिंगवर 256 जीबीच्या किंमतीत मिळतोय 512जीबी स्टोरेजचा स्मार्टफोन

2026 मध्ये होणाऱ्या गॅलेक्सी अनपॅक्ड इव्हेंटमध्ये सॅमसंग गॅलेक्सी एस26 सीरीज लाँच केली जाऊ शकते. कंपनीने नवीन एस सीरीजसाठी प्री-रिझर्वेशन आधीच सुरू केले आहे. ज्यांनी कंपनीच्या आगामी सीरीजसाठी प्री-रिझर्वेशन केले आहे त्यांना महत्त्वपूर्ण फायदे मिळतील. या सीरीजमध्ये Galaxy S26, Galaxy S26+ आणि Galaxy S26 Ultra लाँच होण्याची अपेक्षा आहे. प्री-रिझर्वेशनसाठी तुम्ही किती पैसे देऊ शकता आणि बुकिंग केल्यास तुम्हाला कोणते फायदे मिळतील ते जाणून घेऊयात. स्मार्टफोन उत्पादन खर्च वाढल्याने विशेषतः मेमरी चिप्ससाठी, सॅमसंग गॅलेक्सी S26 सीरीजची किंमत गॅलेक्सी S25 सीरीजपेक्षा जास्त असू शकते असे अनेक अहवाल सूचित करतात. कंपनीने अद्याप किंमतीची कोणतीही माहिती दिलेली नसली तरी, नवीन सीरीजच्या लाँच कार्यक्रमापूर्वी ग्राहकांना दुप्पट स्टोरेज फायदे देण्याचा निर्णय कंपनीने घेतला आहे.

सॅमसंग एस26 सिरीज ऑफर

कंपनीच्या अधिकृत साइट आणि अमेझॉनवरील या आगामी सीरीजसाठी तयार केलेल्या वेगळ्या मायक्रोसाइटवरून हे निश्चित करण्यात आले आहे की या मालिकेची प्री-बुकिंग करणाऱ्या वापरकर्त्यांना 256 जीबी स्टोरेजच्या किमतीत 512 जीबी स्टोरेजचा फोन खरेदी करता येणार आहे.

कंपनीचे म्हणणे आहे की, 999 भरून ग्राहक गॅलेक्सी प्री-रिझर्व व्हीआयपी पास मिळविण्यासाठी प्री-रिझर्वेशन करू शकतात आणि येणाऱ्या गॅलेक्सी फोन खरेदी करताना ई-स्टोअर व्हाउचरद्वारे 2,699 किमतीचे फायदे मिळवू शकतात. याव्यतिरिक्त, ग्राहक 5 हजार दैनिक व्हाउचर आणि 50 हजार ग्रँड व्हाउचरसाठी ड्रॉमध्ये प्रवेश करू शकतात.

शिवाय ग्राहकांना त्यांचा जुना फोन एक्सचेंज केल्यावर लॉक-इन व्हॅल्यूसह सर्वोच्च एक्सचेंज व्हॅल्यू मिळेल. अंतिम एक्सचेंज रक्कम जुन्या हँडसेटच्या मॉडेल आणि स्थितीवर तसेच ग्राहकाच्या ठिकाणी ऑफरची उपलब्धता यावर अवलंबून असेल.