Maharashtra Election Results 2024: महायुतीची जोरदार मुसंडी, विधानसभेच्या निकालाची १० वैशिष्ट्ये काय पाहा ?

महाराष्ट्राच्या विधानसभेच्या २८८ जागांसाठी २० नोव्हेंबर रोजी झालेल्या मतदानाची मोजणी शनिवारी सकाळी सुरु झालेली आहे. या मतमोजणीत महायुती सुरुवातीपासूनच पुढे असून महायुतीला सहज बहुमत मिळणार हे स्पष्ट झालेले आहे. भाजपाला साल २०१९ पेक्षा जागा मिळणार असल्याचे स्पष्ट झालेले आहे.

Atul Kamble | Updated on: Nov 23, 2024 | 1:03 PM

महाराष्ट्राच्या विधान सभेच्या निकालांचा सुरुवातीचा कल महायुतीच्या बाजूने आला आहे. महाराष्ट्रात महायुती स्पष्ट बहुमताकडे चालली आहे. या भाजपाला १२४ हून अधिक जागांवर आघाडी मिळालेली आहे. त्यामुळे महायुतीचे सरकार पुन्हा महाराष्ट्रात येणे हे जवळपास निश्चित झालेले आहे. दुसरीकडे महाविकास आघाडी प्रचंड पिछाडीवर आहे. महायुतीतील एकनाथ शिंदे यांच्या पेक्षाही महाविकास आघाडीला कमी जागा मिळत असल्याचे सुरुवातीच्या कलावरुन दिसत आहेत.त्यामुळे राज्यात शरद पवार यांच्यावर पुन्हा एकदा देवेंद्र फडणवीस यांनी मात करुन ते महाराष्ट्रातील चाणक्य ठरले आहेत.

महायुती १२४ जागांवर पुढे

महायुतीला विधानसभेच्या विधानसभेच्या २८८ जागा पैकी भाजपाला तब्बल १२४ जागांवर पुढे आहे. तर एकनाथ शिंदे यांची शिवसेना ५५ जागांवर पुढे आहे. तर अजितदादा पवार यांची राष्ट्रवादी कॉंग्रेस ३८ जागांवर पुढे आहे. तर महाविकास आघाडीतील कॉंग्रेसचे १९ जागी तर शिवसेना ठाकरे यांची १९ जागी तर शरद पवार यांची राष्ट्रवादी १३ जागांवर तर इतर २० जागांवर उमेदवार मतमोजणीत पुढे आहेत.