‘WTTF’ ट्रॅव्हल आणि टुरिझमला कसे केले प्रोत्साहित? भाजप खासदार महेश शर्मा यांनी नेमकं सांगितलं

टीव्ही9च्या वर्ल्ड ट्रॅव्हल अँड टुरिझम फेस्टिव्हलमध्ये भाजपचे खासदार महेश शर्मा सहभागी झाले. त्यांनी टीव्ही9च्या पर्यटन प्रोत्साहनाच्या उपक्रमाचे कौतुक केले. भारताच्या विविध संस्कृती आणि सौंदर्याचे महत्त्व अधोरेखित करत, पंतप्रधान मोदी यांच्या पर्यटन विकासाच्या दृष्टिकोनाचेही ते कौतुक केले.

Mahesh Sharma Image Credit source: tv9 marathi

निर्मिती तुषार रसाळ | Edited By: भीमराव गवळी | Updated on: Feb 14, 2025 | 7:07 PM

भाजपचे खासदार महेश शर्मा हे टीव्ही9 च्या ‘World Travel and Tourism Festival’मध्ये सहभागी झाले. टीव्ही9 ने पुढाकार घेऊन ट्रॅव्हल आणि टुरिझमला कसं प्रोत्साहित करण्याचं काम केलं हे महेश शर्मा यांनी सांगितलं. देशात विविध ठिकाणची वेगवेगळी संस्कृती आणि सौंदर्य आहे. अशा ठिकाणी अशा प्रकारचा पुढाकार घेणं ही अत्यंत महत्त्वाची बाब आहे. त्याबद्दल मी टीव्ही9 चे आभारच मानतो, असं खासदार महेश शर्मा म्हणाले.

पंतप्रधान नरेंद्र मोदी यांनी देशातील टुरिझमला एका नव्या उंचीवर नेऊन ठेवलं आहे. पंतप्रधान नरेंद्र मोदी यांचे विचार आणि संकल्पाचा हा परिणाम आहे. आज लक्षद्वीपने मालदीवला मागे टाकलं आहे. मी 70 हून अधिक देश फिरलो आहे. पण जग फिरण्यापूर्वी संपूर्ण भारतात फिरणं सर्वात महत्त्वाचं आहे. हेच पंतप्रधान नरेंद्र मोदीही सांगत असतात, असं महेश शर्मा म्हणाले.

टीव्ही9चे आभार

देशाच्या जीडीपीचा 6.8 टक्के भाग हा टुरिझममधून येतो. आज ट्रॅव्हल्स आणि टुरिझम इंडेक्समध्ये भारताने 30 पॉइंटची झेप घेतली आहे. कधी काळी या इंडेक्समध्ये आपण 40व्या क्रमांकावर असायचो. पंतप्रधान नेहमी सांगतात की मोठं काम करा. त्यामुळेच ताजचं टुरिझम बदललं आहे. या कामात आता टीव्ही9ने पुढाकार घेतला आहे. त्यामुळे मी टीव्ही9चे आभार मानतो. या गोष्टी भविष्यासाठी अत्यंत महत्त्वाच्या आहेत, असं ते म्हणाले. महेश शर्मा हे नोएडाच्या गौतम बुद्ध नगर लोकसभा मतदारसंघाचे प्रतिनिधीत्व करतात.

दिल्लीच्या मेजर ध्यानचंजद नॅशनल स्टेडियममध्ये 14 फेब्रुवारीपासून 16 फेब्रुवारीपर्यंत World Travel & Tourism Festival चे आयोजन करण्यात आले आहे. देशातील नंबर वन न्यूज नेटवर्क टीव्ही9, रेड हॅट कम्युनिकेशन्स मिळून World Travel & Tourism Festival सेलिब्रेट करत आहे. या फेस्टिव्हलमध्ये देशातील प्रसिद्ध पॉप सिंगर पापोन यांचा लाइव्ह कॉन्सर्टही होणार आहे.