नाशिक शहर आणि जिल्ह्यातील ५ महत्वपूर्ण घडामोडी

नाशिक: मुंबई-नाशिक प्रवास करणाऱ्यांसाठी एक आनंदाची बातमी आहे. मुंबई-नाशिक-नागपूर बुलेट ट्रेनची चाचपणी सुरु करण्यात आली आहे. 741 किलोमीटर लांबीचा हा हाय स्पीड रेल्वे मार्ग केंद्र सरकारने प्रस्तावित केला आहे. यामध्ये नॅशनल हायस्पीड रेल्वे कॉर्पोरेशन पूर्वप्राथमिक चाचणी करणार आहे. या आधी समृद्धी महामार्ग आणि आता प्रस्तावित बुलेट ट्रेनमुळे मुंबई-नाशिक-नागपूरचा प्रवास अधिक सुखकर होणार आहे. (5 important developments in Nashik city and district)

भारत बंदमुळे नाशिक बाजार समितीचं मोठं नुकसान

शेतकऱ्यांनी पुकारलेल्या भारत बंदमध्ये नाशिक बाजार समिती बंद ठेवण्यात आली होती. त्यामुळे बाजार समितीचं एकूण साचे चार कोटी रुपयांचं नुकसान झालं आहे. बाजार समितीचे संचालक आणि सदस्यांनी या बंदमध्ये सहभाग नोंदवला होता. काल दिवसभर बाजार समिती बंद असल्यामुळे मोठं नुकसान झालं आहे.

पाणी प्रश्नाबाबत महापौरांकडे सर्वपक्षीय बैठक

सिडकोवासियांच्या पाणी प्रश्नाबाबत महापौरांकडे सर्वपक्षीय बैठक होणार आहे. सिडकोला आता मुकणे धरणासह गंगापूर धरणातूनही पाणी पुरवठा केला जाणार आहे. पाणी पुरवठा होत नसल्यानं सिडकोच्या नगरसेवकांनी आंदोलन केलं होतं. महापौरांच्या आदेशानंतर सिडको परिसरात पाणी प्रश्न कायमस्वरुपी सुटण्याची शक्यता आहे.

दिंडोरीत शॉर्ट सर्किटमुळे आग, 6 दुकानं भस्मसात

नाशिकच्या दिंडोरीमध्ये शॉर्ट सर्किटमुळे लागलेल्या आगीत 6 दुकानं भस्मसात झाली आहेत. त्यामुळे लाखो रुपयांचं नुकसान झालं आहे. सुदैवानं या आगीत जीवितहानी झाली नाही. पालखेड रोडलगत असलेल्या दुकानांना पहाटेच्या सुमारास ही आग लागली होती. त्यानंतर अग्नीशमन विभागाच्या 2 तासांच्या प्रयत्नांनंतर आग आटोक्यात आली.

दुचाकीस्वारांवर बिबट्याचा हल्ला

बागलाण तालुक्यातील किकवारी शिवारात एका बिबट्यानं दोन दुचाकीस्वारांवर हल्ला केला. बिबट्याच्या हल्ल्यात दुचारीस्वार जखमी झाले आहेत. बिबट्याच्या हल्ल्यानंतर धास्तावलेले दोघे आपला जीव वाचवण्यासाठी धावत सुटले. त्यावेळी बिबट्यानंही काही अंतरापर्यंत त्यांचा पाठलाग गेला. या घटनेमुळे परिसरात दहशतीचं वातावरण निर्माण झालं आहे.

संबंधित बातम्या :

नाशिकमधल्या विमानसेवेला प्रोत्साहन देण्यासाठी उद्योजक आणि पर्यटनप्रेमी मैदानात

नाशिक महापालिकेत कमबॅक करण्यासाठी मनसे सज्ज!, नवीन वर्षात राज ठाकरेंचा नाशिक दौरा

5 important developments in Nashik city and district