Maharashtra News LIVE : मुंबई, ठाण्यात गोविंदा निघाले, मटकीतील लाखो रुपयांच्या लोण्यासाठी चुरस
Maharashtra News LIVE : गिरगावच्या इस्कॉन मंदिरात गोकुळाष्टमीचा मोठा उत्साह दिसून आला. भजनाच्या गजरात भाविक दंग झाले होते. गोकुळाष्टमीचा सण अत्यंत भक्तीमय वातावरणात आणि उत्साहात साजरा करण्यात आला. मंदिरात अखंड हरिनामाचा गजर आणि भजनांच्या सुरांनी संपूर्ण परिसर दुमदुमून गेला होता. भाविकांनी मोठी गर्दी केली होती.
LIVE NEWS & UPDATES
-
पंढरपूरमध्ये कृष्णजन्म मोठ्या उत्साहात साजरा
गोकुळष्टमी निमित्त पंढरपूरमध्ये रात्री बारा वाजता श्री विठ्ठलाला श्रीकृष्णाच्या रूपात सजवून गुलाल, फुलांची उधळण करण्यात आली, तर आर्य वैश्य कोमटि समाजाच्या श्री कृष्ण मंदिरात देखील कृष्णजन्म मोठ्या उत्साहात साजरा करण्यात आला.
-
घाटकोपरमधील मनसेच्या दहीहंडी उत्सवाला पोलिसांनी दिला झटका
घाटकोपरमधील महाराष्ट्र नवनिर्माण सेनेच्या गणेश चुक्कल यांच्या दहीहंडी उत्सवाला मुंबई पोलिसांनी मोठा झटका दिला. आज दहीहंडी साजरी होणार त्याच्या बरोबर एकदिवस आधी म्हणजे काल परवानगी नाकारण्यात आली.
-
-
शिक्षकांना सलामी देणारी दहीहंडी
घाटकोपरमध्ये सन्मान दहीहंडीचा उत्साह. शिक्षकांना सलामी देणारी दहीहंडी. शिक्षक दीन असल्याने शिक्षकांना सन्मान. तर मुंबई उपनगरातील सर्वात मोठी दहीहंडी म्हणून प्रसिद्ध. किरण लांडगे मित्र मंडळ आयोजित सन्मान दहीहंडी. ११,११,३१६ पारितोषिक असलेली सन्मान दहीहंडी.
-
या दहीहंडी उत्सवाला फडणवीस-शिंदे भेट देणार
आज दहीहंडी उत्सव बाळ गोपाळांचा आनंदाचा व उत्साहाचा दिवस यासाठी ठाण्यातील विविध ठिकाणी दहीहंडी उत्सव आयोजित करण्यात आले आहेत. आयोजक उपमहापौर कृष्णा पाटील यांच्या माध्यमातून या दहीहंडीचे आयोजन करण्यात आलेले असून. या दहीहंडी उत्सवात मुख्यमंत्री देवेंद्र फडणवीस उपमुख्यमंत्री एकनाथ शिंदे तसेच भाजप प्रदेशाध्यक्ष रवींद्र चव्हाण, अनेक सिने अभिनेते व अभिनेत्री या दहीहंडी उत्सवाला भेट देणार आहेत.
मुंबईसह महाराष्ट्रात आज दहीहंडी उत्सवाची धूम आहे. मुंबईसह ठाण्यात लाखो रुपये इनाम असलेल्या दहीहंड्या फोडण्यासाठी गोविंदा पथकांमध्ये चुरस रंगणार आहे. दरम्यान घाटकोपरमध्ये मात्र थोडा तणाव निर्माण झाला आहे. कारण ऐनवेळी पोलिसांनी मनसे नेते गणेश चुक्कल यांच्या दहीहंडी उत्सवाला परवानगी नाकारली. दहीहंडीच्या स्टेजमुळे आपतकालीन मार्ग बंद होईल म्हणून पोलिसांनी ऐनवेळी परवानगी नाकारली. पण आयोजक मात्र दहीहंडी उत्सव साजरा करण्यावर ठाम आहेत. दरम्यान दुसरीकडे मनोज जरांगे पाटील यांचं अंतरवली सराटील आमरण उपोषण सुरु आहे. आज त्यांच्या उपोषणाचा आठवा दिवस आहे. मध्यरात्री 2 वाजता देखील जरांगे पाटलांच्या उपोषणस्थळी मराठा बांधवांची गर्दी झाली होती. मोठ्या संख्येने मराठा बांधव अंतरवाली सराटीतील उपोषणस्थळी पोहोचले. जरांगे पाटलांच्या उपोषणाला पाठिंबा देण्यासाठी दररोज राज्याच्या कानाकोपऱ्यातून दिवस रात्र मराठा बांधव येत आहेत.
Published On - Sep 05,2026 9:11 AM
