मोबदला न देता शेतात बळजबरीनं रेल्वेनं उभारलं टॉवर, आंदोलक शेतकऱ्यांना पोलिसांनी केली अटक

गोंदियात (Gondia) शहराला लागून असेलल्या लोधीटोला गावातून रेल्वे (Railway) विभागाच्या टॉवर (Tower) लाइनचे बांधकाम सुरू असून शेतकऱ्यांना हमी देऊनसुद्धा योग्य मोबदला न देता टॉवर लाइनचे बळजबरी बांधकाम सुरू आहे. शेतकऱ्यांनी विरोध केला असता पोलिसांनी शेतकऱ्यांचा पोलीस ठाण्यात नेल्याचा संतापजनक प्रकार गोंदियात उघडकीस आला आहे. मागील 5 वर्षांपासून गोंदिया शहराला लागून असलेल्या जवळपास 10 गावातील शेतकऱ्याच्या शेतातून हे टॉवरलाइनचे बांधकाम सुरू असून ज्या शेतकऱ्याच्या शेतातून हे टॉवर जाईल, अशा शेतकऱ्यांना प्रत्येकी 3 लक्ष रुपये दिले जातील, अशी हमीदेखील रेल्वे विभागाच्या बड्या अधिकऱ्यांनी नागपुरातील बैठकीत दिली. मात्र 3 वर्ष लोटूनही मोबदला न देता पोलीस बंदबस्तात टॉवर बांधकाम सुरुवात केली असून हे बांधकाम शेतकऱ्यांनी अडविले. त्यामुळे पोलिसांनी न्याय न देता पीडित शेतकऱ्यांनाट पोलीस ठाण्यात उचलून नेल्याचा प्रकार गोंदियात घडला आहे.