AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

महाविकास आघाडीत मुख्यमंत्रीपदाचे दावेदार किती?; चंद्रशेखर बावनकुळे यांनी आकडाच सांगत उडवली खिल्ली

संभाजीनगर, धाराशिव, अहिल्यानगर सर्वांना मान्य आहे. पण शरद पवार यांना का मान्य नाही? शरद पवार म्हणतात मी आयुष्यभर संभाजीनगर म्हणणार नाही. आता कमळाच्या बटनाद्वारे यांना करंट द्या, असं आवाहन चंद्रशेखर बावनकुळे यांनी केलं.

महाविकास आघाडीत मुख्यमंत्रीपदाचे दावेदार किती?; चंद्रशेखर बावनकुळे यांनी आकडाच सांगत उडवली खिल्ली
chandrashekhar bawankuleImage Credit source: tv9 marathi
| Edited By: | Updated on: Jun 25, 2023 | 10:53 AM
Share

पुणे : महाविकास आघाडीतील काही नेत्यांची भावी मुख्यमंत्री म्हणून राज्यातील काही भागात पोस्टर्स लागली आहेत. अजित पवार, जयंत पाटील, नाना पटोले, आदित्य ठाकरे यांचे समर्थक आपल्या नेत्यांचे बॅनर्स लावून त्यांचा उल्लेख भावी मुख्यमंत्री असा करत आहेत. त्यामुळे राजकीय वर्तुळात उलटसुलट चर्चांना उधाण आलं आहे. त्यातच आता या भावी मुख्यमंत्रीदावरून भाजपचे प्रदेशाध्यक्ष चंद्रशेखर बावनकुळे यांनी महाविकास आघाडीच्या नेत्यांची खिल्ली उडवली आहे. महाविकास आघाडीत मुख्यमंत्रीपदाचे किती दावेदार आहेत याची आकडेवारीच बावनकुळे यांनी सांगितली आहे.

चंद्रशेखर बावनकुळे यांनी मीडियाशी संवाद साधताना ही खिल्ली उडवली आहे. महाविकास आघाडीकडे 10 मुख्यमंत्री आहेत. काँग्रेसमध्ये तर मुख्यमंत्रीपदाचे तीन दावेदार आहेत. काँग्रेसमध्ये बाळासाहेब थोरात, नाना पटोले आणि अशोक चव्हाण हे मुख्यमंत्रीपदाचे दावेदार आहेत. तर राष्ट्रवादीत सुप्रिया सुळे, अजित पवार आणि जयंत पाटील हे मुख्यमंत्रीपदाचे दावेदार आहेत. ठाकरे गटात आदित्य ठाकरे आणि उद्धव ठाकरे यांच्या नावाचे भावी मुख्यमंत्री म्हणून बॅनर्स लागत आहेत. एकाच पक्षात तीन तीन मुख्यमंत्रीपदाचे दावेदार आहेत. असे महाविकास आघाडीत मुख्यमंत्रीपदाचे एकूण 10 दावेदार आहेत. 10 मुख्यमंत्र्यांचे हे तीन पक्ष आहेत, अशी खिल्ली चंद्रशेखर बावनकुळे यांनी उडवली आहे.

मुख्यमंत्री आमचाच होईल

2024 पर्यंत विरोधकांच्या मुख्यमंत्रीपदाचे दावेदार आणखी वाढतील. ही लिस्ट वाढतच जाणार आहे. आमच्याकडे एकनाथ शिंदे आणि देवेंद्र फडणवीस यांचं खंबीर नेतृत्व आहे. त्यामुळे 2024मध्ये पुन्हा कमळ फुलेल आणि भाजप-शिवसेनेचाच राज्यात मुख्यमंत्री होईल, असं बावनकुळे यांनी म्हटलं आहे.

अजितदादांची अवस्था काय झालीय?

महाविकास आघाडीत इना मिना डिका सुरू आहे. अजित पवारांसारख्या काम करणाऱ्या नेत्याची काय हालत केली? विरोधक असले तरी अजितदादांच्या कामाची एक पद्धत आहे. माझ्यासारख्याला भाजपने राज्याचं अध्यक्ष बनवल. पण अजितदादांची काय अवस्था झालीय? मला पक्ष संघटनेत काम करू द्या, असं त्यांना बोलावं लागतंय, असा चिमटाही त्यांनी काढला.

मोदींनाच मतदान करणार

विरोधकांची नुकतीच बिहारच्या पाटणा येथे बैठक पार पडली. त्यावरही चंद्रशेखर बावनकुळे यांनी प्रतिक्रिया व्यक्त केली आहे. विरोधकांनी जी काही मते मांडली आहेत, त्याच्या उलट सगळं होणार आहे. 2019मध्ये एकूण 17 पक्ष एकत्र आले होते. तेव्हाही त्या सर्वांना पंतप्रधान व्हायचं होतं. आताही 19 जण एकत्र आले आहेत. विशेष म्हणजे या सर्वांनाच पंतप्रधान व्हायचं आहे. पण लोक यावेळीही पंतप्रधान नरेंद्र मोदी यांनाच मतदान करणार आहेत, असा दावा बावनकुळे यांनी केला आहे.

Follow Us
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला