2019 ला अमोल कोल्हेंनी बेडूक उडी मारली आता मी…; आढळराव पाटलांच्या वक्तव्याची चर्चाच चर्चा

लोकसभा निवडणुकीच्या पार्श्वभूमीवर राज्याच्या राजकारणात घडामोडींना वेग आला आहे.शिवसेना शिंदे गटाचे नेते, माजी खासदार शिवाजी आढळराव पाटील आज राष्ट्रवादी अजित पवार गटात प्रवेश करणार आहेत. आढळराव पाटील बऱ्याच दिवसांपासून शिरूरमधून लोकसभेची निवडणूक लढण्यासाठी इच्छूक आहेत. महायुतीमध्ये शिरूर लोकसभेची जागा ही राष्ट्रवादीकडे आहे. त्यामुळे या जागेवरून निवडणूक लढण्यासाठी आढळराव पाटील आज राष्ट्रवादीत प्रवेश करणार आहेत. या पक्षप्रवेशाआधी टीव्ही 9 मराठीशी बोलताना त्यांनी राज्याचं राजकारण आणि शिरूरमधील लढतीवर भाष्य केलं. तसंच शिरूरची जागा जिंकण्याचा निर्धारही त्यांनी बोलून दाखवला.

अमोल कोल्हेंना टोला

अमोल कोल्हे हे 2019 मध्ये शिवसेनेकडून राष्ट्रवादीमध्ये गेले. ती त्यांची बेडूक उडी होती. पण आता मी तिन्ही पक्षाकडून सहमतीने राष्ट्रावादीमध्ये प्रवेश करत आहे. यात मोठा फरक आहे. मुख्यमंत्री एकनाथ शिंदे यांनी सागितलं की, महायुतीमधून राष्ट्रवादीमधून लढा… मी तयार झालो. आता मी महायुतीचा उमेदवार आहे. मी पक्ष बदलला आहे. पण याचा अर्थ गद्दारी केली असा नाही. 2019 ला कोल्हेंनी मारलेली बेडूक उडी आणि 2024 मी राष्ट्रवादीत करत असलेला प्रवेश… यात फरक आहे, असं शिवाजीराव आढळराव पाटील म्हणाले.

आज पक्षप्रवेश

गेल्या अनेक दिवसांपासून माझ्या प्रवेशाची चर्चा आहे. ही जागा महायुतीमध्ये कोणाकडे जातेय. यासाठी हा हा विषय रखडला होता. मात्र आता स्पष्ट झालंय की, ही जागा राष्ट्रवादी काँग्रेसकडे जातेय. म्हणून तिन्ही पक्षाचा सहमातीचा उमेदवार म्हणून माझी निवड झाली आहे. त्याचाच भाग म्हणून माझा आजचा प्रवेश होत आहेमागच्या निवडणुकीत आमदार पेक्षा जनता माझ्या सोबत राहिली आहे. यावेळची परिस्थिती वेगळी आहे. शिरूरमध्ये माझ्या पाठीमागे पाच आमदार आहेत. अजित पवार यांची ताकत माझ्या पाठीशी उभी आहे. त्यामुळे ही निवडणूक महायुती!, असा विश्वास शिवाजीराव आढळराव पाटील यांनी व्यक्त केला आहे.

मी महायुतीचा उमेदवार- आढळराव

आज मी तिन्ही पक्षाच्या संगनमताने आज माझा राष्ट्रवादीमध्ये प्रवेश करत आहे. मला शिवसेनेची परवानगी की, महायुतीमधील राष्ट्रवादी पक्षामधून निवडणूक लढवावी, असं तिन्ही पक्षांचं ठरलं आहे. पाच आमदार माझ्या सोबत आहे. अजित पवार आणि तिन्ही पक्ष यात समनवयक साधून प्रचार करणार आहेत. आज उमेदवारी जाहीर असून माझा प्रवेश होतोय. आज उमेदवारी जाहीर होईल किंवा नाही. मात्र मीच महायुतीचा उमेदवार असणार आहे, असं आढळराव पाटील म्हणाले.