Maharashtra News LIVE : उपमुख्यमंत्री एकनाथ शिंदे परभणी दाैऱ्यावर..

शिवसेना पक्ष आणि चिन्हावर कोर्टात आज सुनावणी आहे. शिवसेना शिंदे गटाकडून युक्तीवाद केला जात आहे. आज आणि उद्याही सुनावणी होणार आहे. या सुनावणीकडे राज्याच्या नजरा आहेत. पंतप्रधान मोदींच्या सार्वजनिक जीवनाला 25 वर्षे पूर्ण होत आहेत…त्यानिमित दिल्लीसह देशभरात विविध कार्यक्रमांचे आयोजन करण्यात आले. रोहित पवार एमपीएससी आंदोलन एमपीएससी विद्यार्थी यांचा आंदोलनाचा सातवा दिवस… रोहित पवार एमपीएसी विद्यार्थ्यांसोबत पुण्यात आंदोलन करत आहेत. रोहित पवार विद्यार्थ्यांसोबत रात्रभर रस्त्यावर झोपले. उपमुख्यमंत्री एकनाथ शिंदे परभणी जिल्हा दौऱ्यावर आहेत. त्यानंतर त्यांच्या हस्ते पंतप्रधान नरेंद्र मोदी यांच्या 25 वर्षाच्या सेवापर्व वर्षाच्या निमित्ताने शेतकरी महिलांना शिलाई मशीन तसेच विविध साहित्याचे वाटप केले जाणार आहे. तसेच दुष्काळग्रस्त शेतकऱ्यांना अन्नधान्याच्या किट वाटप केल्या जाणार आहेत.