AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

दिल्लीचं चित्र स्पष्ट… भाजपला सत्ता, आप विरोधात, काँग्रेसचं काय?; A टू Z निकाल वाचा एका क्लिकवर

Delhi Election Result 2025 : दिल्लीतील सत्तेच्या महाकुंभात भाजपाने एकदाचे अमृत स्नान केले. दिल्ली विधानसभा निवडणुकीचे चित्र स्पष्ट झाले आहे. भाजपाने बहुमताचा टप्पा केव्हाच ओलांडला आहे. तर आप विरोधी गोटात बसणार आहे. काँग्रेसचं गणित एव्हाना तुम्हालाही कळलं असेलच, नाही का?

दिल्लीचं चित्र स्पष्ट... भाजपला सत्ता, आप विरोधात, काँग्रेसचं काय?; A टू Z निकाल वाचा एका क्लिकवर
दिल्लीत भाजपाची लाट
| Updated on: Feb 08, 2025 | 2:16 PM
Share

अखेर भाजपाचा 27 वर्षांचा वनवास संपला आहे. दिल्लीती सत्तेच्या महाकुंभात भाजपाने विजयाचे स्नान केले. दिल्ली विधानसभा निवडणुकीचे चित्र स्पष्ट झाले आहे. भाजपाने बहुमताचा टप्पा केव्हाच ओलांडला आहे. हाती आलेल्या आकड्यांनुसार, 70 सदस्य असलेल्या विधानसभेत भाजपाने 47 हून अधिक जागी मुसंडी मारली आहे. तर आप 23 जागांवर आपटले आहे. त्यामुळे आप विरोधी गोटात बसणार आहे. काँग्रेसचं गणित एव्हाना तुम्हालाही कळलं असेलच, नाही का?

27 वर्षांचा वनवास संपला

दिल्लीत भाजपाचा 27 वर्षांचा वनवास संपला. भाजपा मोठ्या बहुमताने दिमाखात सत्तेत परतली. आम आदमी पक्षाच्या दिग्गजांची धूळधाण झाली. भाजपाचा विजयासोबतच आपचा मजबूत किल्ला जमीनदोस्त झाला. भाजपाने केवळ विजयच मिळवला नाही, तर मुसंडी मारली. अर्थात दिल्लीतील या विजयाचे खरे शिलेदार पंतप्रधान नरेंद्र मोदी यांना मानण्यात येते. त्यांनी अखेरच्या सत्रात, तीन दिवसात जी खेळी खेळली तिचा मोठा परिणाम दिसून आला. निवडणुकीचे वारे फिरले.

तो निर्णय ठरला मास्टरस्ट्रोक

तर दिल्ली विधानसभा निवडणूक काळातच मोदी सरकारचे बजेट सादर झाले. गेल्या काही वर्षात मोदी सरकारने मध्यमवर्गाकडे मोठे दुर्लक्ष केले होते. त्यामुळे नाराजीचा सूर होता. दिल्लीत केंद्रीय कर्मचाऱ्यांसह इतर मध्यमवर्ग 45 टक्क्यांच्या घरात आहे. नेमका हाच मुद्दा भाजपाने पथ्यावर पाडून घेतला. बजेटमध्ये पगारदार वर्गाचे 12 लाखांचे उत्पन्न करमुक्त करण्यात आले. तर 75 हजारांचे अतिरिक्त सूट, रिबेट मिळाले. त्यामुळे आपच्या बाजूने झुकलेला मध्यमवर्ग अचानक भाजपाकडे वळला. हीच खेळी गेमचेंजर ठरली. तर निवडणुकीत दिलेल्या आश्वासनाने भाजपाला मोठी सहानुभूती मिळाली.

रस्ते, पाणी, प्रदूषणाने ‘आप’टी बार!

आपकी बार भाजप सरकारचा नारा देत जनतेने रस्ते, पाणी, प्रदूषणाच्या विषयावर अरविंद केजरीवाल यांच्या पक्षाला ‘आप’टी बार दिला. दिल्लीतील अनेक रस्त्यांची दुर्दशा झाली आहे. बुराडी ते संगम विहार आणि पटपडगंज ते उत्तमनगर याच नाही तर इतर अनेक भागातील रस्त्यांची दुरावस्था भाजपाने हिरारीने मांडली. या भागातील 10 वर्षात एकदाही रस्त्याचे मोठे काम न झाल्याचा दावा करण्यात येत होता.

तर दिल्लीत टँकरच्या वाऱ्या वाढल्या होत्या. उन्हाळ्यात तर पाण्याची भीषण स्थिती होती. भाजपाने स्वच्छ आणि मुबलक प्रमाणात पाणी देण्याचे आश्वासन दिले. मोफत योजनांपेक्षा पाणी हा मुद्दा जोरकस ठरला. दुसरीकडे यमुना नदीचे प्रदूषण, दिल्लीतील दूषित हवा. प्रदूषणाचा मुद्दा सर्वोच्च न्यायालयापर्यंत गाजला होता. हिवाळ्यात सकाळची दृष्यमानता अगदी कमी झाल्याचे दिसून आले. दुसरीकडे मुस्लिम मतदारांमध्ये फूट पाडण्यात भाजपाला यश आले. काँग्रेस, आपमध्ये त्यांचे विभाजन झाले. तर काही मुस्लिम मतदारांनी भाजपाची साथ दिली.

काँग्रेसला वाली कोण ?

आकड्यांनुसार, 70 सदस्य असलेल्या विधानसभेत भाजपाने 47 हून अधिक जागी मुसंडी मारली आहे. तर आप 23 जागांवर आपटले आहे. त्यामुळे आप विरोधी गोटात बसणार आहे. काँग्रेसचं पानीपत झाले आहे. दिल्लीत कधीकाळी मुख्यमंत्री असणाऱ्या या राष्ट्रीय पक्षाचे साधं खातं ही न उघडणं ही काँग्रेससाठी धोक्याची घंटा आहे. काँग्रेस अस्ताकडे तर चालली नाही ना? अशी चर्चा होत आहे. भाजपाची स्ट्रॅटर्जीला मात देण्यासाठी या पक्षाकडे करिष्माई नेता नाही का? धोरणं नाहीत का? पार्टी कॅडर नाही का? असे एक ना अनेक प्रश्नांची मालिकाच समोर येत आहे. काँग्रेस अजून किती रसातळाला जाणार असा सवाल पक्षातील कार्यकर्तेच उद्गिनतेने विचारत आहेत.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी