दिल्ली निवडणूक 2025

दिल्ली एक केंद्र-शासित प्रदेश आहे. दिल्ली आणि नवी दिल्ली एकच आहे, असं अनेक लोकांना वाटतं. पण ही दोन्ही ठिकाणे भिन्न आहेत. 20 व्या शतकाच्या सुरुवातीला भारताची राजधानी दिल्लीत हलवण्यात आली तेव्हा नवी दिल्लीची रचना करण्यात आली. राजधानीचं शहर असल्याने सरकारच्या तिन्ही घटकांचे मुख्यालय - कार्यपालिका, संसद आणि न्यायपालिकेचे मुख्य कार्यालय नवी दिल्लीत आहे. 1483 चौरस किलोमीटरमध्ये पसरलेले दिल्ली शहर हे लोकसंख्येच्या दृष्टीने भारतातील दुसरे मोठे महानगर आहे. त्याच्या नैऋत्येला अरवली टेकड्या आणि पूर्वेला यमुना नदी आहे, त्याच नदीच्या काठेलर हे शहर वसले आहे. दिल्लीच्या इतिहासाची सुरुवात सिंधू संस्कृतीशी जोडलेली आहे. महाभारत काळात याचे नाव इंद्रप्रस्थ होते. महाभारत काळात इंद्रप्रस्थ ही पांडवांची राजधानी होती. 18व्या आणि 19व्या शतकात ब्रिटीश ईस्ट इंडिया कंपनीने जवळजवळ संपूर्ण भारत आपल्या ताब्यात घेतला.