Marathi News Photo gallery Aamir Khan future wife gauri spratt is a mother to a son and grandfather participated in the freedom struggle
एका मुलाची आई आहे आमिर खानची होणारी बायको, आजोबांचा स्वातंत्र्यलढ्यात सहभाग
सध्या इंडस्ट्रीमध्ये एकच चर्चा रंगलेली आहे आणि ती म्हणजे अभिनेता आमिर खान याच्या लग्नाची. आमिर लवकरच नव्या आयुष्याची सुरुवात करणार आहे. सांगायचं झालं तर, गेल्या अनेक महिन्यांपासून आमिर गर्लफ्रेंड गौरी स्प्रैट हिला डेट करत आहे. 5 जुलै रोजी आमिर आणि गौरी त्यांच्या नात्याला पती – पत्नीचं नाव देणार आहेत.
अभिनेता आमिर खान वयाच्या 60 व्या वर्षी 47 वर्षीय गौरी हिच्यासोबत लग्न करणार आहे. गौरी आणि आमिर यांच्यामध्ये जवळपास 14 वर्षांचं अंतर आहे… गौरी हिचा जन्म कर्नाटकची राजधानी असलेल्या बेंगळुरूमध्ये झाला. आमिरने एका मुलाखतीत सांगितल्यानुसार, दोघे एकमेकांना गेल्या 25 वर्षांपासून ओळखत आहेत. ओळखीच्या मित्रामुळे दोघांची भेट झाली.
1 / 5
लंडनमध्ये फॅशन आणि स्टाइलिंगचे शिक्षण घेतलेली गौरी ही एक उद्योजिका आणि फॅशन स्टायलिस्ट आहे. ती ‘बी:ब्लंट’ (B:Blunt) या कंपनीत संचालक आणि पार्टनर आहे. आमिरने रिलेशनशिपची घोषणा केल्यानंतर गौरी प्रसिद्धीझोतात आली. पण तिला लाईमलाईटपासून लांब राहायला आवडतं.
2 / 5
रिपोर्टनुसार, गौरीची पार्श्वभूमी बहुसांस्कृतिक आहे. तिचे आजोबा फिलिप स्प्राट हे ब्रिटनमध्ये जन्मलेले कम्युनिस्ट होते; ते 1920 च्या दशकात भारतात आले आणि स्वातंत्र्यलढ्यात सहभागी झाले. गौरीचे वडील रॉबर्ट स्प्राट हे तमिळ-ब्रिटीश वंशाचे आहेत, तर त्यांच्या आई रीटा स्प्राट या पंजाबी-आयरिश वंशाच्या आहेत.
3 / 5
आमिर खान याच्याप्रमाणे गौरी हिचं देखील आधी एक लग्न झालेलं आहे. तिला सात वर्षांचा मुलगा देखील आहे, ज्याचं नाव क्वीन (Quinn) आहे. पण गौरी हिचा पहिला नवरा कोण होता? याबद्दल कोणतीच माहिती समोर आलेली नाही. गौरी हिने देखील यावर मौन बाळगलं आहे.
4 / 5
5 जुलै रोजी गौरीसोबत लग्न करणार आहे. आमिर याने सांगितल्यानुसार, अभिनेत्याच्या राहत्या घरीच साध्या पद्धतील लग्न पार पडणार आहे. लग्नात जवळचे मित्र आणि कुटुंबिय असणार आहेत. आमिरची मुलं देखील वडिलांच्या लग्नात उपस्थित राहणार आहे.
