ते औषध द्यायचा अन् महिलांचे नियंत्रण सुटायचे; संबंध ठेवण्यासाठी व्हायच्या तयार, लिंगपिसाट अशोक खरात प्रकरणात भयानक माहिती समोर
दररोज लिंगपिसाट अशोक खरात प्रकरणात वेगवेगळी माहिती समोर येत आहे. आता या प्रकरणाता मोठी अपडेट समोर आली आहे. अशोक खरात महिलांना नको ते औषध द्यायचा. त्यानंतर महिला संबंध ठेवण्यासाठी तयार व्हायच्या असे म्हटले जात आहे.
भोंदूबाबा अशोक खरात यांच्या काळ्या कारनाम्यांची मालिका अजूनही थांबत नाहीये. दररोज नवीन खुलासे समोर येत आहेत. आता एक धक्कादायक माहिती समोर आली आहे. महिलांशी शरीरसंबंध ठेवताना खरात त्यांना नकळत विशिष्ट औषधे देत होता, असे SIT तपासात उघड झाले आहे.
1 / 6
या प्रकरणात नाशिकमधील काही नामांकित डॉक्टरही आता तपास यंत्रणांच्या रडारवर आले आहेत. या डॉक्टरांच्या मदतीने खरातला ही औषधे मिळत असल्याचा संशय व्यक्त करण्यात येत आहे. विश्वसनीय सूत्रांनी एका वृत्तवाहिनीला दिलेल्या माहितीनुसार, या डॉक्टरांना लवकरच चौकशीसाठी बोलावण्यात येऊ शकते.
2 / 6
अशोक खरात याने भविष्य सांगण्याच्या बहाण्याने अनेक महिलांचे लैंगिक शोषण केल्याचे आधीच समोर आले आहे. मात्र आता तपासात असा संशय आहे की, पीडित महिलांना गर्भधारणा टाळण्यासाठी तो त्यांना विशिष्ट गोळ्या आणि औषधे देत होता.
3 / 6
प्रश्न असा आहे की, ही औषधे तो स्वतःच्या मनाने देत होता की, नाशिकमधील काही डॉक्टरांच्या सल्ल्याने आणि मदतीने त्याला या औषधांचा पुरवठा होत होता? SIT या दिशेने सखोल तपास करत आहे.
4 / 6
प्रकरणातील सर्वात भयावह पैलू म्हणजे, महिलांना संमोहित करण्यासाठी किंवा त्यांची शुद्ध हरपण्यासाठी विशिष्ट 'मेडिसिन'चा वापर केला जात होता का, असा प्रश्न आता उपस्थित झाला आहे. पीडित महिलांच्या जबाबानुसार, खरातच्या केबिनमध्ये गेल्यानंतर त्यांना नेमके काय घडले, याची अनेकांना स्पष्ट आठवण राहत नव्हती. यामुळे त्यांना गुंगीचे किंवा संमोहित करणारे औषध दिले जात असल्याचा दाट संशय व्यक्त होत आहे.
5 / 6
या गुन्ह्याच्या गांभीर्यामुळे स्थापन करण्यात आलेल्या SIT पथकाने आता तांत्रिक आणि वैज्ञानिक पुराव्यांकडे लक्ष केंद्रित केले आहे. खरातच्या संपर्कात आलेल्या डॉक्टरांची यादी तयार करण्यात आली असून, त्यांच्या क्लिनिक आणि मेडिकल स्टोअर्समधील औषधांच्या खरेदी-विक्रीचे रेकॉर्ड तपासले जाणार आहेत. यातून नाशिकमधील वैद्यकीय क्षेत्रातील काही 'बडे मासे' पोलिसांच्या जाळ्यात अडकण्याची शक्यता वर्तवली जात आहे.
