Marathi News Photo gallery Did Anushka Sarkate father gifted bmw car to Nikhil Chavan photo sparked controversy karbhari laybhari couple
‘गरीब बापाने काय करायचं?’ निखिल चव्हाणला लग्नात सासऱ्यांनी दिली महागडी गाडी? फोटोवरून संतापले नेटकरी
'कारभारी लयभारी' या मालिकेतून प्रेक्षकांच्या भेटीला आलेली जोडी आता खऱ्या आयुष्यात लग्नबंधनात अडकली आहे. मात्र या दोघांच्या साखरपुड्याच्या फोटोंनी नेटकऱ्यांचं लक्ष वेधलं आहे. त्यातील एका फोटोवरून नेटकरी टीका करत आहेत.
स्वाती वेमूल |
Updated on: Jun 25, 2026 | 12:23 PM
Share
'कारभारी लयभारी' या मालिकेतील अभिनेत्री अनुष्का सरकटे आणि अभिनेता निखिल चव्हाण यांनी नुकतीच लग्नगाठ बांधली आहे. नुकताच त्यांचा साखरपुडाही थाटामाटात पार पडला. अनुष्का आणि निखिलने इन्स्टाग्रामवर या कार्यक्रमाचे फोटो पोस्ट केले आहेत. मात्र त्यातील एका फोटोवरून नेटकऱ्यांनी टीका केली आहे.
1 / 5
या फोटोमध्ये अनुष्का आणि निखिल हे एका नव्याकोऱ्या आणि अत्यंत महागड्या कारच्या बाजूला उभे असल्याचं दिसतंय. नव्या आयुष्याची सुरवात नव्या गाडीने करतोय, असं कॅप्शन अनुष्काने या फोटोला दिलं आहे. या फोटोमध्ये आणखी एक ज्येष्ठ व्यक्ती दिसून येत आहे. त्यामुळे सासऱ्यांनी निखिलला हुंडा म्हणून ही महागडी कार दिली का, असा सवाल नेटकरी करत आहेत.
2 / 5
'हुंडा देणं आणि घेणं दोन्हीही चुकीचं आहे. अशा प्रथांचं तुम्ही समर्थन करून तुम्ही चुकीचा आदर्श ठेवत आहात. तुम्ही म्हणाल की ही गाडी आम्ही स्वतः घेतली. तर मग तोच फोटो पहिला का? अंगठी किंवा तुमचा फोटो अगोदर का टाकला नाही? साखरपुड्याचा त्याचाशी काय संबंध,' असे सवाल एका युजरने केले आहेत.
3 / 5
दुसऱ्या युजरनेही टीका करत म्हटलंय, 'तुमच्यासारख्या अमीरजाद्यांमुळे गरिबांच्या लेकींचे आणि त्यांचा बापांचे जीव जातात. तुम्ही सेलिब्रिटी आहात त्यामुळे तुम्ही असे संदेश देण्यापूर्वी समाजात काय चाललंय याचा विचार केला पाहिजे. हा मुद्दा फक्त फोटोपुरता मर्यादित नसून, तुम्ही नको ते आदर्श लोकांपुढे ठेवत आहात. मध्यमवर्गीय बाप कुठून देईल सांगा बीएमडब्ल्यू?'
4 / 5
एवढ्या लवकर कार गिफ्ट द्यायची काय गरज होती, असंही काहींनी म्हटलं आहे. यावर अद्याप अनुष्का किंवा निखिलने कोणतीच प्रतिक्रिया दिलेली नाही. सध्या अनुष्का आणि निखिल त्यांच्या लग्नामुळे सोशल मीडियावर चर्चेत आले आहेत.
