Nana Patekar Last Movie : नाना पाटेकरांचे ‘हे’ दोन सिनेमे ठरणार शेवटचे
नाना पाटेकर यांच्या निधनाने चित्रपटसृष्टीवर शोककळा पसरली आहे. मात्र त्यांच्या चाहत्यांना त्यांचा दमदार अभिनय पुन्हा एकदा मोठ्या पडद्यावर पाहता येणार आहे. निधनापूर्वी त्यांनी काही चित्रपटांचे चित्रीकरण पूर्ण केले होते. त्यामुळे आगामी काळात त्यांच्या अभिनयाची झलक रुपेरी पडद्यावर पाहायला मिळणार आहे.
ज्येष्ठ अभिनेते नाना पाटेकर यांच्या निधनाने भारतीय चित्रपटसृष्टीला मोठा धक्का बसला आहे. आपल्या दमदार अभिनयाने आणि वेगळ्या शैलीने प्रेक्षकांच्या मनावर छाप पाडणाऱ्या नाना पाटेकर यांच्या जाण्याने बॉलिवूडमध्ये शोककळा पसरली आहे. त्यांच्या निधनानंतर आता त्यांचा अभिनय मोठ्या पडद्यावर पाहायला मिळणार नाही, ही भावना त्यांच्या चाहत्यांसाठी अत्यंत भावूक करणारी आहे.
1 / 8
मात्र नाना पाटेकर यांनी निधनापूर्वी काही चित्रपटांचे चित्रीकरण पूर्ण केले होते. त्यामुळे आगामी काळात त्यांच्या चाहत्यांना त्यांना पुन्हा एकदा रुपेरी पडद्यावर पाहण्याची संधी मिळणार आहे. विशेष म्हणजे, नानांचे दोन चित्रपट प्रदर्शनाच्या तयारीत आहेत.
2 / 8
‘ईठा’ चित्रपटामध्ये नाना पाटेकरांची महत्त्वाची भूमिका. ‘ईठा’ हा चित्रपट लक्ष्मण उतेकर यांच्या दिग्दर्शनाखाली तयार होत आहे. या सिनेमात अभिनेत्री श्रद्धा कपूर लावणीसम्राज्ञी विठाबाई नारायणगावकर यांची व्यक्तिरेखा साकारताना दिसणार आहे.
3 / 8
चित्रपटातील नाना पाटेकर यांच्या भूमिकेबाबत अद्याप फारशी माहिती समोर आलेली नाही. त्यामुळे ते पडद्यावर नेमक्या कोणत्या व्यक्तिरेखेत दिसणार, याची उत्सुकता चाहत्यांमध्ये कायम आहे.
4 / 8
‘शक्ती शालिनी’ चित्रपटामध्येही दिसणार नाना. नाना पाटेकर यांचा आणखी एक बहुप्रतीक्षित चित्रपट म्हणजे ‘शक्ती शालिनी’. मॅडॉक फिल्म्सच्या हॉरर-कॉमेडी युनिव्हर्सचा हा आगामी सिनेमा असून त्याचे दिग्दर्शन आदित्य सरपोतदार यांनी केले आहे.
5 / 8
या चित्रपटातील नाना पाटेकर यांचे चित्रीकरण आधीच पूर्ण झाले आहे. विशेष म्हणजे, नाना पाटेकर या सिनेमात ‘सैयारा’ फेम अभिनेत्री अनीत पड्डा हिच्यासोबत स्क्रीन शेअर करताना दिसणार आहेत. त्यामुळे नानांच्या चाहत्यांसाठी हा चित्रपट आणखी खास ठरणार आहे.
6 / 8
नाना पाटेकर यांच्या निधनानंतर त्यांच्या आगामी चित्रपटांकडे आता केवळ मनोरंजन म्हणून पाहिले जाणार नाही. ‘ईठा’ आणि ‘शक्ती शालिनी’ हे दोन्ही चित्रपट त्यांच्या चाहत्यांसाठी नानांच्या अभिनयाची शेवटची आठवण ठरू शकतात. रुपेरी पडद्यावर त्यांची एन्ट्री, संवादफेक आणि अभिनय पाहताना प्रेक्षकांच्या भावनाही निश्चितच दाटून येतील.
7 / 8
नाना पाटेकर यांनी आपल्या अभिनयातून अनेक दशकं प्रेक्षकांचं मनोरंजन केलं. आता त्यांच्या आगामी चित्रपटांच्या माध्यमातून त्यांची कला पुन्हा एकदा मोठ्या पडद्यावर अनुभवता येणार आहे.
