Nana Patekar Son : नाना पाटेकर यांचा मुलगा मल्हार पाटेकर काय करतो? वडिलांप्रमाणेच प्रसिद्धीपासून दूर, दिग्दर्शन-प्रॉडक्शनमध्ये आजमावलं नशीब
नाना पाटेकर यांच्या निधनानंतर त्यांचा मुलगा मल्हार पाटेकर चर्चेत आला आहे. वडिलांप्रमाणेच मल्हारदेखील साधं आणि खासगी आयुष्य जगणं पसंत करतो. नाना पाटेकर आणि नीलकांती पाटेकर यांचा तो एकुलता एक मुलगा आहे. त्याचं बालपण, शिक्षण आणि कुटुंबाशी असलेलं नातं जाणून घेऊया.
ज्येष्ठ अभिनेते नाना पाटेकर यांच्या निधनाच्या वृत्ताने चित्रपटसृष्टीसह त्यांच्या चाहत्यांवर शोककळा पसरली आहे. वयाच्या 75व्या वर्षी नाना पाटेकर यांनी अखेरचा श्वास घेतला. त्यांच्या निधनाची अधिकृत माहिती त्यांचा मुलगा मल्हार पाटेकर यांनी दिली. नाना पाटेकर यांच्या पार्थिवावर पुण्यात अंत्यसंस्कार होणार असून, महाराष्ट्र सरकारने त्यांच्यावर शासकीय इतमामात अंत्यसंस्कार करण्याचा निर्णय घेतला आहे.
1 / 7
नाना पाटेकर यांचा मुलगा मल्हार पाटेकर सध्या या दुःखद प्रसंगी कुटुंबीयांसोबत आहेत. मात्र, नानांप्रमाणेच मल्हारदेखील प्रसिद्धीपासून काहीसा दूर राहतो. त्यामुळे तो नेमका काय करतो, त्याचं शिक्षण काय झालं आणि चित्रपटसृष्टीत त्याचा प्रवास कसा आहे, याबद्दल अनेकांना उत्सुकता आहे.
2 / 7
नाना पाटेकर आणि नीलकांती पाटेकर यांचा मल्हार हा एकुलता एक मुलगा आहे. वडिलांप्रमाणेच साधं आयुष्य जगण्याला मल्हार प्राधान्य देतो. त्याच्या व्यक्तिमत्त्वात आणि स्वभावात नाना पाटेकर यांची झलक दिसून येते.
3 / 7
मल्हारचं शालेय शिक्षण मुंबईतील सरस्वती मंदिर हायस्कूलमध्ये झालं. त्यानंतर त्याने वाणिज्य शाखेतून पदवीचं शिक्षण पूर्ण केलं.
4 / 7
वडील बॉलिवूडमधील मोठं नाव असतानाही मल्हारने थेट अभिनयाच्या क्षेत्रात येण्यापेक्षा पडद्यामागे काम करण्याचा मार्ग निवडला. राम गोपाल वर्मा यांच्या ‘द अटॅक्स ऑफ 26/11’ या चित्रपटात त्याने सहाय्यक दिग्दर्शक म्हणून काम केलं. यानंतर त्याने निर्मिती क्षेत्रातही पाऊल टाकलं. स्वतःचं ‘नानासाहेब प्रॉडक्शन हाऊस’ सुरू करून त्याने प्रॉडक्शनच्या क्षेत्रात काम करण्यास सुरुवात केली.
5 / 7
मल्हार पाटेकर सामाजिक कार्यातही सहभागी असल्याचं सांगितलं जातं. नामा फाउंडेशनच्या माध्यमातून शेतकरी आणि दुष्काळग्रस्तांसाठी करण्यात येणाऱ्या मदतकार्यात त्याचा सहभाग राहिला आहे.
6 / 7
नाना पाटेकर यांनी आपल्या मुलाला चित्रपटसृष्टीत लॉन्च करण्यासाठी स्वतःच्या प्रभावाचा वापर केला नाही. मल्हारने स्वतःच्या कर्तृत्वावर आणि मेहनतीवर आपली ओळख निर्माण करावी, अशी नानांची भूमिका होती. त्यामुळे मल्हारनेही अभिनयापेक्षा दिग्दर्शन आणि प्रॉडक्शन या क्षेत्रात स्वतःचा मार्ग निवडला.
