Numerology 2023 : अंकशास्त्राचं गणित रविवार 26 नोव्हेंबर रोजी कसं असेल? जाणून घ्या शुभ अंक आणि शुभ रंग
Numerology 2023 : अंकशास्त्रात प्रत्येक अंकांचं महत्त्व सांगितलं गेलं आहे. जन्म तारखेनुसार मूलांक आणि भाग्यांक काढला जातो. मूलांकाच्या आधारे तुमचा दिवस कसा असेल ते जाणून घ्या.
अंकशास्त्रात मूलांक आणि भाग्यांकाद्वारे लकी नंबर आणि शुभ रंग ठरवला जातो. 1- सूर्य, 2- चंद्र, 3- गुरु, 4- राहु, 5 – बुध, 6 – शुक्र, 7 – केतु, 8- शनि आणि 9 या अंकावर मंगळाचं अधिपत्य आहे. मुलांक ही तुमची जन्म तारीख असते. 1, 10, 28 ही जन्मतारीख असेल तर 1+0 , 2+8 असं करत मुलांक 1 येईल.
1 / 10
गुंतवणूक करताना काळजी घ्या. मिळालेल्या संधीचं सोनं करणं गरजेचं आहे. काही किचकट कामं मार्गी लागतील. त्यामुळे जीव भांड्यात पडेल. शुभ अंक 11 आणि शुभ रंग पांढरा राहील.
2 / 10
न्यायालयीन प्रकरणात यश मिळेल. पण अपेक्षित यश मिळालं नसल्याने निराशा येईल. सरते शेवटी मिळालेलं त्यापेक्षा गमावल्याचं दिसून येईल. शुभ अंक 20 आणि शुभ रंग गुलाबी राहील.
3 / 10
वैवाहिक जीवनात अडचणींचा सामना करावा लागू शकतो. बायकोकडून एखाद्या कामासाठी तगादा लागेल. पण आर्थिक गणित जुळत नसल्याने त्रास होईल. शुभ अंक 13 आणि शुभ रंग पिवळा राहील.
4 / 10
आरोग्यविषयक तक्रारी डोकं वर काढतील. दिवसभर अस्वस्थता दिसून येईल. मित्रांसोबत लांबचा प्रवास करायचा योग येईल. पण तब्येतीमुळे जाता येणार नाही. शुभ अंक 6 आणि शुभ रंग लाल राहील.
5 / 10
आपलं काम करून घेण्यासाठी जीभेवर साखर ठेवणं गरजेचं आहे. बोलण्यात गोडवा असेल तर कामं झटपट होतात. भांडणं होतील असं वागणं सोडून द्या आणि कामाकडे लक्ष द्या. शुभ अंक 8 आणि शुभ रंग निळा राहील.
6 / 10
दिवसाची सुरुवात अडखळत झाली की कशातच मन रमत नाही. अशीच प्रचिती देणारा हा दिवस आहे. आवश्यक कामं पूर्ण करण्यासाठी खटाटोप करा. संध्याकाळ एकदम मजेत जाईल. शुभ अंक 17 आणि शुभ रंग पिवळा राहील.
7 / 10
गेल्या काही दिवसांपासून असलेल्या वादामुळे वातावरण बिघडलं होतं. पण घरातील वाद शमल्याने शांतता अनुभवाल. कुटुंबासोबत फिरण्यासाठी योजना आखा. शुभ अंक 4 आणि शुभ रंग हिरवा राहील.
8 / 10
गुप्तशत्रूंकडून कारवाया होण्याची शक्यता आहे. त्यामुळे सतर्क राहा. कोणतंही काम हाती घेण्यापूर्वी दहा वेळा विचार करा. जवळच्या व्यक्तींकडून ऐनवेळी दगाफटका होऊ शकतो. शुभ अंक 23 आणि शुभ रंग सोनेरी राहील.
9 / 10
समाजात मानसन्मान वाढेल. जमिन खरेदी विक्रीतून लाभ मिळेल. मोठी रक्कम हाती लागल्याने हुरळून जाऊ नका. योग्य ठिकाणी गुंतवणूक करा. शुभ अंक 14 आणि शुभ रंग सोनेरी राहील. (वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.)
