'आई कुठे काय करते' फेम अपूर्वा गोरे आणि 'शाळा' फेम अंशुमन जोशी यांच्या लग्नाचे फोटो व्हायरल झाले हते. त्यांच्या साखरपुड्याचेही सुंदर फोटो समोर आले आहेत. या फोटोंमध्ये अपूर्वा आणि अंशुमनचा रॉयल लूक आणि त्यांच्या चेहऱ्यावरील आनंद स्पष्ट दिसतोय. दोघांच्या प्रेमकथेचीही चर्चा होत असून, हे क्षण चाहत्यांना खूप आवडले आहेत.
'शाळा' फेम अभिनेता अंशुमन जोशी आणि 'आई कुठे काय करते' मालिका फेम इशा म्हणजे अपूर्वा गोरे यांच्या लग्नाचे फोटो खूप व्हायरल झाले होते. आता लग्नानंतर जवळपास महिन्याभराने अपूर्वाने त्यांच्या एंगेजमेंटचे अर्थात साखरपुड्याचे काही सुंदर क्षण शेअर केले आहेत. या खास समारंभादर्यमान अपूर्वा आणि अंशुमनच्या चेहऱ्यावरचं हास्य हे त्यांच्या प्रेमाची पावती देत होतं. त्यासह तिने खास कॅप्शनही पोस्ट केली. (All Photos: Instagram / Apurva Gore)
1 / 9
सुंदर जांभळी साडी, मॅचिंग ब्लाऊज, दागिने, साजेशी हेअरस्टाईल, हातावर मेहंदी आणि हिरवा चुडा अशा वेषात असलेल्या अपूर्वावर सर्वांच्या नजरा खिळल्या होत्या. तर ऑफ व्हाईट, क्रीमीश रंगाच्या शेरवानीमध्ये अंशुमन हा देखील राजबिंडा दिसत होता. त्या दोघांचे एकमेकांसोबतचे क्षण, हास्य, कुटुंबियांची सोबत या सर्वांची झलक या फोटोंमधून दिसत आहे.
2 / 9
अंशुमन आणि अपूर्वाने त्यांच्या लग्नासाठी अत्यंत खास जागा निवडली. पुण्यातील झपूर्झा कला आणि संस्कृती संग्रहालयामध्ये गेल्या महिन्यात त्यांचा विवाह पार पडला. त्यांच्या लग्नाचे फोटो, व्हिडीओ प्रचंड व्हायरल झाले होते, ज्यावर हजारो लाईक्स आणि कमेंट्सही आल्या.
3 / 9
अभिनेत्री अपूर्वा गोरेही बरंच काम केलं आहे. मात्र 'आई कुठे काय करते' या दैनंदिन मालिकेत तिने अरुंधतीच्या मुलीची, ईशाची भूमिका साकारली. तिचं कामही प्रेक्षकांना खूप आवडलं, इशाच्या भूमिकेने तिला घराघरांत ओळख मिळवून दिली.
4 / 9
अंशुमन जोशी याने 'फुंतरू', 'फास्टर फेणे', 'फोटोकॉपी' यांसारख्या चित्रपटांमध्येही भूमिका साकारल्या. मात्र काही वर्षांपूर्वी आलेल्या, गाजलेल्या 'शाळा' या चित्रपटातील मुकुंदच्या भूमिकेमुळे त्याला विशेष लोकप्रियता मिळाली. त्या चित्रपटामुळे तो घराघरांत पोहोचला, आजही कित्येक जण त्याला मुकुंद या नावाने ओळखतात.
5 / 9
अपूर्वा-अंशुमनची लव्हस्टोरीही हटके आहे. अपूर्वाला अभिनय क्षेत्रातील नवरा नको होता, परंतु अंशुमनला भेटल्यानंतर तिचे विचार बदलले, असं तिने एका मुलाखतीत सांगितलं. पहिल्या भेटीतच त्यांनी तब्बल 6 तास गप्पा मारल्या होत्या.
6 / 9
2025 मध्ये अंशुमन आणि अपूर्वाची पहिली भेट झाली होती. पहिल्या भेटीच्या वर्षभरातच त्यांनी कुटुंबीयांच्या संमतीने लग्नाचा निर्णय घेतला. आमची आधी चांगली मैत्री झाली आणि त्यानंतर आम्ही लग्नाचा निर्णय घेतला, असंही अपूर्वाने सांगितलं होतं.
7 / 9
अनेकांना अपूर्वांची गर्द जांभळी साडी प्रचंड आवडली असून, दोघांचाही लूक अगदी रॉयल आहे, असं म्हणत नेटकऱ्यांनी त्यांचं भरभरून कौतुक केलंय.
8 / 9
अपूर्वाने नुकत्याच शेअर केलेल्या फोटोंवर लाईक्स, कमेंट्सचा अगदी पाऊस पडलाय. हजारो लोकांनी फोटो लाईक केले असून असंख्य कमेंट्समधून त्यांच्या लूकचं, सोहळ्याचं कौतुक करण्यात आलं आहे.
