भारतात Day-Night Test च्या पहिल्या डावात सव्वाशे धावा मुश्किल, आतापर्यंतची आकडेवारी IND-SL साठी धक्कादायक
मोहालीतला सामना जिंकल्यानंतर, रोहित शर्माच्या नेतृत्वाखालील भारतीय क्रिकेट संघ आता बंगळुरूच्या एम. चिन्नास्वामी स्टेडियमवर श्रीलंकेशी भिडणार आहे. पहिला सामना जिंकून भारताने मालिकेत आघाडी घेतली असून आता मालिका जिंकण्यावर लक्ष केंद्रित केले आहे.
TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम |
Updated on: Mar 11, 2022 | 8:23 PM
Share
मोहालीतला सामना जिंकल्यानंतर, रोहित शर्माच्या नेतृत्वाखालील भारतीय क्रिकेट संघ आता बंगळुरूच्या एम. चिन्नास्वामी स्टेडियमवर श्रीलंकेशी भिडणार आहे. पहिला सामना जिंकून भारताने मालिकेत आघाडी घेतली असून आता मालिका जिंकण्यावर लक्ष केंद्रित केले आहे. हा डे-नाईट कसोटी सामना असेल आणि या स्टेडियमवर हा पहिला डे-नाईट कसोटी सामना असेल. (BCCI Photo)
1 / 5
एम चिन्नास्वामी स्टेडियमवर नाणेफेक जिंकणारा संघ प्रथम फलंदाजी करू इच्छितो. सुरुवातीची काही षटकं जपून खेळल्यानंतर ही खेळपट्टी फलंदाजीसाठी अधिक अनुकूल बनते. या स्टेडियममधील गेल्या पाच कसोटी सामन्यांच्या आकडेवारीवर नजर टाकली तर या स्टेडियममधील पहिल्या डावातील सरासरी धावसंख्या 344 धावा इतकी आहे. यामुळे दोन्ही संघ प्रथम फलंदाजी करण्यास उत्सुक असतील. या स्टेडियमवर भारताने अफगाणिस्तानविरुद्ध शेवटचा कसोटी सामना खेळला होता. (File Pic)
2 / 5
भारतात खेळवण्यात आलेल्या आतापर्यंतच्या दोन डे-नाईट कसोटी सामन्यांमधील पहिल्या डावाचे आकडे पाहिले तर ते दोन्ही संघांना घाबरवू शकतात. भारतीय भूमीवर खेळल्या गेलेल्या शेवटच्या दोन डे-नाईट कसोटी सामन्यांमध्ये पहिल्या डावात अनुक्रमे 106 आणि 112 धावा झाल्या आहेत. (File Pic)
3 / 5
बांगलादेशने भारतात पहिला डे-नाईट कसोटी सामना खेळला होता. या सामन्यात यजमानांनी एक डाव आणि 46 धावांनी विजय मिळवला होता. बांगलादेशला पहिल्या डावात 106 धावा करता आल्या आणि भारताने पहिला डाव 9 विकेट गमावून 347 धावांवर घोषित केला. हा सामना कोलकात्याच्या ईडन गार्डन्स स्टेडियमवर खेळवण्यात आला होता. (File Pic)
4 / 5
भारतातील दुसरा डे-नाईट कसोटी सामना अहमदाबाद येथे इंग्लंड विरुद्ध खेळवण्यात आला होता. यामध्ये प्रथम फलंदाजी करताना इंग्लंडचा संघ 112 धावांत आटोपला. भारताने हा सामना 10 गडी राखून जिंकला. (File Pic)
