Jofra Archer : पुनरागमन करायचं, तर ते जोफ्रा आर्चर सारखं असावं. त्याने पुनरागमनानंतर दुसऱ्याच सामन्यात 30 वर्षापूर्वीचा रेकॉर्ड मोडला. आर्चरने दक्षिण आफ्रिकेविरुद्ध कमाल केली.
Feb 02, 2023 | 2:51 PM
दुखापतीनंतर पुनरागमन करायचं, तर ते जोफ्रा आर्चर सारखं असावं. इंग्लंडच्या या वेगवान गोलंदाजाने आंतरराष्ट्रीय क्रिकेटमध्ये धमाकेदार पुनरागमन केलय. त्याने पुनरागमनानंतर दुसऱ्याच सामन्यात 30 वर्षापूर्वीचा रेकॉर्ड मोडला.
1 / 5
दक्षिण आफ्रिकेविरुद्ध वनडे सीरीजच्या तिसऱ्या सामन्यात जोफ्रा आर्चरने ही कमाल केली. इंग्लंडने ही मॅच 59 रन्सनी जिंकली. आर्चरने एकट्याने दक्षिण आफ्रिकेचा निम्मा संघ गारद केला.
2 / 5
इंजरीनंतर मैदानात परतणाऱ्या आर्चरचा हा दुसरा वनडे सामना होता. त्याने 9.1 ओव्हरमध्ये 40 धावा देऊन 6 विकेट काढल्या. या बरोबरच त्याने दक्षिण आफ्रिकेतील 30 वर्ष जुना रेकॉर्ड उद्धवस्त केला.
3 / 5
दक्षिण आफ्रिकेत दक्षिण आफ्रिकेविरुद्ध वनडेमध्ये सर्वोत्तम प्रदर्शन करणाऱ्या परदेशी गोलंदाजाच्या यादीत जोफ्रा आर्चरची नोंद झालीय. त्याने 30 वर्षापूर्वीचा वसीम अक्रमचा रेकॉर्ड मोडला. अक्रमने 1993 साली दक्षिण आफ्रिकेविरुद्ध दक्षिण आफ्रिकेत 16 धावा देऊन 5 विकेट काढल्या होत्या.
4 / 5
आर्चरने दक्षिण आफ्रिकेविरुद्ध कमाल केली. परदेशी भूमीवर सर्वोत्तम आकडे असलेला इंग्लिश गोलंदाज बनलाय. त्याने 12 वर्षापूर्वी ख्रिस वोक्सने ऑस्ट्रेलियात स्थापित केलेला रेकॉर्ड मोडला. वोक्सने 45 धावात 6 विकेट काढल्या होत्या.
