IND vs ZIM : इंग्लंड टी20 मालिका सुरू असताना झिम्बाब्वे दौऱ्यासाठी संघ जाहीर, संजू सॅमसनचा पत्ता कट
भारत आणि इंग्लंड यांच्यात पाच सामन्यांची टी20 मालिका सुरू आहे. या मालिकेतील तिसऱ्या सामन्याची तयारी सुरू असताना झिम्बाब्वे दौऱ्यासाठी टीम इंडिया जाहीर केली आहे. या संघातून संजू सॅमसनला वगळण्यात आलं आहे.
भारतीय संघ इंग्लंड दौऱ्यानंतर तीन सामन्यांच्या टी20 मालिकेसाठी झिम्बाब्वे दौऱ्यासाठी जाणार आहे. या मालिकेसाठी श्रेयस अय्यरच्या नेतृत्वात टीम इंडिया जाहीर केली आहे. या संघातून इंग्लंड दौऱ्यातील काही खेळाडूंना वगळण्यात आलं आहे. यात संजू सॅमसन याचं नाव आघाडीवर आहे. त्यामुळे सर्वांच्या भुवया उंचावल्या आहे. कारण दुसऱ्या टी20 सामन्यात वैभव सूर्यवंशीला जागा मिळावी यासाठी त्याला बसवलं होतं. आता झिम्बाब्वे मालिकेसाठी त्याला संघातून वगळण्यात आलं आहे. संजू सॅमसन आयर्लंड आणि इंग्लंड दौऱ्यासाठी टी20 संघाचा भाग होता. मात्र आता त्याला झिम्बाब्वे दौऱ्यात स्थान दिलं नाही. भारत आणि झिम्बाब्वे यांच्यातील तीन सामन्यांची टी20 मालिका 23 जुलैपासून सुरू होणार आहे.
झिम्बाब्वेसाठी भारताचा संघ : श्रेयस अय्यर (कर्णधार), वैभव सूर्यवंशी, अभिषेक शर्मा, तिलक वर्मा (उपकर्णधार), इशान किशन (विकेटकीपर), शिवम दुबे, सूर्यांश शेडगे, रिंकू सिंग, हर्ष दुबे, वरुण चक्रवर्ती, प्रिन्स यादव, यश ठाकुर, अशोक शर्मा, मयंक यादव आणि प्रभसिमरन सिंग (विकेटकीपर)
🚨 News 🚨#TeamIndia squad announced for the 3️⃣-match T20I series against Zimbabwe.
More Details ▶️ https://t.co/sC19D5eW8y#ZIMvIND pic.twitter.com/ctbM5gFMtY
— BCCI (@BCCI) July 6, 2026
भारत आणि झिम्बाब्वे दौऱ्याचं वेळापत्रक
- भारत आणि झिम्बाब्वे पहिला टी20 सामना, 23 जुलै 2026, हरारे
- भारत आणि झिम्बाब्वे दुसरा टी20 सामना, 25 जुलै 2026, हरारे
- भारत आणि झिम्बाब्वे तिसरा टी20 सामना, 26 जुलै 2026, हरारे
इंग्लंडविरुद्धच्या वनडे मालिकेसाठी संघात बदल
भारत आणि इंग्लंड यांच्यात टी20 मालिकेनंतर वनडे मालिका होणार आहे. या मालिकेसाठी भारताने शुबमन गिलच्या नेतृत्वात आधीच संघ जाहीर केला आहे. या संघाता आता एक बदल करण्यात आला आहे. दुखापतग्रस्त नितीश कुमार रेड्डीच्या जागी शिवम दुबेला संघात स्थान दिलं आहे.
इंग्लंड वनडे मालिकेसाठी संघ : शुबमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), केएल राहुल (विकेटकीपर), इशान किशन (विकेटकीपर), वॉशिंग्टन सुंदर, अक्षर पटेल, कुलदीप यादव, जसप्रीत बुमराह, प्रसिद्ध कृष्णा, हार्षित राणा, अर्शदीप सिंग, गुरनूर ब्रार आणि शिवम दुबे.
