IPL स्पर्धेत पहिल्यांदाच पिता पुत्राचा आमनासामना होणार, या दिवशी रंगणार लढत
आयपीएल 2026 स्पर्धेचं 19वं पर्व सुरू आहे. प्रत्येक सामन्यानंतर स्पर्धा पुढे सरकत आहे. असं असताना एका सामन्याची उत्सुकता शिगेला पोहोचली आहे. कारण या सामन्यात पिता पुत्र आमनेसामने येणार आहेत. चला जाणून घेऊयात हा सामना कधी आणि काय आहे ते..
आयपीएल स्पर्धेतील प्रत्येक पर्वात एक नवा इतिहास रचला गेला आहे. आतापर्यंत अनेक विक्रम रचले गेले आणि मोडले गेले. त्यामुळे या स्पर्धेची लोकप्रियता जगभरात आहे. इतकंच दिवसागणिक या लीग स्पर्धेची ब्रँड व्हॅल्यू आणि लोकप्रियता वाढत आहे. यंदा आयपीएल स्पर्धेचं 19वं पर्व सुरू आहे. 28 मार्चपासून स्पर्धेला सुरूवात झाली असून तीन सामने पार पडले आहेत. जेतेपदासाठी शर्यतीत राहण्यासाठी संघांची चुरस सुरू झाली आहे. प्रत्येक जय पराजयानंतर गुणतालिकेत उलथापालथ होणार आहे. असं असताना आयपीएल स्पर्धेच्या इतिहासात एक गोष्ट पहिल्यांदाच घडणार आहे. यापूर्वी या स्पर्धेत असं कधी घडलं नव्हतं. आयपीएल स्पर्धेत पहिल्यांदाच पिता पुत्राचा आमनासामना होणार आहे. हा सामना कधी होणार? याची उत्सुकता लागून आहे. चला जाणून घेऊयात सविस्तर
सचिन विरुद्ध अर्जुन सामना रंगणार
आयपीएल स्पर्धेतील सचिन आणि अर्जुन तेंडुलकर या पितापुत्रांबाबत सांगत आहोत. खरं तर सचिन तेंडुलकरने क्रिकेटला रामराम ठोकलं आहे. सध्या मार्गदर्शकाच्या भूमिकेत आहे. सचिन तेंडुलकर मुंबई इंडियन्सचा मेंटॉर आहे. तर अर्जुन तेंडुलकर हा लखनौ सुपर जायंट्स संघात आहे. ट्रेड विंडोच्या माध्यमातून त्याला लखनौ सुपर जायंट्सने त्याला घेतलं आहे. आयपीएल 2025 पर्यंत ही जोडी मुंबई इंडियन्ससोबत होती. मात्र आता ही जोडी फुटली असून एकमेकांच्या समोर उभे ठाकणार आहेत. त्यामुळे मुंबई इंडियन्स विरूद्ध लखनौ सुपर जायंट्स सामन्याला एक वेगळं रूप प्राप्त होणार आहे. पण यासाठी क्रीडाप्रेमींना एक महिना वाट पाहावी लागणार आहे. कारण हे दोन्ही संघ या स्पर्धेत 4 मे रोजी भिडणार आहेत. हा सामना वानखेडे स्टेडियमवर होईल.
मुंबई इंडियन्स आणि लखनौ सुपर जायंट्स सामना होईल तेव्हा अर्जुन तेंडुलकर प्लेइंग 11 चा भाग असेल की नाही हे सांगता येत नाही. कारण आतपर्यंत त्याने फक्त 5 आयपीएल सामने खेळले आहेत. मुंबई इंडियन्सकडून त्याने 2023 मध्ये डेब्यू केलं होतं. त्याने आयपीएलमधील 5 सामन्यात तीन विकेट घेतल्या आहेत. आता लखनौ सुपर जायंट्स संघात तगडे स्टार गोलंदाज असताना अर्जुन तेंडुलकरला स्थान देणार का? हा देखील प्रश्न आहे.
