Paris Olympic 2024 : पॅरिस ऑलिम्पिकसाठी भारतीय हॉकी संघाची घोषणा, पाच नव्या खेळाडूंची एन्ट्री
पॅरिस ऑलिम्पिक स्पर्धेकडे संपूर्ण जगाचं लक्ष लागून आहे. अवघ्या दिवसांवर ही स्पर्धे येऊन ठेपली आहे. दर चार वर्षानंतर ऑलिम्पिक स्पर्धेचं आयोजन केलं जातं. या स्पर्धेसाठी भारतीय हॉकी संघाची घोषणा करण्यात आली आहे. या संघाचं नेतृत्व हरमनप्रीत सिंग करणार आहे.
पॅरिस ऑलिम्पिक स्पर्धा आता काही दिवसांवर येऊन पोहोचली आहे. ही स्पर्धा 26 जुलैपासून सुरु होणार असून सांगता 11 ऑगस्टला होणार आहे. या स्पर्धेसाठी जगभरातील खेळाडू सज्ज झाले आहेत. गेल्या ऑलिम्पिकमधील चुका सुधारण्याची आणि जेतेपदाचं स्वप्न उराशी बाळगून खेळाडू उतरणार आहेत. 2022 टोक्यो ऑलिम्पिक स्पर्धेत भारतीय हॉकी संघांचं सुवर्ण पदक विजयाचं स्वप्न भंगलं होतं.भारतीय संघाला कास्य पदकावर समाधान मानावं लागलं. आता पुन्हा एकदा टीम इंडिया नव्या जोमाने या स्पर्धेत उतरणार आहे. यासाठी टीम इंडियाची घोषणा करण्यात आली आहे. 16 सदस्यीय संघात पाच नव्या खेळाडूंचा समावेश आहे. जर्मनप्रीत सिंग, संजय, राज कुमार पॉल, अभिषेक, सुखजीत सिंग हे नवखे खेळाडू असून पहिल्यांदाच हॉकी खेळणार आहेत. या संघाचं नेतृत्व पुन्हा एका हरमनप्रीत सिंग याच्याकडे असणार आहे.
भारतीय हॉकी संघाचे प्रशिक्षक क्रेग फुल्टन यांनी सांगितलं की, ‘पॅरिस ऑलिम्पिकसाठी खेळाडूंची निवड करणे खूप कठीण होते. कारण एकापेक्षा एक सरस खेळाडू आहेत. त्यापैकी एखाद्याची निवड करणं खूपच कठीण होतं. संघात निवडलेले सर्व खेळाडू पॅरिस ऑलिम्पिकमध्ये चमकदार कामगिरी करतील असा विश्वास आहे. यावेळी संघात अनुभवी आणि युवा खेळाडूंचा वज्रमूठ आहे.”
Barely any surprises in India's #hockey team for #ParisOlympics. Harman captain, Sreejesh in goal. No Hundal, who was impressive in the Europe leg of the Pro League. And Nilakanta, from the Tokyo squad, is in as a reserve. pic.twitter.com/6WfXFOb3rH
— Mihir Vasavda (@mihirsv) June 26, 2024
भारतीय संघ ब गटात असून यात बेल्जियम, ऑस्ट्रेलिया, अर्जेंटिना, न्यूझीलंड, आयर्लंड हे संघ आहेत. उपांत्यपूर्व फेरीत स्थान मिळवण्यासाठी भारतीय संघाला या गटात अव्वल चारमध्ये स्थान मिळवावं लागणार आहे. आता भारतीय संघ कशी कामगिरी करतो आणि कोणतं पदक पटकावतो? याकडे क्रीडाप्रेमींचं लक्ष लागून आहे. 27 जुलै भारत विरुद्ध न्यूझीलंड, 29 जुलै भारत विरुद्ध अर्जेंटिना, 30 जुलै भारत विरुद्ध आयर्लंड, 1 ऑगस्ट भारत विरुद्ध बेल्जियम, 2 ऑगस्ट भारत विरुद्ध ऑस्ट्रेलिया असे सामने असतील. 4 ऑगस्टला उपांत्यपूर्व फेरीचे सामने होतील.
भारतीय हॉकी संघ : हरमनप्रीत सिंग (कर्णधार), हार्दिक सिंग (उपकर्णधार), पीआर श्रीजेश (गोलकीपर), मनप्रीत सिंग (मिडफिल्डर), जर्मनप्रीत सिंग, अमित रोहिदास, सुमित, संजय, राज कुमार पॉल, समशेर सिंग, विवेक सागर प्रसाद , अभिषेक, सुखजीत सिंग, ललित कुमार उपाध्याय, मनदीप सिंग आणि गुरजंत सिंग.
राखीव खेळाडू: गोलकीपर कृष्ण बहादूर पाठक, मिडफिल्डर नीलकंठ शर्मा आणि बचावपटू जुगराज सिंग.
