घरबसल्या ऑनलाईन जातीचा दाखला बनवणाची ‘ही’ सोपी पद्धत जाणून घ्या आणि वेळ वाचवा!

सरकारी योजनांचा लाभ घ्यायचा असो, ‘जातीचा दाखला’ हे एक अत्यंत महत्त्वाचं कागदपत्र आहे. पूर्वी हा दाखला काढायचा म्हणजे सरकारी कार्यालयात जाऊन अर्ज भरणं, रांगेत उभं राहणं अशा अनेक किचकट पायऱ्या होत्या. यात वेळही खूप जायचा आणि त्रासही व्हायचा. पण आता ‘Digital India’ मुळे हे काम खूप सोपं झालं आहे! तुम्ही सरकारी ऑफिसमध्ये न जाता, घरबसल्या तुमच्या कॉम्प्युटर किंवा मोबाईलवरून जातीच्या दाखल्यासाठी ऑनलाईन अर्ज करू शकता.

महाराष्ट्रासाठी ऑनलाइन अर्ज कुठे करायचा?

महाराष्ट्र सरकारने नागरिकांसाठी अनेक सरकारी सेवा ऑनलाईन उपलब्ध करून दिल्या आहेत. जातीचा दाखला ऑनलाईन काढण्यासाठी तुम्हाला महाराष्ट्र सरकारच्या ‘आपले सरकार’ (https://aaplesarkar.mahaonline.gov.in/) या अधिकृत पोर्टलला भेट द्यावी लागेल.

ऑनलाइन अर्ज करण्याची प्रक्रिया:

जर तुम्ही ‘आपले सरकार’ पोर्टल पहिल्यांदाच वापरत असाल, तर तुम्हाला आधी तुमची नोंदणी करावी लागेल.

पोर्टलच्या होमपेजवर ‘New User? Register Here’ यावर क्लिक करा.

तुम्हाला तुमचा जिल्हा निवडावा लागेल आणि मोबाईल नंबर टाकून OTP द्वारे Verification करावे लागेल.

त्यानंतर एक Username आणि Password तयार करा. तुमची माहिती भरून नोंदणी पूर्ण करा.

तुमची नोंदणी यशस्वी झाल्यावर, तयार केलेल्या यूजरनेम आणि पासवर्डने पोर्टलवर लॉगिन करा.

लॉगिन केल्यावर तुम्हाला विविध विभागांच्या सेवा दिसतील. तुम्हाला ‘महसूल विभाग’ (Revenue Department) मध्ये जाऊन ‘जातीचा दाखला’ (Caste Certificate) मिळवण्यासाठीचा पर्याय शोधावा लागेल.

‘जातीचा दाखला’ या सेवेवर क्लिक केल्यावर तुमच्यासमोर ऑनलाईन अर्ज उघडेल.

तुमची वैयक्तिक माहिती, पत्ता, जातीबद्दलची माहिती इत्यादी सर्व तपशील काळजीपूर्वक आणि अचूकपणे भरा.

अर्जासोबत आवश्यक कागदपत्रं Scan करून अपलोड करावी लागतील.

अर्जासोबत लागणारे शासकीय शुल्क तुम्हाला ऑनलाईन पद्धतीने भरावे लागेल.

सर्व माहिती भरून आणि कागदपत्रं अपलोड करून झाल्यावर, अर्ज एकदा तपासून घ्या आणि ‘सबमिट’ करा. तुम्हाला एक Application ID मिळेल, जो पुढील संदर्भासाठी महत्त्वाचा आहे.

दाखला कसा मिळेल?

तुमचा अर्ज आणि कागदपत्रं अधिकाऱ्यांकडून तपासली जातील. सगळं बरोबर असल्यास, तुमचा जातीचा दाखला तयार होईल आणि तो तुम्ही याच ‘आपले सरकार’ पोर्टलवरून डाउनलोड करू शकाल. तुम्हाला तुमच्या नोंदणीकृत मोबाईल नंबरवर किंवा ईमेलवर याबाबत सूचनाही मिळेल.