बाप्पा तू जाऊ नकोस..! बाप्पाला निरोप देताना चिमूकल्याला अश्रु अनावर; व्हिडीओ व्हायरल

गणपती विसर्जन २०२५ च्या उत्सवाच्या पार्श्वभूमीवर एक भावूक व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडिओ बदलापूरमधील मनीष जोशी या तरुण मुलाचा आहे. व्हिडिओमध्ये मनीष आपल्या लाडक्या बाप्पाला निरोप देताना अश्रू अनावर झालेले दिसत आहेत. “बाप्पा तू जाऊ नकोस” अशी आर्त विनंती तो बाप्पाला करतोय. या भावूक क्षणाचा व्हिडिओ पाहून अनेकांच्या डोळ्यात पाणी आले आहे. घरातील सदस्यांनी त्याला समजावून सांगून बाप्पाला निरोप दिला. या व्हिडिओमुळे गणपती उत्सवाची भावना आणखी एकदा प्रकाशझोतात आली आहे.