Eknth Shinde : नंबर 2 ला किंमत नाही, सर्वकाही देवाभाऊच… चव्हाणांनी डिवचलं अन् शिंदे म्हणाले, योग्य वेळी मी…

राज्यात स्थानिक स्वराज्य संस्थांच्या निवडणुकीच्या प्रचाराच्या शेवटच्या दिवशी राजकीय घडामोडींनी वेग घेतला आहे. मुख्यमंत्री एकनाथ शिंदे यांनी रवींद्र चव्हाण यांच्या महायुतीवरील विधानावर योग्य वेळी बोलेन अशी प्रतिक्रिया दिली आहे. रवींद्र चव्हाण यांनी युती दोन तारखेपर्यंत टिकवायची असल्याचे म्हटले होते. यावर बोलताना शिंदे यांनी शिवसेना आणि भाजपची युती ही काल परवाची नसून, बाळासाहेब ठाकरे, अटलबिहारी वाजपेयी आणि लालकृष्ण अडवाणी यांच्या काळापासूनची, विचारधारेवर आधारित युती असल्याचे स्पष्ट केले. पंतप्रधान नरेंद्र मोदी देशात एनडीएला पुढे नेत असल्याचेही त्यांनी नमूद केले. सध्या निवडणुका जिंकण्यावर लक्ष केंद्रित असल्याचे शिंदे यांनी सांगितले.

रवींद्र चव्हाण यांनी आर. आर. पाटील यांच्या एका जुन्या भाषणाचा दाखला देत, “नंबर दोनला काही किंमत नसते. जे काही आहे, ते देवाभाऊच आहे,” असे जाहीरपणे म्हटले होते. या विधानातून त्यांनी स्पष्टपणे देवेंद्र फडणवीस हेच नंबर एक आहेत आणि बाकीच्या पदांना दुय्यम महत्त्व आहे, असा संदेश दिला. सभागृहात बोलताना त्यांनी म्हटले, “तुम्हाला म्हणून सांगतो, की नंबर एक हा नंबर एकच असतो. नंबर दोनला काही किंमत नसते.” तसेच, “मी देवाशप्पथ घेऊन सांगतो. त्यामुळे एकच गोष्ट लक्षात घ्या, जो भी कुछ है, देवाभाऊ ही है.” असे म्हणत त्यांनी आपल्या भूमिकेवर ठाम राहिल्याचे दाखवून दिले. आपल्या अनुभवाचे बोल सांगताना त्यांनी, लोकशाहीत एकच नंबर खऱ्या अर्थाने महत्त्वाचा असतो, बाकीच्या पदांना अर्थ नसतो, असे स्पष्ट केले.