Ladki Bahin Yojana: ‘लाडक्या बहिणी’वरून भाई अन् भावात श्रेयवाद? अन् दादा शातं, लाडक्या बहिणींचा खरा भाऊ कोण?

लाडकी बहीण योजनेच्या श्रेयवादावरून महाराष्ट्र राजकारणात शिंदे गट आणि भारतीय जनता पक्ष (भाजप) यांच्यात तीव्र स्पर्धा सुरू झाली आहे. पालिका निवडणुकांच्या तोंडावर सत्ताधारी पक्षांनी ही योजना पुन्हा प्रचारात आणली आहे. एकनाथ शिंदे आणि देवेंद्र फडणवीस दोघेही स्वतःला या योजनेचा खरा भाऊ म्हणून सादर करत आहेत आणि योजना कधीही बंद होऊ देणार नसल्याचे आश्वासन देत आहेत. शिंदे गटाचे नेते चंद्रकांत रघुवंशी यांनी एकनाथ शिंदे यांना योजनेचे मूळ मालक संबोधत भाजप आणि अजितदादा गटाला सत्तेतील भाडेकरू ठरवले आहे. दुसरीकडे, भाजप आमदार नारायण कुचे यांनी कमळाचे बटण दाबल्यास योजना सुरू राहील आणि निधी वाढेल असा दावा केला. दादा गट (अजित पवार गट) मात्र या श्रेयवादात अद्याप मागे आहे, असे दिसून येते.