Vaibhav Khedekar : पक्षप्रवेशाची हॅट्रीक हुकल्यानंतर वैभव खेडेकर अखेर भाजपवासी अन् समर्थकांचा जीव पडला भांड्यात

महाराष्ट्राच्या राजकारणात एक महत्त्वाची घडामोड समोर आली आहे. खेडमधील मनसेचे पूर्वाश्रमीचे नेते वैभव खेडेकर यांनी अखेर आज भारतीय जनता पक्षात प्रवेश केला आहे. विशेष म्हणजे, मागील तीन वेळा पक्षप्रवेश लांबणीवर पडल्यानंतर हा क्षण आला आहे, त्यामुळे खेडेकर यांच्यासह त्यांच्या समर्थकांनाही मोठा दिलासा मिळाला आहे. यापूर्वी दोन वेळा पक्षप्रवेश हुकल्याने राजकीय वर्तुळात मानापमानाची आणि विविध चर्चांची चांगलीच रंगत होती.

वैभव खेडेकर यांनी भाजपमध्ये सामील झाल्यानंतर अक्षय फाटक, जिल्हाध्यक्ष सतीश मोरे आणि रवींद्रबाबू यांचे आभार मानले. त्यांनी सांगितले की, “आपला जास्त वेळ न घेता, रवींद्रबाबू यांना धन्यवाद देतो की तुम्ही मला आपल्या परिवारामध्ये या ठिकाणी सामावून घेतलं.” हा प्रवेश महाराष्ट्रातील सध्याच्या राजकीय परिस्थितीत एक नवीन समीकरण निर्माण करू शकतो. जय हिंद, जय महाराष्ट्र आणि भारतीय जनता पार्टीचा विजय असो! अशा घोषणा देत त्यांनी आपल्या भावना व्यक्त केल्या.