Mahesh Kothare : ओहह डॅमिट… ED ची नोटीस आली का? महेश कोठारेंना कुणाचा थेट फोन? ऑडिओ क्लिप तुफान व्हायरल

प्रसिद्ध अभिनेते महेश कोठारे यांचा एक ऑडिओ क्लिप सध्या मोठ्या प्रमाणात व्हायरल होत आहे. या क्लिपमध्ये एका व्यक्तीने कोठारे यांना ईडीची नोटीस आली आहे का, असा प्रश्न विचारला आहे. यावर महेश कोठारे यांनी स्पष्टपणे आपण भाजप आणि पंतप्रधान नरेंद्र मोदी यांचे भक्त असल्याचे म्हटले आहे. आपले मत मांडण्याचा आपल्याला अधिकार असल्याचेही त्यांनी सांगितले. टीव्ही ९ मराठी या ऑडिओ क्लिपच्या सत्यतेची पुष्टी करत नाही. दरम्यान, महेश कोठारे यांनी नुकतेच स्वतःला भाजप आणि पंतप्रधान नरेंद्र मोदींचा भक्त घोषित केले होते. त्यांनी मुंबई महानगरपालिकेत भाजपचा महापौर होईल असा विश्वासही व्यक्त केला. या वक्तव्यावरून महाराष्ट्राच्या राजकारणात सध्या मोठी चर्चा सुरू आहे.