मेट्रोने प्रवास करा, नवनाथ बन यांचा राज ठाकरेंना टोला

मनसे अध्यक्ष राज ठाकरे यांनी आगामी मोर्चासाठी ट्रेनने प्रवास करणार असल्याची घोषणा केली आहे. या घोषणेवर प्रतिक्रिया व्यक्त करताना नवनाथ बन यांनी राज ठाकरे यांना मेट्रोने प्रवास करण्याचा सल्ला दिला आहे. दादरपासून सीएसटीपर्यंत मेट्रो उपलब्ध असल्याने, त्यांनी मेट्रोने प्रवास करून मुंबईकरांना मिळणारा सुखकर अनुभव घ्यावा, असे मत बन यांनी व्यक्त केले. या प्रवासामुळे मेट्रोच्या निर्मिती आणि तिच्यामुळे मुंबईकरांच्या जीवनातील सोयीसुविधांची कल्पना येईल, असेही ते म्हणाले.

यावेळी नवनाथ बन यांनी विकास आघाडीच्या नेत्यांच्या मोर्चावरही टीका केली. विकास आघाडीने मोर्चा काढण्यापूर्वी त्यांच्या लोकसभेतील निवडून आलेल्या खासदारांनी राजीनामा द्यावा, अशी मागणी बन यांनी केली.