धर्मांतर घोषणा वर्धापन दिनाची येवल्यात जय्यत तयारी

नाशिक जिल्ह्यातील येवला येथे डॉ. बाबासाहेब आंबेडकरांनी १३ ऑक्टोबर १९३५ रोजी केलेल्या ऐतिहासिक धर्मांतर घोषणेचा ९० वा वर्धापन दिन मोठ्या उत्साहात साजरा होणार आहे. परवाच्या दिवशी, म्हणजेच १३ ऑक्टोबर रोजी हा महत्त्वपूर्ण सोहळा आयोजित करण्यात आला आहे, ज्याची तयारी आता अंतिम टप्प्यात आहे.

महाराष्ट्र राज्याचे अन्न आणि नागरी पुरवठा मंत्री नामदार छगन भुजबळ यांच्या अथक प्रयत्नांमुळे येवला येथील मुक्तीभूमी या पवित्र स्थळी ३२ कोटी रुपयांची विविध विकासकामे पूर्ण झाली आहेत. यामध्ये आधुनिक इमारती आणि एक भव्य स्तूप उभारण्यात आला असून, परिसराचे सौंदर्य वाढले आहे.

या ९० व्या वर्धापन दिनानिमित्त येवला तालुका, जिल्हा आणि देशभरातून मोठ्या संख्येने येणाऱ्या सर्व भीम सैनिकांसाठी उत्तम सोयीसुविधांची व्यवस्था करण्यात आली आहे. आदरणीय भुजबळ साहेबांच्या माध्यमातून या ठिकाणी येण्या-जाण्यासाठी सुलभ रस्ते, मुक्कामाची व्यवस्था, पिण्याचे पाणी, आधुनिक स्वच्छतागृहे आणि शौचालये अशा सर्व मूलभूत सुविधा अत्यंत अद्ययावत पद्धतीने उपलब्ध करून देण्यात आल्या आहेत. या सुव्यवस्थेमुळे मोठ्या संख्येने येणाऱ्या भीम सैनिकांना कोणतीही गैरसोय होणार नाही याची खात्री करण्यात आली आहे. येणाऱ्या सर्व भीम सैनिकांचे आदरणीय भुजबळ साहेबांच्या वतीने सहर्ष स्वागत करण्यात येत आहे.