अचलपूर विधानसभा निवडणूक निकाल 2024

अचलपूर हा बच्चू कडू यांचा बालेकिल्ला मानला जातो. गेले सहा वर्ष बच्चू कडू सलग निवडून येत आहेत. विशेष म्हणजे अपक्ष निवडणूक लढवूनही बच्चू कडू विजयी होत आहेत. प्रस्थापित पक्षांची ताकद झुगारून ते विजयी होत आहेत. 2019च्या विधानसभा निवडणुकीत अचलपूरमध्ये 275255 मतदार होते. एकूण वैध मतांची संख्या 185161 होती. गेल्यावेळच्या निवडणुकीत बच्चू कडू यांना 81252 मते मिळाली. तर काँग्रेसचे उमेदवार अनिरुद्ध उर्फ ​​बबलूभाऊ सुभानराव देशमुख एकूण 72856 मते मिळाली होती. या निवडणुकीत बबलूभाऊ देशमुख यांचा 8396 मतांनी पराभव झाला होता. 

अचलपूर विधानसभा मतदारसंघात अमरावती जिल्ह्यातील चांदूरबाजार तालुका आणि अचलपूर तालुक्यातील शिराजगांव कसबा, अचलपूर ही महसूल मंडळे आणि अचलपूर (न.पा.) या क्षेत्राचा समावेश होतो. दरम्यान, राज्यात राजकीय समीकरणे बदलली आहेत. महायुती आणि महाविकास आघाडी या दोन आघाड्या तयार झाल्या आहेत. तर बच्चू कडू यांनी संभाजी राजे छत्रपती यांच्या मदतीने परिवर्तन आघाडी स्थापन केली आहे. त्यामुळे यंदा अचलपूर राखण्यासाठी बच्चू कडू यांना मोठी कसरत करावी लागणार आहे. 

निवडणूक कार्यक्रम

अधिसूचना: 22 ऑक्टोबर

अर्ज भरण्याची शेवटची तारीख: 29 ऑक्टोबर

अर्ज छाननी : 30 ऑक्टोबर

अर्ज मागे घेण्याची शेवटची तारीख: 4 नोव्हेंबर

मतदान : 20 नोव्हेंबर

मतमोजणी आणि निकाल : 23 नोव्हेंबर