अक्कलकोट विधानसभा निवडणूक निकाल 2024

सोलापूर जिल्ह्यातील अक्कलकोट विधानसभा मतदारसंघात गेल्यावेळी भाजपचा विजय झाला होता. 2024च्या निवडणुकीत आता भाजपने सचिन कल्याण शेट्टी यांना उमेदवारी दिली आहे. तर काँग्रेसने सिद्धराम म्हेत्रे यांना तिकीट दिलंय. सोलापूर जिल्ह्यात विधानसभेच्या 11 जागा आहेत. त्यात अक्कलकोट विधानसभेचा समावेश आहे. यावेळी दोन महत्त्वाच्या आघाड्यांमध्ये लढत होणार आहे. महायुती आणि महाविकास आघाडीत ही थेट लढत होणार आहे. त्यामुळे या चुरशीच्या लढाईत सचिन शेट्टी बाजी मारतात का? याकडे सर्वांचं लक्ष लागलं आहे. 

2019च्या विधानसभा निवडणुकीत सचिन शेट्टी यांना 36, 769 मते मिळाली होती. त्यांनी या निवडणुकीत विजय मिळवला होता. भाजपच्या शेट्टींनी काँग्रेसचे सिद्धराम म्हेत्रे यांचा पराभव केला होता. सचिन यांना एकूण 119,437 मते मिळाली होती. तर सिद्धराम सतलिंगप्पा म्हेत्रे यांना 82,668 मते मिळाली होती. वंचित बहुजन अघाडीच्या धर्मराज यांनी तिसऱ्या क्रमांकाची मते घेतली होती. तर या मतदारसंघात मनसे पाचव्या क्रमांकावर होती. अक्कलकोट विधानसभा मतदारसंघात एकूण 3,42,323 मतदार होते. त्यातील 62.4% मतदारांनी मतं टाकली होती.