कोपरगांव विधानसभा निवडणूक निकाल 2024

कोपरगाव हा महाराष्ट्रातील 288 विधानसभा मतदारसंघांपैकी एक महत्त्वाचा मतदारसंघ आहे. हा मतदारसंघ अहमदनगर जिल्ह्यात स्थित असून जिल्ह्यातील 12 विधानसभा मतदारसंघांपैकी एक आहे. या निवडणुकीत महायुती आणि महाविकास आघाडी यांच्यात जोरदार लढत होईल, असं दिसून येत आहे.

2024 च्या निवडणुकीत एकाच टप्प्यात 20 नोव्हेंबर रोजी मतदान होईल, तर मतमोजणी होऊन निकाल 23 नोव्हेंबरला जाहीर केले जातील. यावेळी महायुतीत शिंदे गटाची शिवसेना, भाजप आणि अजित पवार गटाची राष्ट्रवादी काँग्रेस एकत्र आहेत तर महाविकास आघाडीत उद्धव ठाकरे गटाची शिवसेना, काँग्रेस आणि शरद पवार गटाची राष्ट्रवादी काँग्रेस एकत्र आले आहेत.

२०१९ च्या निवडणुकीचा आढावा :

२०१९ मध्ये या मतदारसंघातून आशुतोष अशोकराव काळे यांनी निवडणूक जिंकली होती. तेव्हा राष्ट्रवादी काँग्रेसमध्ये फूट पडली नव्हती. आशुतोष काळे यांना ८७,५६६ मतं मिळाली होती. भाजपच्या स्नेहलता कोल्हे यांना दुसऱ्या क्रमांकावर राहावे लागले होते, आणि मतांचा फरक केवळ ८२२ मतांचा होता. स्नेहलता कोल्हे यांना ८६,७४४ मतं मिळाली होती.

२०१४ च्या निवडणुकीचा आढावा :

२०१४ मध्ये भाजपच्या स्नेहलता कोल्हे यांनी विजय मिळवला होता. त्या वेळी स्नेहलता कोल्हे यांना ९९,७६३ मतं मिळाली होती. दुसऱ्या क्रमांकावर शिवसेनेचे आशुतोष काळे होते, ज्यांना ७०,४९३ मतं मिळाली होती. काँग्रेसचे नितीन भानुदास यांना १९,५८६ मतं मिळाल्यानंतर ते तिसऱ्या क्रमांकावर होते. यावेळी विजयी उमेदवार आणि दुसऱ्या क्रमांकावरील उमेदवार यांच्यातील फरक २९,२७० मतांचा होता.