मानखुर्द शिवाजी नगर विधानसभा निवडणूक निकाल 2024

मानखुर्द शिवाजीनगर हा मुंबई उपनगर जिल्ह्यातील 26 मतदार संघापैकी एक महत्वाचा मतदार संघ आहे. हा मतदार संघ विक्रोळी, घाटकोपर पश्चिम, घाटकोपर पूर्व, मुलुंड आणि भांडुप पश्चिम या पाच विधानसभा क्षेत्रांसह मुंबई ईशान्य लोकसभा मतदारसंघातील भाग आहे. 2011 मधील जनगणनेनुसार या मतदार संघात अनुसूचित जातीच्या मतदारांची संख्या 32 हजार 128आहे. अनुसूचित जनजाती मतदारांची संख्या आहे. या मतदार संघात सर्वाधिक मतदार मुस्लिम आहे. त्यांची संख्या 1 लाख 57 हजार 518 आहे. यामुळेच समाजवादी पक्षाचे आमदार अबू असीम आझमी यांचे वर्चस्व या ठिकाणी राहिले आहे. के सलग तीन वेळा या ठिकाणावरुन आमदार झाले आहेत. या मतदारसंघातून राष्ट्रवादीच्या नवाब मलिक यांनी दंड थोपाटल्याने इथली निवडणूक चुरशीची बनली आहे. 

सपाचं काय होणार?

मानखुर्द शिवाजीनगर विधानसभेचे विद्यमान आमदार अबू आझमी यांच्याकडे 209 कोटी रुपयांची संपत्ती आहे. महाराष्ट्रात समाजवादी पक्ष पुढे नेण्याची जबाबदारी त्यांच्यावर आहे. यंदा महाविकास आघाडीसोबत समाजवादी पक्ष आघाडी करण्याच्या तयारीत आहे. सपाने राज्यातील 25 जागांची मागणी केली आहे. सपा महाविकास आघाडीसोबत आल्यास त्यांची परिस्थिती अधिक चांगली होणार आहे. तसेच अबू आझमी यांनी मिळणारी मतेही वाढत आहेत.

 2019 च्या निकाल पाहिल्यावर समाजवादी पक्ष पक्षाचे वर्चस्व राहिले. अबू असिम आझमी 69 हजार 082 मते घेऊन विजयी झाले होते. त्यांनी शिवसेना (शिवसेना-भाजप युती होती)चे विठ्ठल गोविंद लोकरे यांचा पराभव केला होता. लोकरे यांना 25,601 मते मिळाली होती.