प्रवाशांना बोनस, दिवाळीत एसटीच्या तब्बल 1 हजार विशेष जादा फेऱ्या

मुंबई : दिवाळी सणाच्या पार्श्वभूमीवर होणारी गर्दी लक्षात घेता राज्य सरकारने बस फेऱ्यांसदर्भात मोठा घेतला आहे.नव्या निर्णयानुसार एसटी महामंडळाकडून 11 ते 22 नोव्हेंबर या कालावधित बसेसच्या दररोज 1 हजार जादा फेऱ्या होणार आहेत. कोरोना संसर्ग आणि दिवाळीमुळे बसस्थानकावर होणारी गर्दी लक्षात घेता, हा निर्णय घेण्यात आला आहे. तशी माहिती परिवहन मंत्री आणि एसटी महामंडळाचे अध्यक्ष अ‌ॅड. अनिल परब यांनी दिली आहे. (on occasion of Diwali 1 thousand extra rounds of buses announced by MSRTC)

नव्या आदेशानुसार आगाऊ बसेस 11 ते 22 नोव्हेंबर या कालावधित महाराष्टभर धावतील. या बसेस राज्यातील प्रमुख बसस्थानकांवरुन सुटणार असून त्यासाठी आगाऊ आरक्षणाची सोय टप्प्याटप्प्याने केली जाणार आहे. आगाऊ आरक्षणासाठी प्रवासी एसटी महामंडळाच्या www.msrtc.maharashtra.gov.in या अधिकृत संकेतस्थळाला भेट देऊन आपले आसन आरक्षित करु शकतील.

दरम्यान, दिवाळी सणानिमित्त एसटी महामंडळामार्फत दरवर्षी जादा बस फेऱ्यांचे नियोजन करण्यात येते. दरवर्षीप्रमाणे या वर्षीदेखील एसटी महामंडळाने बस फेऱ्या वाढवल्या आहेत. मात्र, कोरोना महामारीमुळे यावेळी राज्य सरकारने विशेष खबरदारी घेतली आहे. प्रवाशांना सोशल डिस्टन्सिंग, चेहऱ्याला मास्क लावणे यासारखे प्रतिबंधात्मक नियम काटेकारपणे पाळावे लागणार आहेत. या व्यतिरिक्त एसटी प्रशासनाला योग्य ती खबरदारी घेण्याचे आदेश महामंडळाच्या मुख्यालयातून देण्यात आले आहेत.

संबंधित बातम्या :

तब्बल 219 दिवसांनंतर ‘आपली बस’ प्रवाशांच्या सेवेत; नागपूरकरांना दिलासा

सांगलीतील 425 एसटी कर्मचारी बेस्ट बससेवेसाठी मुंबईत, 106 जणांना कोरोनाची बाधा

गिरीश महाजन यांना बॉम्बने उडवून देण्याची धमकी; एसटीच्या कंडक्टरला अटक

(on occasion of Diwali 1 thousand extra rounds of buses announced by MSRTC)