पावसाळ्यात मुलांच्या टिफिनमध्ये द्या ‘हे’ 4 चविष्ट पदार्थ, मुले राहतील निरोगी

पावसाळ्यात एकीकडे हवामान आल्हाददायक असते, तर दुसरीकडे अनेक आजारांचा धोकाही या दिवसांमध्ये वाढतो. या दिवसांमध्ये आपण प्रत्येकजण आपल्या आरोग्याची अतिरिक्त काळजी घेत असतो. या ऋतूत ज्या लोकांची रोगप्रतिकारक शक्ती कमकुवत असते त्यांना रोगांचा प्रथम परिणाम होतो. साधारणपणे मुले आणि वृद्धांना जास्त धोका असतो. वृद्ध घरीच असतात पण मुले शाळेत जातात. त्यामुळे मुलं अनेक लोकांच्या संर्पकात येत असतात. पावसामुळे पाणी साचते. त्यामुळे डासांची पैदास लवकर होते, आणि या दिवसांमध्ये तापाचा आजार होण्याचा धोका वाढतो. जर तुम्हाला तुमच्या मुलांना आजारांपासून वाचवायचे असेल तर त्यांना आरोग्यदायी पदार्थ खायला देणे महत्वाचे आहे.

अशावेळेस त्यांच्या टिफिनमध्ये अशा गोष्टी ठेवणे महत्वाचे आहे, ज्यामुळे त्यांच्या शरीराची प्रतिकारशक्ती मजबूत होते. यासोबतच त्यांना सर्व प्रकारचे पोषण देखील मिळू शकते. आजच्या या लेखात आपण काही टिफिनमधील पदार्थांबद्दल सांगणार आहोत, जे तुम्ही मुलांच्या टिफिनमध्ये ठेवले पाहिजेत. चला सविस्तर जाणून घेऊयात-

टिफिनमध्ये फळे ठेवा

जर तुम्ही मुलांसाठी टिफिन पॅक करत असाल तर त्यात हंगामी फळे समाविष्ट करणे आवश्यक आहे. रोगप्रतिकारक शक्ती वाढवण्याचा हा सर्वात प्रभावी आणि सोपा मार्ग आहे. मुलांना घरी फळे खायला आवडत नसतील, परंतु ते शाळेत त्यांच्या मित्रांसोबत आरामात ही फळे खाऊ शकतील. यामुळे त्यांच्या शरीराला आवश्यक असलेले सर्व पोषक घटक मिळतील. तुम्हाला हवे असल्यास तुम्ही फळांचा चाट देखील बनवू शकता आणि देऊ शकता.

व्हेजिटेबल चीला

तुम्हाला जर काहीतरी चविष्ट आणि आरोग्यदायी पदार्थ टिफिनमध्ये द्याचा असेल तर व्हेजिटेबल चिल्ला हा एक उत्तम पर्याय असू शकतो. तुम्ही ते बनवण्यासाठी हंगामी भाज्या वापरू शकता. अशा परिस्थितीत, प्रथिने आणि जीवनसत्त्वांनी भरलेला हा नाश्ता मुलांसाठी परिपूर्ण असेल. मुलांपासून ते मोठ्यापर्यंत सर्वजण हे आवडीने खातील.

पनीर रोल

पनीर हे सर्व शाकाहारी लोकांचे आवडते पदार्थ आहे. म्हणून तुम्ही ते पनीर रोल बनवून टिफिनमध्ये पॅक करू शकता. तुम्हाला हवे असल्यास, तुम्ही पनीर पराठा बनवून टिफिनमध्ये द्या. त्यापासून बनवलेले सर्व पदार्थ खूप चविष्ट असतात.

फ्राईड राईस

सर्वांनाच भात खायला आवडतो. मुलांनाही भात खाण्याची खूप आवड असते. अशा परिस्थितीत तुम्ही टिफिन बॉक्समध्ये फ्राईड राईस देखील ठेवू शकता. त्यात गाजर, वाटाणे, कॉर्न यासारख्या भाज्या वापरू शकता. तसेच सोया चंक्स देखील वापरू शकता.