होय ती मागणी योग्यच, धनुष्यबाण चिन्ह गोठवण्याच्या मागणीवर ठाकरे गटाची भूमिका समोर! सावंतांनी इतिहास सांगितला
आजची सुनावणी सुरू असताना अरविंद सावंत सर्वोच्च न्यायालयात उपस्थित होते. सुनावणी संपल्यानंतर त्यांनी माध्यम प्रतिनिधींनी विचारलेल्या प्रश्नांची उत्तरं दिली. यावेळी बोलताना सिब्बल यांनी केलेली मागणी योग्य आहे, असे अरविंद सावंत म्हणाले.
Shiv Sena Election Symbol : शिवसेना पक्षाचे निवडणूक चिन्ह आणि पक्ष याबाबत सर्वोच्च न्यायालयात सुनावणी सुरू आहे. सध्या ठाकरे गटाचा युक्तिवाद सुरू आहे. ठाकरे गटाच्या बाजूने निष्णात वकील कपिल सिब्बल हे बाजू मांडत होते. त्यांचा युक्तिवाद आता संपला आहे. युक्तिवाद संपवताना सिब्बल यांनी सर्वोच्च न्यायालयाकडे मोठी मागणी केली आहे. शिवसेना पक्षाचे धनुष्यबाण हे निवडणूक चिन्ह आम्हाला देण्यात यावे. हे चिन्ह आम्हाला मिळणार नसेल तर ते गोठवण्यात यावे, असे सिब्बल म्हणाले आहेत. त्यांच्या या मागणीनंतर शिवसेना पक्षाच्या धनुष्यबाण चिन्हेच काय होणार? असे विचारले जात आहे. दरम्यान, याच मागणीवर ठाकरे गटाचे खासदार अरविंद सावंत यांनी प्रतिक्रिया दिली आहे. सिब्बल यांनी केलेली मागणी योग्यच आहे, असे ते म्हणाले आहेत.
धनुष्यबाण हे चिन्ह आम्हाला द्या किंवा…
आजची सुनावणी सुरू असताना अरविंद सावंत सर्वोच्च न्यायालयात उपस्थित होते. सुनावणी संपल्यानंतर त्यांनी माध्यम प्रतिनिधींनी विचारलेल्या प्रश्नांची उत्तरं दिली. यावेळी बोलताना सिब्बल यांनी केलेली मागणी योग्य आहे. धनुष्यबाण हे चिन्ह आम्हाला द्या किंवा ते गोठवलं गेलं पाहिजे अशी मागणी सिब्बल यांनी केली आहे. मला वाटतं ती मागणी अतिशय योग्य आहे, असे मत त्यांनी व्यक्त केले. तसेच सर्वोच्च न्यायालय यावर काय निर्णय घेणार ते बघुया, असेही ते म्हणाले.
बाळासाहेब ठाकरे यांनी शिवसेना..
पक्षचिन्ह गोठवल्याची मागणी केली तर काय झालं? हे चिन्ह आम्हाला मिळत नसेल तर ते गोठवलं गेलं पाहिजे, असे मतही अरविंद सावंत यांनी व्यक्त केलं. धनुष्यबाण हे चिन्ह बाळासाहेब ठाकरे यांनी शिवसेना स्थापन केली होती, तेव्हापासून आहे. मग शिवसैनिकांच्या भावना दुखावणार नाहीत का? असा प्रश्न पत्रकारांनी सावंत यांना केला. यावर उत्तर देताना आमच्याकडे अगोदर ढाल आणि तलवार हे निवडणूक चिन्ह होते, असे उदाहरणही त्यांनी यावेळी दिले.
मशालीवर आमचं एक जुणं…
कधीकाळी आमच्याकडे मशाल हे चिन्हदेखील होतं. मशालीवर आमचं एक जुणं गाणं आहे. मधल्या काळात आमचे निवडणूक चिन्ह हे धनुष्याबाण होते. हेच चिन्ह परत मिळावे अशी आमची अपेक्षा आहे. न्यायालयाने आम्हाला पर्याय विचारला. त्यावर हे निवडणूक चिन्ह आम्हाला मिळणार नसेल तर ते गोठवून टाका, अशी आम्ही मागणी केली असे मत सावंत यांनी व्यक्त केले.
