टीव्ही 9 मराठी डिजीटल टीम | Edited By: Yuvraj Jadhav |
Updated on: Sep 27, 2021 | 6:35 PM
ईडीने शिवसेनेचे माजी खासदार आनंदराव अडसूळ यांच्या कांदिवली येथील घरावर सकाळी कारवाई केली. मिळालेल्या माहितीनुसार, ईडीची टीम सकाळी सहाच्या सुमारास आनंदराव अडसूळ यांच्या कांदिवली पूर्व कदमगिरी घरावर पोहोचली. 4 तासांहून अधिक काळ आनंदराव अडसूळ यांची चौकशी करण्यात येत होती. ईडीचे चार अधिकारी आनंदराव अडसूळ यांच्या घरी पोहोचले होते. चौकशी दरम्यान आनंदराव अडसूळ यांची तब्येत बिघडली असून गोरेगाव येथील रुग्णालयात नेण्यात असल्याची माहिती आहे.
आनंदराव अडसूळ सिटी बँकेचे अध्यक्ष असताना त्यांच्या कार्यकाळात बँकेत 900 कोटी रुपयांचा भ्रष्टाचार झाल्याचा आरोप आहे. अडसूळांचे नातेवाईक बँकेच्या संचालक मंडळावर होते. त्याचवेळी कर्ज वाटपात अनियमितता आणि NPA मध्ये घसरण झाली. घसरणीमुळे बँक गेल्या 2 वर्षांपासून बँक बुडीत आहे. खातेदारांनी अनेक वेळा अडसूळ यांची भेट घेतली पण अडसूळांनी खातेदारांची कोणत्याही प्रकारची दखल घेतली नसल्याचा आरोप आहे.
आंनदराव अडसूळ यांनी सिटी को-ऑप बँकेत घोटळा केल्याचा आरोप बडनेरा विधानसभा मतदारसंघाचे आमदार रवी राणा यांनी 5 जानेवारी रोजी केला होता. आनंदराव अडसूळ यांच्या विरोधात कागदपत्रं सादर करण्यासाठी ईडी कार्यालयातही ते गेले होते. “सिटी को-ऑप बँकेच्या मुंबईमध्ये 13-14 शाखा आहेत. या बँकेत 9000 खातेदार आहेत. ही बँक बुडण्यास अनधिकृतरित्या वाटलेली कर्ज कारणीभूत आहे,” असा आरोप रवी राणांनी केला होता. तसेच, आनंदराव अडसूळांनी बँकेची प्रॉपर्टी भाड्यानं दिली. आता खातेदारांना केवळ 1 हजार एवढी रक्कम मिळत आहे, असंही रवी राणा म्हणाले होते.
मुख्यमंत्री उद्धव ठाकरे त्यांच्या पक्षाच्या नेत्यांवर कारवाई करणार का ?, असा सवाल रवी राणांनी विचारला आहे. सरकार आनंदराव अडसूळ यांना वाचवण्याचा प्रयत्न करत आहे. अडसूळ यांची केस दाबण्याचा प्रयत्न होत होता, आज ईडीने त्यांना समन्स पाठवलं आहे. ईडी त्यांची चौकशी करेल आणि कारवाई देखील होईल, अशी अपेक्षा आहे, असं रवी राणा म्हणाले.
कोण आहेत आनंदराव अडसूळ?
– आनंदराव अडसूळ हे अमरावती लोकसभा मतदारसंघाचे माजी खासदार
– 1996 पासून पाच वेळा खासदारकी
– शिवसेनेच्या दिग्गज नेत्यांमध्ये अडसूळांचा समावेश
– गेल्या वर्षी लोकसभा निवडणुकीत नवनीत राणांकडून पराभवाचा धक्का
इतर बातम्या:
आनंदराव अडसूळ ईडीच्या ताब्यात, तब्येत बिघडल्याने अॅम्ब्युलन्स बोलावली!
शिवसेनेचा आणखी एक नेता ईडीच्या फेऱ्यात?, आनंदराव अडसूळ ED कार्यालयात हजर
आनंदराव अडसूळांच्या अडचणी वाढण्याची चिन्हं, सोमय्यांची ED-RBI कडे चौकशीची मागणी
ईडीने अ्डसुळ यांना अनेक समन्स पाठवले, पण ते जात नाहीत… अटक होताच आजारी पडले… सीटी बॅंकेत करोडो रुपये अडकले, अडसुळ, ऊद्धव ठाकरे कुणीच ऊत्तर देत नाही… अडसुळ पिता पुत्र यांनी कोटी रुपये खाजगी खात्यात वळवले… बाप बेटे मजा मारत आहेत… कर्नाळा बॅंक प्रकरणा कोणतीच कारवाई नाही… शेवटी इडीला कारवाई करावी लागली.. याचं स्वागत करतो…, असं भाजप नेते किरीट सोमय्या म्हणाले.
यंत्रणांचा राजकीय वापर सुरु आहे. ईडीचा राजकीय वापर करण्यात येत आहे. ईडी हे भाजपचं उपकार्यालय आहे, असं टीकास्त्र शिवसेना खासदार अरविंद सावंत यांनी सोडलं आहे. सिटी को-ऑपरेटिव्ह बँकेच्या खातेदारांना न्याय मिळाला पाहिजे. सिटी को-ऑपरेटिव्ह बँकेसोबत इतर बँकांचं बोला. शिवसेनेला बदनाम करण्याचं कारस्थान करण्यात येत आहे. अनिल परब हे ईडीच्या चौकशीला सामोरं जातील त्यांच्यात ती क्षमता आहे. बिहार, उत्तर प्रदेश या राज्यात देशातील भ्रष्टाचाराचा कळस आहे तिथं त्यांची सत्ता आहे त्यामुळं तिथं कारवाई होत नाही, असं अरविंद सावंत म्हणाले आहेत.
मुख्यमंत्री उद्धव ठाकरे समर्थ आहेत. रवी राणा यांच्यावर आरोप आहेत. रवी राणानं बीएसएनएलची जमीन हडप केली आहे. नवनीत राणा या सुप्रीम कोर्टात केस पराभूत होत आल्यात त्यामुळे ही कारवाई करण्यात येत आहेत. आनंदराव अडसूळ हा छातीवर वार घेतलेला माणूस आहे. सोमय्यांनी यांनी यापूर्वी कोकणातल्या नेत्यावर केलेल्या आरोपाचं काय झालं, असा सवाल अरविंद सावंत यांनी केला.
मुंबई येथील सिटी को ऑप बँक घोटाळा प्रकरण अमरावतीचे माजी खासदार आनंदराव अडसूळ यांच्या अमरावती नवसारी येथील घरावरही ईडीचा छापा पडल्याची चर्चा मात्र प्रत्यक्षात छापा पडला नसल्याचं स्पष्ट झालेल्या यांच्या घराला कुलूप लागलेले आहे.
मी कोणत्याही पक्षाचा आमदार नाही, अपक्ष आमदार आहे. सिटी को ऑपरेटिव्ह बँकेच्या मुंबईत 13 ते 14 शाखा आहेत. बँक बुडाल्याचं खातेदारांना सांगण्यात आलं आहे. मुख्यमंत्री उद्धव ठाकरे आनंदराव अडसूळ यांना वाचवत आहेत. मुख्यमंत्र्यांचा त्यांना पूर्ण आशीर्वाद आहे. मराठी भाषिकांची फसवणूक करण्यात येत असल्याचं रवी राणा म्हणाले आहेत. आनंदराव अडसूळ यांना अटक झाली पाहिजे, असं रवी राणा यांनी म्हटलं आहे.
ईडीने शिवसेनेचे माजी खासदार आनंदराव अडसूळ यांच्या कांदिवली येथील घरावर सकाळी कारवाई केली. मिळालेल्या माहितीनुसार, ईडीची टीम सकाळी सहाच्या सुमारास आनंदराव अडसूळ यांच्या कांदिवली पूर्व कदमगिरी घरावर पोहोचली. 4 तासांहून अधिक काळ आनंदराव अडसूळ यांची चौकशी करण्यात येत होती. ईडीचे चार अधिकारी आनंदराव अडसूळ यांच्या घरी पोहोचले होते. चौकशी दरम्यान आनंदराव अडसूळ यांची तब्येत बिघडली असून गोरेगाव येथील लाईफलाईन रुग्णालयात नेण्यात असल्याची माहिती आहे.
Published On - Sep 27,2021 11:02 AM
Copyright © 2023 TV9Marathi. All rights reserved.
