AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

माझी उमेदवारी ऑफिशियल घोषित करण्यात आलेली नाही; श्रीकांत शिंदे असं का म्हणाले?

शिंदे गट आणि भाजपमध्ये सुरू असलेला कल्याण-डोंबिवली मतदारसंघाबाबतचा वाद निवळला आहे. कल्याण-डोंबिवलीची जागा शिंदे गटच लढवणार असल्याचं उपमुख्यमंत्री देवेंद्र फडणवीस यांनी जाहीर केलं. तसेच भाजप आमदार गणपत गायकवाड यांच्या समर्थकांनी श्रीकांत शिंदे यांना पूर्ण समर्थन दिलं आहे. त्यामुळे श्रीकांत शिंदे विरुद्ध वैशाली दरेकर असा सामना होणार असल्याचं चित्र असतानाच श्रीकांत शिंदे यांनी एक विधान केलं आहे. त्यामुळे सर्वांच्या भुवया उंचावल्या आहेत.

माझी उमेदवारी ऑफिशियल घोषित करण्यात आलेली नाही; श्रीकांत शिंदे असं का म्हणाले?
shrikant shindeImage Credit source: tv9 marathi
| Edited By: | Updated on: Apr 09, 2024 | 3:40 PM
Share

कल्याण-डोंबिवली लोकसभा मतदारसंघावरून शिंदे गट आणि भाजपमध्ये प्रचंड वाद सुरू होता. भाजपने या जागेवर दावा केला होता. त्यामुळे शिंदे गटाच्या पहिल्या यादीत या जागेवरील उमेदवार घोषित करण्यात आला नव्हता. त्यावरूनही राजकीय वर्तुळात उलटसुलट चर्चा रंगली होती. त्यानंतर उपमुख्यमंत्री आणि भाजपचे नेते देवेंद्र फडणवीस यांनी कल्याण डोंबिवलीतून श्रीकांत शिंदे हेच निवडणूक लढवतील असं स्पष्ट केलं होतं. त्यामुळे ही जागा शिंदे गटाला मिळाल्याचं स्पष्ट झालं होतं. नंतर भाजपचे आमदार गणपत गायकवाड यांच्या समर्थकांनीही शिंदे गटाला पाठिंबा दिल्याने कल्याण-डोंबिवलीतील वाद निवळल्याचं सांगितलं जात होतं. मात्र, आज शिंदे गटाचे नेते श्रीकांत शिंदे यांनी वेगळंच विधान करून सर्वांनाच बुचकळ्यात टाकलं आहे.

गुढीपाडव्याच्या शोभायात्रांना हजेरी लावण्यासाठी श्रीकांत शिंदे डोंबिवलीत आले होते. यावेळी मीडियाशी संवाद साधताना त्यांनी कल्याण-डोंबिवलीच्या उमेदवारीवरून भाष्य केलं. त्यामुळे सर्वांनाच आश्चर्याचा धक्का बसला आहे. मुख्यमंत्री एकनाथ शिंदे यांनी माझी उमेदवारी ऑफिशियली जाहीर केलेली नाही. देवेंद्र फडणवीस यांनी सांगितलं. त्यांच्या घोषणेचं मी स्वागत करतो, असं श्रीकांत शिंदे यांनी म्हटलं.

इतरांसोबतच माझीही उमेदवारी…

आमचा पक्ष कार्यकर्त्यांचा पक्ष आहे. एका कुटुंबापुरता मर्यादित पक्ष नाही. सर्वांची उमेदवारी जाहीर झालेली नाही. त्यांच्याबरोबरचे माझीही उमेदवारी जाहीर होईल. श्रीकांत शिंदे काही स्पेशल नाही. बाकी पक्षांमध्ये आपल्या परिवाराचे नाव पहिल्या यादीत असते. मात्र, एकनाथ शिंदे हे एक कार्यकर्ते आहेत. जेव्हा जाहीर होईल तेव्हा कळेल. एक दोन दिवसात सर्व उमेदवारी जाहीर होईल, असं श्रीकांत शिंदे म्हणाले.

सर्व एका धाग्याने बांधले गेले

दरम्यान, श्रीकांत शिंदे यांनी उल्हासनगरमध्येही सिंधी बांधवांच्या चेडीचड रॅलीत भाग घेतला. यावेळी आमदार कुमार ऐलानी उपस्थित होते. यावेळी बाईक रॅली काढून मोठ्या प्रमाणात शक्तिप्रदर्शन करण्यात आलं. या बाईक रॅलीत श्रीकांत शिंदे यांनी स्वत: बुलेट चालवत सर्वांना नवीन वर्षाच्या शुभेच्छा दिल्या. सकाळपासून गुढी पाडव्याचा उत्साह आहे. डोंबिवलीत लाखोच्या संख्येने लोक उपस्थित होते. उल्हासनगरमध्येही बाईक रॅलीत लोक उत्साहाने सहभागी झाले आहेत. गुढी पाडवा या सणामुळे सर्वांना एका धाग्यात बांधलं गेलं आहे, असं त्यांनी सांगितलं.

Follow Us
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण