Pune Election Results 2026 LIVE : वडगाव शेरी, येरवडामध्ये कोण मारणार बाजी? भाजप दबदबा कायम राखणार?
Pune Election Results 2026 LIVE : पुणे महापालिकेच्या प्रभाग क्रमांक 5 मध्ये गेल्यावेळी भाजपचं वर्चस्व होतं, चारही वार्डामध्ये भाजपचे उमेदवार विजयी झाले होते, तर प्रभाग क्रमांक 6 मध्ये शिवसेनेचे 3 आणि एमआयएमचा एक उमेदवार विजयी झाला होता.
पुणे महापालिकेमध्ये 15 जानेवारी रोजी मतदान झालं आहे, 16 रोजी मतमोजणी होणार आहे. पुणे महापालिकेत एकूण 41 प्रभाग असून, 41 प्रभागातून 172 उमेदवार पुणे महापालिका निवडणुकीच्या रिंगणात आहेत. गेल्यावेळी या निवडणुकीत भाजपला मोठं यश मिळालं होतं, 2017 मध्ये झालेल्या निवडणुकीत भाजपच्या तब्बल 97 जागा निवडून आल्या होत्या, तर राष्ट्रवादी काँग्रेस पक्षाला 39 जागा मिळाल्या होत्या, इतर पक्षाला अपेक्षित असं यश या निवडणुकीत मिळालं नव्हतं. काँग्रेसला अवघ्या 9 जागांवर तर शिवसेनेला दहा जागांवर समाधान मानावं लागलं होतं. तर मनसेला दोन आणि एमआयएमला एक जागा मिळाली होती. आज आपण प्रभाग क्रमांक 5 आणि 6 मध्ये नेमकी काय स्थिती होती? त्याबद्दल माहिती जाणून घेणार आहोत.
प्रभाग क्रमांक 5 – प्रभाग क्रमांक पाचमध्ये चारही वार्डात भाजपाचं वर्चस्व दिसून आलं, चारही वार्डात भाजपचेचे उमेदवार विजयी झाले. प्रभाग क्रमांक 5 मध्ये पुण्याच्या वडगाव शेरी आणि कल्याणी नगर या भागाचा समावेश होतो. प्रभाग क्रमांक 5 अ मधून भाजपच्या उमेदवार सुनीता गलांडे या विजयी झाल्या तर ब मधून भाजपच्या उमेदवार शितल शिंदे या विजयी झाल्या होत्या, क मधून भाजपचे उमेदवार योगेश मुळीक आणि ड मधून संदीप झरड हे विजयी झाले.
Municipal Election 2026
सोलापूरात निकालापूर्वीच किरण देशमुखांच्या विजयाचे बॅनर
जळगाव : दोन महिलांना यादीत नाव असूनही मतदान करता आले नाही
BMC Election 2026 Exit Poll Prediction : जेव्हीसीच्या एक्झिट पोलनुसार मुंबईत कोणाला किती जागा?
एक्झिट पोलनुसार मुंबईत शिवसेना ठाकरे गट, मनसेला धक्का
ठाणे मानपाडात मतमोजणी केंद्रावर राडा
राज ठाकरेंच्या जागा कमी येणार, एक्झिट पोलचा अंदाज
प्रभाग क्रमांक 6 – प्रभाग क्रमांक सहामध्ये गेल्यावेळी शिवसेनेनं बाजी मारली होती. प्रभाग क्रमांक सहामध्ये पुण्यातील येरवडा या भागाचा समावेश होतो. प्रभाग क्रमांक 6 अ मधून शिवसेनेचे उमेदवार अविनाश साळवे हे विजयी झाले होते. ब मधून श्वेता चव्हाण या विजयी झाल्या होत्या, क मधून एमआयएमच्या उमेदवार अश्विनी लांडगे तर ड मधून शिवसेनेचे उमेदवार संजय भोसले हे विजयी झाले होते. शिवसेनेचे दहा जे उमेदवार विजयी झाले त्यातील तीन नगरसेवक याच वार्डामधून विजयी झाले होते. तर एमआयएमला जी गेल्यावेळी पुणे महापालिकेच्या निवडणुकीत एकमेव जागा मिळाली होती, ती याच प्रभागामधून मिळाली होती. एमआयएमच्या उमेदवार अश्विनी लांडगे या विजयी झाल्या होत्या.
महत्त्वाच्या लिंक्स
महाराष्ट्र महापालिका निवडणूक निकाल 2026 मतमोजणीचे लाईव्ह अपडेट्स
बीएमसी महाराष्ट्र निवडणूक निकाल LIVE TV
महाराष्ट्र महानगरपालिकेचा सर्वात वेगवान निकाल पाहा फक्त टीव्ही 9 मराठीवर LIVE
