Marathi News Photo gallery BAPS Hindu Mandir Abu Dhabi Receives Tolerance Award 2026: Swami Brahmavihari on AI and Family's Future
BAPS अबू धाबी मंदिराचा Tolerance Award 2026 ने सन्मान
अबू धाबी येथील BAPS हिंदू मंदिराला 'टॉलरन्स अवॉर्ड 2026' ने सन्मानित करण्यात आले, ज्यामुळे त्यांची जागतिक स्तरावर शांतता, संवाद आणि मानवी एकतेची सेवा अधोरेखित झाली. पूज्य ब्रह्मविहारी स्वामींनी पुरस्कार स्वीकारताना AI, कुटुंब आणि अध्यात्माच्या भविष्यावर विचार मांडले, 'घरसाभा' परंपरेचे महत्त्व सांगितले. मजबूत कुटुंबे आणि करुणामय समुदायांमधूनच भविष्याची खरी निर्मिती होईल, असा प्रेरणादायी संदेश त्यांनी दिला. मंदिराची सहिष्णुतेची भूमिका या पुरस्काराने दृढ झाली आहे.
जगभरात शांतता, सद्भावना आणि मानवी एकतेचा संदेश प्रसारित करणाऱ्या अबू धाबी येथील BAPS हिंदू मंदिराला “Tolerance Award 2026” ने सन्मानित करण्यात आलं. International Dialogue of Civilizations and Tolerance Conference (IDCT 2026) दरम्यान हा सन्मान प्रदान करण्यात आला. जागतिक स्तरावर सहिष्णुता, संवाद आणि शांततापूर्ण सहअस्तित्वाला प्रोत्साहन देणाऱ्या संस्थांना हा पुरस्कार दिला जातो.
1 / 5
हा पुरस्कार केवळ एका संस्थेचा गौरव नसून, BAPS हिंदू मंदिर समाजात सातत्याने रुजवत असलेल्या मानवता, करुणा, एकता आणि परस्पर सन्मान या सार्वत्रिक मूल्यांची दखल आहे. Festival of Harmony, Omsiyyat तसेच विविध मानवतावादी मदत अभियानांद्वारे मंदिराने विविध धर्म, संस्कृती आणि राष्ट्रीयतेतील लोकांना एकाच व्यासपीठावर आणून विश्वबंधुत्वाचे प्रेरणादायी उदाहरण निर्माण केलं आहे.
2 / 5
पुरस्कार स्वीकारताना BAPS हिंदू मंदिर, अबू धाबीचे प्रमुख पूज्य ब्रह्मविहारी स्वामी यांनी कुटुंब, अध्यात्म आणि कृत्रिम बुद्धिमत्ता (AI) यांच्या भविष्यावर प्रेरणादायी विचार मांडले. “ AI काय करू शकतं हा आज सर्वात महत्त्वाचा प्रश्न नाहीये, तर AI च्या प्रभावामुळे आपण कोणत्या प्रकारचे माणूस बनत आहोत हा मोठा प्रश्न आहे,” असं ते म्हणाले.
3 / 5
भारतीय संस्कृतीतील ‘मातृदेवो भव’, ‘पितृदेवो भव’ आणि ‘वसुधैव कुटुंबकम्’ या शाश्वत मूल्यांचा उल्लेख करत त्यांनी सांगितलं की, ' मजबूत कुटुंबे ही मजबूत समाज आणि समृद्ध राष्ट्राची पायाभरणी असतात'. परम पूज्य प्रमुखस्वामी महाराजांनी प्रेरित केलेल्या ‘घर सभा’ या परंपरेचं त्यांनी आधुनिक काळातील एक प्रभावी सामाजिक गरज म्हणून वर्णन केलं. या उपक्रमात कुटुंबातील सदस्य दररोज काही वेळ एकत्र बसून प्रार्थना, संवाद आणि आत्मीयतेचा अनुभव घेतात.
4 / 5
आपल्या भाषणाच्या समारोपात त्यांनी अत्यंत प्रेरणादायी संदेश दिला: “भविष्य केवळ अधिक बुद्धिमान यंत्रांमुळे घडणार नाही; ते अधिक सक्षम कुटुंबे, अधिक संवेदनशील हृदये आणि अधिक करुणामय समुदाय यांच्या माध्यमातून घडेल. आपल्याला फक्त AI Powered Families नव्हे, तर AI Empowered Families घडवायची आहेत” असं ते म्हणाले. हा सन्मान BAPS हिंदू मंदिराच्या जागतिक भूमिकेचे प्रतीक आहे, ज्याद्वारे ते विविध संस्कृती, समुदाय आणि देशांना एकत्र जोडत जगभरात शांतता, संवाद आणि मानवी एकतेची नवी प्रेरणा देत असतं.
