Maharashtra News LIVE : शासनाच्या डीजे बंदी धोरणासंदर्भात संमिश्र प्रतिक्रिया

पालघर : आशा सेविकांचा जिल्हाधिकारी कार्यालयावर थाळीनाद मोर्चा

महाराष्ट्र राज्य गटप्रवर्तक आणि आशा स्वयंसेविका संघाच्या नेतृत्वाखाली आशा सेविकांनी पालघर जिल्हाधिकारी कार्यालयावर थाळीनाद मोर्चा काढत बेमुदत धरणे आंदोलन सुरूवात केली. गटप्रवर्तक आणि आशा स्वयंसेविकांना ग्रामपंचायतीकडून कोरोना विषाणू प्रादुर्भाव रोखण्यासाठी दरमहा हजार रुपये प्रमाणे दोन वर्षाचे 24 हजार रुपये गणेशोत्सवापूर्वी द्या, 2025 – 26 च्या गाईडलाईनुसार तीनशे रुपये मोबाईल रिचार्जची थकबाकी त्वरित देण्यात यावी, आदी प्रमुख 12 मागण्यासाठी थाळी नाद मोर्च्याचं आयोजन करण्यात आलं होतं. यावेळी थाळी नाद करून सरकार विरोधात घोषणाबाजी करण्यात आली असून मागण्या मान्य न झाल्यास लवकरच याहून तीव्र आंदोलन छेडलं जाईल असा इशारा यावेळी आंदोलन कर्त्या आशा वर्कर कडून देण्यात आला.

नाशिक : दिंडोशीत व्यापाऱ्यावर जीवघेणा हल्ला

दिंडोशी पोलीस ठाण्याच्या हद्दीत एक धक्कादायक घटना समोर आली आहे. संतोष नगर मार्केटमध्ये एका व्यापाऱ्यावर जीवघेणा हल्ला झाल्याचा व्हिडिओ समोर आला आहे. या प्रकरणी पोलिसांनी आरोपीला अटक केली आहे. पोलीस पुढील कारवाई करत आहेत.

छत्रपती संभाजीनगर : श्रावणातील शेवटच्या सोमवारी कावड यात्रेला सुरुवात

श्रावणातील शेवटच्या सोमवारी छत्रपती संभाजी नगर शहरात कावड यात्रेला सुरुवात झाली आहे. भाजपाचे माजी आमदार संजय केणेकर यांच्या वतीने या यात्रेचे आयोजन करण्यात आले आहे. महंत रामगिरी महाराज यांची प्रमुख उपस्थिती यावेळी पहायला मिळाली. जाधववाडीच्या रामेश्वर महादेव मंदिरापासून यात्रेला सुरुवात झाली आहे.

हिंगोली : औंढा-परभणी मार्गावर भीषण अपघात

औंढा नागनाथ ते परभणी मार्गावर कळंबा पाटीजवळ भीषण अपघात झाला आहे. भरधाव पिकअपने ऑटोला धडक दिल्याने झालेल्या अपघातात तीन जणांचा मृत्यू, तर पाच जण गंभीर जखमी झाले आहेत. औंढा नागनाथहून परभणीकडे जाणाऱ्या ऑटोला कळंबा पाटीजवळ भरधाव पिकअपने धडक दिली. धडकेनंतर ऑटो चालकाचे नियंत्रण सुटून ऑटो रस्त्याच्या खाली जाऊन उलटला. अपघाताची माहिती मिळताच ग्रामस्थांनी घटनास्थळी धाव घेत जखमींना 108 रुग्णवाहिकेने परभणी येथील शासकीय रुग्णालयात दाखल केले. यामध्ये एका महिलेचा मृत्यू झाला असून पाच जखमींवर उपचार सुरू आहेत.

राहुल गांधींचा उद्या रायबरेलीचा दोन दिवसीय दौरा

विरोधी पक्षनेते राहुल गांधी यांचा रायबरेली दौरा उद्यापासून सुरू होत आहे. 8 सप्टेंबर रोजी या दौऱ्यात राहुल गांधी सराफा व्यापाऱ्यांची बैठक घेतील. ते भुमऊ गेस्ट हाऊसमध्ये बार असोसिएशनचे प्रतिनिधी मंडळ आणि डॉक्टरांची भेट घेतील. ते रात्री भुमऊ गेस्ट हाऊसमध्येच मुक्काम करतील. दौऱ्याच्या दुसऱ्या दिवशी ते दिशा समितीच्या बैठकीचे अध्यक्षस्थान भूषवतील. यानंतर राहुल गांधी सहा विवाह सभागृह, ट्रॉली ट्रान्सफॉर्मर आणि रस्त्यांची पायाभरणी करून त्यांचे उद्घाटन करतील.

विधानसभेच्या 5 आणि लोकसभेच्या 1 जागेसाठी पोटनिवडणुका जाहीर

निवडणूक आयोगाने तामिळनाडू, पुदुचेरी आणि पश्चिम बंगालमधील पाच विधानसभा जागा आणि आसाममधील एका लोकसभा जागेसाठी पोटनिवडणुका जाहीर केल्या आहेत. मतदान 6 ऑक्टोबर 2026 रोजी होईल आणि मतमोजणी 9 ऑक्टोबर रोजी होईल.

अण्णा हजारे यांच्या प्रकृतीत सुधारणा

अण्णा हजारे यांच्या प्रकृतीत सुधारणा होत आहे. त्यांना रुग्णालयात दाखल करून जवळपास सहा दिवस झाले आहेत. सध्या त्यांच्यावर उपचार सुरू असून, त्यांच्या प्रकृतीत लक्षणीय सुधारणा दिसून येत आहे.

धनंजय मुंडे यांच्या विरोधात करुणा मुंडे यांनी कोर्टात नॉन बेलेबल वॉरंट जारी करण्याची केली मागणी

धनंजय मुंडे यांच्या विरोधात करुणा मुंडे यांनी कोर्टात नॉन बेलेबल वॉरंट जारी करण्याची मागणी केली आहे. धनंजय मुंडे यांच्या जिममधील व्हिडिओवर करुणा मुंडे यांनी जोरदार टीका केली आहे. जोपर्यंत मी आहे, तोपर्यंत त्यांचे कमबॅक होणार नाही, असं करुणा मुंडे म्हणाल्या आहेत. धनंजय मुंडे म्हातारा झाला आहे आणि जिम करतो, मुलीच्या वयाच्या मुलींना फिरवतो, असा घणाघात करुणा मुंडे यांनी केला आहे.

शिवसेना पालघर शहर प्रमुख राहुल घरत पक्षातून निलंबित

शिवसेना नेते आणि उपमुख्यमंत्री एकनाथ शिंदे यांनी पालघरमधील एका खासगी रुग्णालयात डॉक्टरांना मिळणाऱ्या गैरवर्तनाची गंभीर दखल घेतली आहे. त्यांनी शिवसेना पालघर शहर प्रमुख राहुल घरत यांना पक्षातून निलंबित करण्याची घोषणा केली आहे. गोव्यातील पश्चिम विभागीय परिषदेच्या बैठकीनंतर पत्रकारांशी बोलताना उपमुख्यमंत्री शिंदे यांनी ही घोषणा केली.

शासनाच्या डीजे बंदी धोरणासंदर्भात संमिश्र प्रतिक्रिया

शासनाच्या डीजे बंदच्या धोरणाबद्दल समाजातून संंमिश्र प्रतिक्रिया आल्या आहेत. काही नागरिकांनी  या निर्णयाला पाठिंबा आहे, नियमांचे पालन केले जाईल असे म्हटले आहे. डीजे आणि बँड इतर वाद्यं या मधला फरक देखील शासनाने लक्षात घ्यावा अशी अपेक्षा गणेश मंडळ कार्यकर्त्यांनी व्यक्त केल्या आहेत. ऐन गणेशोत्सवात शासनाने आवाजाची मर्यादा ठरवून दिल्याने या निर्णयाबद्दल सार्वजनिक गणेश मंडळांनी नाराजी व्यक्त केली आहे

यशवंत किल्लेदार यांनी महापौरांवर वही फेकल्याने सभागृहात गोंधळ

मुंबई महानगर पालिका सभागृहात यशवंत किल्लेदार यांनी महापौरांवर वही फेकल्याने सभागृहात गोंधळ झाला आहे.  महापौरांवर वही फेकल्याने गोंधळ झाला आहे.  यशवंत किल्लेदार यांच्यावर कारवाईची मागणी सत्ताधाऱ्यांनी केली आहे.

वाशिम – शेतकरी संकटात मात्र अधिकारी कार्यालयात रील बनवण्यात व्यस्त – काँग्रेस जिल्हाध्यक्षांचा निशाण

रिसोड तहसीलदार प्रतीक्षा तेजनकर यांचा शासकीय कार्यालयात रील शूट केल्याचा व्हिडिओ व्हायरल झाल्यावर काँग्रेस जिल्हाध्यक्ष राजू चौधरी यांनी थेट निशाणा साधला.  दुष्काळजन्य परिस्थितीत शेतकरी संकटात मात्र अधिकारी कार्यालयात रील बनवण्यात व्यस्त आहे, असा आरोप करण्यात आला.

शासकीय कार्यालयाचा आणि पदाचा वापर वैयक्तिक प्रसिद्धीसाठी केल्याप्रकरणी कारवाईची मागणी  करण्यात आली.

मुंबईत जर मराठा बांधवाचं रक्त निघालं, तर 10 मिनिटांच्या आत महाराष्ट्र बंद पडला पाहिजे – जरांगे पाटील

मुंबईत एखाद्या माय-माऊलीचं किंवा मराठा बांधवाचं जराही रक्त निघालं तर 10 मिनिटांच्या आत संपूर्ण महाराष्ट्र बंद पडला पाहिजे – मनोज जरांगे यांचा इशारा.

12 तारखेला सगळ्या मराठ्यांनी आंतरवालीत बैठकीसाठी या – मनोज जरांगे पाटील

12 तारखेला महाराष्ट्रातील कानाकोपऱ्यातून सगळ्या मराठ्यांनी आंतरवालीत बैठकीसाठी यायचं. मुंबईला आत्ताच जाऊ नका, 12 तारेखला तारीख ठरली की निघा – मनोज जरांगे पाटील.

रिंग मेट्रो प्रकल्प बाधितांचे आधी पुनर्वसन करा, त्यानंतरच प्रकल्प राबवा – पारिषा प्रताप सरनाईकांची मागणी

रिंग मेट्रो प्रकल्प बाधितांचे आधी पुनर्वसन करा, त्यानंतरच प्रकल्प राबवा अशी मागणी नगरसेवक पारिषा प्रताप सरनाईक यांनी ठाणे महापालिका आयुक्तांकडे केली आहे.  रिंग मेट्रोमुळे लोकमान्यनगर, शिवाईनगरसह सुमारे 1500 घरं बाधित होणार असल्याचं पत्रात नमूद करण्यात आलं आहे.  बाधित नागरिकांचे पुनर्वसन केल्याशिवाय प्रकल्पाची अंमलबजावणी करू नये, अशी मागणी पत्रातून करण्यात आली आहे.

जळगाव- चोपडा शहरात कर्णकर्कश डीजे वाजवणाऱ्या चालकाविरुद्ध गुन्हा दाखल

जळगावच्या चोपडा शहरात कर्णकर्कश आवाजात डीजे वाजवणाऱ्या चालकाविरुद्ध गुन्हा दाखल झाला असून डीजे साऊंड सिस्टीम देखील जप्त करण्यात आली आहे.  मोहिनी डी जे बँड चे मालक सचिन उर्फ पंडित शिरसाठ या डीजे चालकावर चोपडा पोलिसांनी कारवाई केली.

जहालवीर गोगाजी महाराज जन्मोत्सव मिरवणुकीत मोठ्या व कर्कश आवाजात डीजे वाजून नियमांचं उल्लंघन करण्यात आलं.  ध्वनी प्रदूषणाच्या नियमांचे उल्लंघन झाल्याने पोलिसांकडून डीजे साऊंड सिस्टीम देखील जप्त करण्यात आली .

पुण्यात प्रसिद्ध लावणी नृत्यांगणा राधा पाटीलसह मंडळाच्या अध्यक्ष, आयोजकावर गुन्हा दाखल

दहीहंडी कार्यक्रमात कार्यक्रम सादर करताना अश्लिल नृत्य सादर होऊ नये,यासाठी सहभागी होणाऱ्या कलाकारांनी रंगभूमी प्रयोग परिनिरीक्षण मंडळाचे प्रमाणपत्र सादर करण्याची अट घालण्यात आली होती. या आदेशानुसार प्रमाणपत्र सादर न केल्याने मंडळाला कार्यक्रमाची परवानगी नाकारली होती. असे असतानाही कार्यक्रम करणारी प्रसिद्ध लावणी नृत्यांगणा राधा पाटील तसेच मंडळाचे अध्यक्ष, आयोजकावर बिबवेवाडी पोलिसांनी गुन्हा दाखल केला आहे.

अमरावतीतील नरभक्षक वाघिणीला पकडण्यात यश

अमरावतीतील नरभक्षक वाघिणीला पकडण्यात यश मिळालं आहे. या वाघिणीने आत्तापर्यत 4 जणांचा बळी घेतला आहे. अखेर तिला जेरबंद करण्यात यश मिळालं.

केतन अग्रवाल खून प्रकरण- चेतनचा मित्र रितेश हांगे याला सर्व गोष्टी माहीत होत्या, तो या कटात सहभागी होता – पुणे ग्रामीण पोलीस अधीक्षक संदीप सिंह

पुणे –  केतन अग्रवाल खून प्रकरणाच्या अनुषंगाने पुणे ग्रामीण पोलीस अधीक्षक संदीप सिंह गिल्ल यांनी पत्रकार परिषद घेत महत्वाची माहिती दिली.   केतनच्या  खुनाच्या कटात सहभागी असल्याने 23वर्षीय रितेश हांगे याला अटक केली. त्याला 12 सप्टेंबर पर्यंत पोलीस कोठडी मिळाली आहे.

केतन अग्रवाल याच्या खुन प्रकरणी चेतन चौधरी सर्व गोष्टी हांगे याला खुनाच्या आधी सर्व गोष्टी सांगत होता आणि खून झाल्यावरही त्याला माहिती होती.  तो या सर्व खून प्रकरणाच्या कटात सहभागी होता, असं गिल्ल यांनी सांगितलं.  गुन्हा केल्यानंतर चेतन चौधरी हा रितेशला भेटला होता, असंही त्यांनी नमूद केलं.

अमेरिकेच्या फ्लोरिडामध्ये धावपट्टीवरून विमान घसरलं

अमेरिकेच्या फ्लोरिडामध्ये धावपट्टीवरून विमान घसरलं. धावपट्टीजवळ उभ्या वाहनांना विमानाची धडक, दुर्घटनेत 5 जणांचा मृत्यू,5 जण जखमी. फ्लोरिडाच्या मियामी आंतरराष्ट्रीय विमानतळावरील घटना. या अपघाताच्या घटनेने एकच खळबळ उडाली. अपघातानंतर अमेरिकेतील विमान सेवा विस्कळीत झाली आहे.

कोस्टल रोडवर भरधाव वेगात कार चालवणाऱ्या 6-7 जणांवर गुन्हा

कोस्टल रोडवर भरधाव वेगात कार चालवणाऱ्या 6-7 जणांवर गुन्हा. मरीन ड्राईव्ह पोलिसांकडून 6-7 जणांवर गुन्हा. कारचालकांनी स्वतःच्या तसेच इतरांच्या जीवितास धोका निर्माण केल्याचा पोलिसांचा आरोप. पोलिस हवालदार सतीश सांगळे यांच्या तक्रारीवरून गुन्हा. वाहनांची ओळख पटवली असून चालकांना ताब्यात घेण्याची प्रक्रिया सुरु

महाराष्ट्राचे गृह राज्यमंत्रीच DJचं समर्थन करतायत- संजय राऊत

महाराष्ट्राचे गृह राज्यमंत्रीच DJचं समर्थन करतायत. सरकारमधल्या मंत्र्यांमध्येच DJ वरुन 2 मतप्रवाह- संजय राऊत. तर जुलूसच्या DJचा संजय राऊतांना त्रास होत नाही- बन

ठाण्याच्या कळव्यात हिट अॅण्ड रनचा प्रकार

ठाण्याच्या कळव्यात हिट अॅण्ड रनचा प्रकार. भरधाव ट्रकची दुचाकीला जोरदार धडक. दुचाकीस्वाराला गंभीर दुखापत, चालक फरार.. कळव्याच्या नॅशनल हॉटेलसमोरील घटना

सोलापुरात लोडशेडिंग काँग्रेस खासदार प्रणिती शिंदे आक्रमक

सोलापुरात लोडशेडिंग काँग्रेस खासदार प्रणिती शिंदे आक्रमक. खासदार प्रणिती शिंदेंचा MSEBच्या कार्यालयात ठिय्या. लोडशेडींग बंद करा, शेतकऱ्यांना वीजपुरवठा सुरळीत करा- प्रणिती शिंदें

सापडलेल्या नोंदी ग्रामपंचायत स्तरावर लावल्या जातील- विखे पाटलांची माहिती

सापडलेल्या नोंदी ग्रामपंचायत स्तरावर लावल्या जातील.  10 ते 17 सप्टेंबरदरम्यान सर्व जिल्ह्यात कॅम्प होणार.  आवश्यक समतोल साधून आपण पुढे जात आहोत.  अन्य जातीच्या आरक्षणाला धक्का लागणार नाही- विखे-पाटील

कुणबी प्रमाणपत्रासंदर्भातल्या बैठकीत महत्त्वाचे निर्णय- सूत्र

कुणबी प्रमाणपत्रासंदर्भातल्या बैठकीत महत्त्वाचे निर्णय घेण्यात आले आहेत. शिंदे समितीच्या नोंदी ग्रामपंचायत कार्यालयात लावणार आहेत. 7, 8 आणि 9 सप्टेंबरला नोंदी लावण्यात येणार असल्याची सूत्रांची माहिती आहे.

रक्त न सांडता तेजस्वी इतिहास होत नाही- मनोज जरांगे

“बिना रक्त सांडता तेजस्वी इतिहास होत नाही. महाराष्ट्रातला एवढा मोठा मराठा समाज माज का उतरवत नाही, हा प्रश्न आहे माझा. 12 तारखेला यांचा माज उतरवायचा आहे. राजकीय, व्यापारी लोकांच्या मागे केस लावून उद्ध्वस्त करायला लागलाय. ईडी लावून.. मग्रुर शासक परवडणारा नाही. अजित दादांचं काय झालं कोणालाच माहीत नाही. किती दिवसात रिपोर्ट येणार आहे,” असा सवाल मनोज जरांगेंनी केला आहे.

ज्याला केसची भीती वाटते त्यांनी माझ्यासोबत यायचं नाही- मनोज जरांगे

“मला जर काही करायचं असतं तर मी तीन वर्षे शांततेत आंदोलन केलंच नसतं. इतर मराठ्यांनी जेवण पाण्याची तयारी करा. आरक्षण मिळेपर्यंत महाराष्ट्र बंदच ठेवा. केसेसची भीती वाटते तर रात्रीचंही शांततेत आंदोलन करायचं. ज्याला केसची भीती वाटते त्यांनी माझ्यासोबत यायचं नाही,” असं मनोज जरांगे म्हणाले.

ही शेवटची लढाई मराठ्यांनी लढायची आहे- मनोज जरांगे

पोलिसांनी कितीही त्रास दिला तरी पोलिसांंना त्रास द्यायचा नाही. त्यांनी अडवलं तर बाजूला सरकायचं आणि पुढे चालायचं. जर पोलिसांनी फडणवीसांचं ऐकून हल्ल्याचा प्रयत्न केला तर पळापळी करायची नाही. तिथेच काठी, बंदुक धरायची. परिस्थिती तशी असेल तर दबा धरा. ही शेवटची लढाई मराठ्यांनी लढायची आहे, असं मनोज जरांगे म्हणाले.

माय माऊलीचे किंवा बांधवांचे रक्त सांडले तर 10 मिनिटांत उभा महाराष्ट्र बंद पडला पाहिजे- मनोज जरांगे

12 सप्टेंबरला अंतरवालीतील पार्किंग बंद ठेवणार असून एलईडी लावणार आहोत. 12 तारखेला मुंबईचा निर्णय होणार आहे‌. जर कोणी अडवलं तरी, आडवाआडवी असली तरी, त्याला महत्त्व द्यायचं नाही. एखाद्या माय माऊलीचे किंवा बांधवांचे रक्त सांडले तर 10 मिनिटांत उभा महाराष्ट्र बंद पडला पाहिजे, असं जरांगे म्हणाले.

12 सप्टेंबरला नगर, नाशिकमधील सर्व मराठ्यांनी आंतरवाली सराटीत यायचं- मनोज जरांगे

12 सप्टेंबरला नगर, नाशिकमधील सर्व मराठ्यांनी आंतरवाली सराटीत यायचं आहे. हातातली कामं ठेवून बैठकीसाठी आंतरवालीला या. कुणीही घरी बसून 12 तारखेची बैठक ऐकू नका, आंतरवालीत या, असं आवाहन मनोज जरांगेंनी केलंय.

12 तारखेला सगळ्या मराठ्यांनी आंतरवालीला बैठकीसाठी यायचं- मनोज जरांगे

मुंबईकडे येतील तेव्हा हल्ला करायचा, शिंदेंचे मंत्री बोलत होते. हल्ला करायचा म्हणजे सीएम बदनाम होतील, शिंदेंचे मंत्री बोलत होते. 12 तारखेला सगळ्या मराठ्यांनी आंतरवालीला बैठकीसाठी यायचं, असं आवाहन मनोज जरांगेंनी केलंय.

हे सर्वजण गोड बोलून आपल्याला फसवत आहेत- मनोज जरांगे

उपोषणाला बसण्याची वेळ येणार नाही, असं मंत्री म्हणाले होते. हे सर्वजण गोड बोलून आपल्याला फसवत आहेत. शिंदे-फडणवीसांची ही मिलीभगत आहे. मराठा समाजाने आता समजून घेणं फार गरजेचं आहे, असा आरोप मनोज जरांगे पाटील यांनी केला आहे.

सरकार जाणूनबुजून हलगर्जीपणा करतंय- मनोज जरांगे

सरकार जाणूनबुजून हलगर्जीपणा करतंय. मराठ्यांना संपवण्यासाठी जाणीवपूर्वक हलगर्जीपणा सुरू आहे. सरकारच्या हलगर्जीपणामुळे रोष वाढत आहे, असं मनोज जरांगे पाटील म्हणाले.

शक्तिपीठ महामार्ग रद्द करावा यासाठी कृती समितीचा भव्य मोर्चा

शक्तिपीठ महामार्ग रद्द करावा या मागणीसाठी कोल्हापूर जिल्हाधिकारी कार्यावरती शक्तीपीठ महामार्ग विरोधी कृती समितीचा भव्य मोर्चा काढण्यात आला आहे

वर्ध्यात गणेश मूर्तीसोबत मिळतेय गॅरंटी कार्ड

वर्ध्यात गणेश मूर्तीसोबत मिळतेय गॅरंटी कार्ड. गणेश मूर्ती मातीच्या असल्याची मूर्तिकार गजानन भांगे यांच्याकडून हमी. पीओपी किंवा जलस्त्रोत दूषित करणारा घटक नसल्याची हमी. मूर्ती पाण्यात विरघळण्याची गॅरंटी. वैद्यकीय जनजागृती मंचाच्या निर्मळ गणेश मोहिमेत सहभागी होत मूर्तिकार गजानन भांगे पर्यावरण पुरक मूर्ती तयार करतात. मूर्तिकार गजानन भांगे यांच्याकडून मूर्तीसोबत हमीपत्र दिले जाते. तेरा वर्षापासून मातीला रिसायकल करून मातीपासून मूर्ती तयार करण्यात येतात.  पर्यावरणपूरक मूर्ती असल्याने मागणीत मोठी वाढ

धनगर समाजाच्या हक्कासाठी धनगर समाजाचा राज्यव्यापी आक्रोश मोर्चा

धनगर समाजाच्या हक्कासाठी धनगर समाजाचा राज्यव्यापी आक्रोश मोर्चा…धनगर आरक्षणाची अंमलबजावणी, श्री संत बाळूमामा देवस्थानासाठी स्वतंत्र कायदा, लोणावळा मिसिंग क्लींकला हुतात्मा वीर सिंगरोबा धनगर यांचे नाव देण्यात यावे व मुंबईतील चर्चगेटला पुण्यश्लोक अहिल्यादेवी होळकर यांचे नाव देण्यात यावे या मागण्यांसाठी धनगर समाजाचा आक्रोश मोर्चा….पुण्यातील जिल्हाधिकारी कार्यालयासमोर धनगर समाजाच्या आक्रोश मोर्चाला सुरुवात….

जरांगे यांच्या उपोषणाला पाठिंबा देण्यासाठी पंढरपुरात मराठा समाजाचे आक्रोश आंदोलन

मनोज जरांगे पाटील यांच्या उपोषणाला पाठिंबा देण्यासाठी आज पंढरपुरात मराठा समाजाच्या वतीने आक्रोश आंदोलन करण्यात आले. मराठा समाजातील बांधव छत्रपती शिवाजी महाराज चौकात एकत्र येऊन घोषणाबाजी करत मराठा समाजाकडून ठिय्या आंदोलन करण्यात आले. यावेळी मराठा समाज सातारा गॅझेटच्या आरक्षणासाठी अक्रमक झालेला दिसून आला. तात्काळ आरक्षण लागू झाले नाही. तर राज्यात आमदार , खासदार आणि मंत्र्यांना मराठा समाज फिरू देणार नाही. असा थेट इशारा मराठा समाजाकडून देण्यात आला आहे. त्यामुळे आरक्षणाच्या मागणीसाठी आता राज्यभर आंदोलन होत आहेत यामध्ये पंढरपुरातही मराठा समाज आक्रमक आहे.

कोल्हापूर दसरा चौक ठिकाणी एमपीसी पेपरफुटी प्रकरणी विद्यार्थ्यांचा भव्य मोर्चाला

कोल्हापूर दसरा चौक या ठिकाणी एमपीसी पेपर फुटी प्रकरण सह विविध मागण्यासाठी एमपीएससी आणि यूपीएससी विद्यार्थ्यांचा भव्य मोर्चाला सुरुवात झाली आहे दसरा चौकातून छत्रपती शाहू महाराज यांच्या पूर्णाकृती पुतळ्याला पुष्पहार अर्पण करून या मोर्चाला सुरुवात झाली असेल कोल्हापूर जिल्हाधिकारी कार्यावरती हा मोर्चा कोल्हापूर मधील प्रमुख मार्गावरून जात आहे.

लातूर जिल्ह्यातल्या बोरगाव काळे इथं मराठा आंदोलक रस्त्यावर उतरले

लातूर जिल्ह्यातल्या बोरगाव काळे इथं मराठा आंदोलक रस्त्यावर उतरले असून मनोज जरांगे पाटील यांच्या उपोषणाला पाठिंबा देण्यासाठी रास्ता रोको आंदोलन करण्यात येत आहे. लातूर ते बार्शी रस्ता अडवत आंदोलकांनी रस्ता रोको आंदोलन केले आहे. बोरगाव काळे येथे एका मराठा आंदोलकाने उपोषण आंदोलन चालवले आहे, या आंदोलनाचा आज चौथा दिवस आहे. या सर्व पार्श्वभूमीवर आज रास्ता रोको आंदोलन करण्यात येत आहे. या रास्ता रोकोमुळे वाहनांच्या लांबच लांब रांगा लागल्या आहेत.

कुणबी प्रमाणपत्राबाबत मराठा ऊपसमितीची महत्त्वाची बैठक सुरू

कुणबी प्रमाणपत्राबाबत मराठा ऊपसमितीची महत्त्वाची बैठक सुरू…मंत्री राधाकृष्ण विखे पाटील यांच्या अध्यक्षतेखाली विशेष बैठक सुरू, बैठकीला मंत्री ऊदय सामंत , आमदार प्रसाद लाड उपस्थित. मराठवाड्यातील नागरिकांना कुणबी प्रमाणपत्र वाटपाच्या प्रक्रियेबाबत या बैठकीत महत्त्वपूर्ण चर्चा सुरू असून, मराठवाड्यातील सर्व उपविभागीय अधिकारी, तहसीलदार आणि गटविकास अधिकारी व्हिडीओ कॉन्फरन्सिंगद्वारे बैठकीला उपस्थित…

टाकवे बुद्रुक-कान्हे फाटा मार्गावर भीषण अपघाताची घटना

टाकवे बुद्रुक-कान्हे फाटा मार्गावर भीषण अपघाताची घटना समोर आली आहे. चारचाकी आणि दुचाकीची जोरदार धडक होऊन दोन्ही वाहनांचे मोठे नुकसान झाले आहे. टाकवे बुद्रुकच्या दिशेने जाणाऱ्या चारचाकी आणि कान्हेकडून टाकवे बुद्रुककडे येणाऱ्या दुचाकीची पोल्ट्रीजवळ धडक झाली. धडकेनंतर चारचाकी वाहन रस्त्यालगतचे कंपाउंड तोडून खाली सागवान लागवड असलेल्या क्षेत्रात जाऊन कोसळले. या अपघातात दुचाकीचे जवळपास पूर्णतः नुकसान झाले असून, दोन्ही वाहनचालकांना उपचारासाठी तळेगाव येथील रुग्णालयात दाखल करण्यात आले आहे. सुदैवाने दोघांनाही गंभीर दुखापत झाली नसल्याची प्राथमिक माहिती आहे. अपघात नेमका कशामुळे झाला, याचे कारण अद्याप स्पष्ट झालेले नाही. दरम्यान, टाकवे-कान्हे मार्गावरील या घटनेमुळे पुन्हा एकदा या मार्गाच्या सुरक्षिततेचा प्रश्न ऐरणीवर आला आहे..

भंडाऱ्यातून मोठी बातमी समोर

भंडाऱ्यातून मोठी बातमी समोर आली आहे. भंडाऱ्यात गतिमंद तरुणीवर अत्याचार झाल्याचा प्रकार आता समोर आला आहे. ५० वर्षीय नराधमाला पालांदूर पोलिसांकडून अटक.

गौरव पाटीलच्या चॅटमधून महत्त्वाचे धागेदोरे मिळण्याची शक्यता

गौरव पाटीलच्या चॅटमधून महत्त्वाचे धागेदोरे मिळण्याची शक्यता आहे, तर ऋतुजा पाटीलने फेकलेला फोन पोलिसांना अद्याप मिळालेला नाही.

MPSC पेपरफुटी प्रकरणात २७० पानांचे व्हॉट्सअॅप चॅट आता समोर

MPSC पेपरफुटी प्रकरणात २७० पानांचे व्हॉट्सअॅप चॅट आता समोर आले आहेत. आरोपी ऋतुजा पाटीलने मोबाईल उल्हास नदीत फेकल्याचा दावा.

रोहित पवार राजकीय पोळी भाजण्यासाठी आंदोलन सुरु- नवनाथ बने

कोल्हापूरच्या दसरा चौकात MPSC विद्यार्थ्यांचे आंदोलन सुरु आहे. रोहित पवार राजकीय पोळी भाजण्यासाठी आंदोलन सुरु आहे असा आरोप आता भाजप नेते नवनाथ बन यांनी केला आहे.

मराठा आंदोलनातील मृतांच्या वारसांना MIDC मध्ये नोकरी

आरक्षण आंदोलनादरम्यान बलिदान देणाऱ्या आंदोलकांच्या कुटुंबातील एका सदस्याला MIDC मध्ये अनुकंपा तत्त्वावर नोकरी देण्याचा निर्णय राज्य सरकारने घेतला आहे. या संदर्भात राज्य शासनाच्या सामान्य प्रशासन विभागाने जाहीर केलेल्या धोरणात्मक निर्णयानुसार ही प्रक्रिया राबवली जात आहे. जिल्हाधिकारी कार्यालयाकडून प्राथमिक पडताळणी पूर्ण करून पात्र ठरलेल्या मृत व्यक्तींच्या वारसांची यादी जारी करण्यात आली आहे. सामान्य प्रशासन विभागाच्या मार्गदर्शक सूचनांनुसार, बीड जिल्हा प्रशासनाने संबंधित वारसांच्या कागदपत्रांची छाननी केली असून, त्यांना नियुक्ती देण्याबाबत पुढील आवश्यक ती कायदेशीर कार्यवाही सुरू केली आहे.

स्वायत्त संस्था ही नि:पक्ष माणूस असला पाहिजे- रोहित पवार

विद्यार्थी मोर्चा आता कार्यालयाच्या दिशेने जात आहे, या मोर्च्यात सुप्रिया सुळेही सहभागी झाल्या आहेत. स्वायत्त संस्था ही नि:पक्ष माणूस असला पाहिजे असे रोहित पवार म्हणाले.

संविधानाची प्रत घेऊन राहुल पवार मोर्च्यात

संविधानाची प्रत घेऊन राहुल पवार मोर्च्यात सहभागी झाले आहेत, यांच्यासोबत सुप्रिया सुळेही सहभागी झाले आहे.

विद्यार्थ्यांचा मागण्या मान्य झाल्याच पाहिजे- राहुल पवार

पुण्यात MPSC विद्यार्थ्यांचा आक्रोश मोर्चा, या मोर्च्यात राहुल पवार सहभागी झाले आहेत, विद्यार्थ्यांचा मागण्या मान्य झाल्याच पाहिजे असे रोहित पवार म्हणाले होते.

वाघिणीची आता अमरावतीच्या चांदूरबाजार तालुक्यामध्ये मोठी दहशत….

तीन नागरिकांचा बळी घेणाऱ्या वाघिणीची आता अमरावतीच्या चांदूरबाजार तालुक्यामध्ये मोठी दहशत….वाघिणीला शोधण्यासाठी वनविभागाला हेलिकॉप्टर देण्याची व त्या वाघिणीला शूट करण्याची नवनीत राणांची वनमंत्री गणेश नाईक यांच्याकडे मागणी… तर वाघिणीला शोधण्यासाठी हेलिकॉप्टर देण्याचे वनमंत्री गणेश नाईक यांचे आदेश… मागील वीस दिवसात तीन जणांचा घेतला या वाघिणीने बळी… काही दिवसांपूर्वी वर्धा जिल्ह्यातील आष्टी तालुक्यातील इसमाचा ,27 तारखेला अमरावती जिल्ह्यातील मोर्शी तालुक्यात एका शेतकऱ्याचा तर काल चांदूरबाजार तालुक्यातील एका तरुणीचा घेतला या वाघघीनीने बळी…

जरांगेंच्या भेटीसाठी अंबादास दानवे अंतरवाली सराटीत

पुण्यातील MPSC मोर्चात सुप्रिया सुळे, रोहित पवार सहभागी

पुण्यातील MPSC मोर्चात सुप्रिया सुळे, रोहित पवार सहभागी झाले आहेत. त्यांनी सरकारने विद्यार्थ्यांचे प्रश्न सोडवावे, अशी मागणी केली. या मोर्चात मोठ्या प्रमाणात विद्यार्थी सहभागी झाले आहेत.  स्वायत्त संस्थेवर नि:पक्ष माणूस पाहिजे, अशी मागणी रोहित पवारांनी केली.

पुणे विभाग शिक्षक मतदारसंघातून मंगेश चिवटे यांच्या उमेदवारीसाठी मंत्री आबिटकर मागणी करणार

पुणे विभाग शिक्षक मतदारसंघातून मंगेश चिवटे यांच्या उमेदवारीसाठी मंत्री प्रकाश आबिटकर महायुतीकडे मागणी करणार आहेत. आरोग्यमंत्री प्रकाश आबिटकर यांची कोल्हापुरातील शिक्षक मेळाव्यात घोषणा करण्यात आली.  मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार यांच्याकडे पाठपुरावा करणार असल्याचे त्यांनी सांगितले.  पुणे शिक्षक मतदारसंघाची जागा शिवसेनेला मिळावी, अशी आग्रही त्यांची मागणी आहे.

मनोज जरांगे पाटलांच्या तपासणीसाठी वैद्यकीय पथक पुन्हा दाखल

मनोज जरांगे पाटलांच्या तपासणीसाठी वैद्यकीय पथक पुन्हा दाखल झालं आहे. उपोषणाचा आजचा दहावा दिवस असुन प्रकृती आणखी खालावली आहे. कालपासून 5 ते 6 वेळा वैद्यकीय तपासणी आणि उपचार देण्यासाठी वैद्यकीय पथकाकडून प्रयत्न सुरू आहेत. जोपर्यंत मागण्या मान्य होणार नाहीत, तोपर्यंत उपचार घेणार नाही, असे मनोज जरांगे पाटील म्हणाले.

विद्यानंद बापट यांच्या सुरक्षेवरून संजय राऊत यांचा मुख्यमंत्री फडणवीसांवर टीका

विद्यानंद बापट यांना त्यांच्या जीवाला धोका असल्याचे पोलिसांनी सांगितले. त्यामुळे त्यांना कालच्या मोर्चात सहभागी होता आलं नाही. त्यांची सहभागी व्हायची इच्छा होती. परंतु त्यांना जाता आलं नाही. हे सकरकारचं अपयश आहे, असं म्हणत राऊत यांनी मुख्यमंत्री फडणवीसांवर टीका केली.

अमरावतीत पावसाचा खंड, सोयाबीन पिके धोक्यात….

एक महिन्यापासून अमरावती जिल्ह्यात पावसाचा खंड सोयाबीनचे पिके शेतकऱ्यांच्या हातातून जाण्याच्या मार्गावर आहे.  उन्हाळ्यासारखी ऊन तापत असल्याने आणि जमिनीत ओलावा नसल्याने सोयाबीन पीके धोक्यात आली आहेत.  सप्टेंबर महिन्याच्या कालावधीत सोयाबीनचे शेंगा भरण्याचा कालावधी असतो, मात्र पाऊसच नसल्याने सोयाबीनची वाढ थांबली आणि शेंगांची भरनाही थांबला आहे. पुढील दोन-तीन दिवस पाऊस न आल्यास सोयाबीन पिके शेतकऱ्यांच्या हातातून जाण्याची शक्यता आहे.

सोयाबीन हातून गेल्याने शेतकऱ्याने शेतात सोडली मेंढरं

पावसा अभावी सोयाबीन करपल्याने लातूर जिल्ह्यातल्या पांढरवाडी इथं एका शेतकऱ्याने आपल्या सोयाबीनच्या पिकांत मेंढर चरायला सोडली आहेत. पावसाअभावी सोयाबीन हातून गेल्याने पांढरवाडी येथील शेतकरी सतीश एरंडे यांनी आपल्या पिकांत मेंढर सोडून दिली आहेत

दुष्काळाची माहिती घेण्याबाबत जिल्हा प्रशासन लागले कामाला

सोलापूर जिल्ह्यात दुष्काळाची माहिती घेण्याबाबत जिल्हा प्रशासन लागले कामालाजिल्हाधकारी एस. कार्तिकेयन यांच्याकडून दुष्काळाबाबत माहिती गोळा करण्याच्या प्रशासनाला सूचना. . विविध पक्ष संघटनांनी जिल्ह्यात दुष्काळ जाहीर करण्याची मागणी केली,

समृद्धी महामार्गावर अज्ञात वाहनाची वृद्ध महिलेला धडक

समृद्धी महामार्गावर अज्ञात वाहनाची वृद्ध महिलेला धडक. 60 वर्षीय कौशाबाई गांगुर्डे यांचा जागीच मृत्यू झाला आहे. वैजापूर तालुक्यातील खंबाळा शिवारात ही घटना घडली. महामार्गा लगत बकऱ्या चालत असताना रस्ता ओलांडताना झाला अपघात.

राईस मिल्सची एफडीए व पुरवठा विभागाकडून तपासणी

एफडीए व पुरवठा विभागाच्या पथकाने तांदूळ पॉलिश करणाऱ्या महासर माता राईस मिल्सची तपासणी करून केली पाहणी. तांदूळ पॉलिश करण्यासाठी वापरले जाणारे ऑइल व इतर साहित्याची ही पथकाकडून पाहणी.

सोलापुरात सुखसागर ऑर्केस्ट्रा बारवर पोलिसांची धाड, पोलिसांच्या धाडीत तब्बल 26 ग्राहकांवर कारवाई

सोलापूर ग्रामीण पोलिस दलाच्या विशेष पथकाने ही कारवाई केली. उत्तर सोलापूर तालुक्यातील भोगाव हद्दीतील ‘सुखसागर ऑर्केस्ट्रा बार’वर मध्यरात्री अचानक धाड टाकून मोठी कारवाई केली. नियमबाह्य आणि अश्लील पद्धतीने सुरू असलेल्या या ऑर्केस्ट्रा बारमधील 26 ग्राहक आणि संबंधित चालकांवर गुन्हे दाखल. घटनास्थळावरून 28 लाख 25 हजार 10 रुपयांचा मुद्देमाल जप्त करण्यात आला. यावेळी बारमध्ये महिला अश्लील हावभाव करुन नृत्य करत असल्याचे आणि ग्राहक त्यांच्यावर नोटा उधळत असल्याचे पोलिसांच्या निदर्शनास आले. या ठिकाणी सर्वोच्च न्यायालयाच्या आदेशांचे तसेच कायदेशीर तरतुदींचे उल्लंघन केले जात असल्याचे निदर्शनास आल्याने कारवाई करण्यात आली.

भिमाशंकरमध्ये VIP गाड्यांमुळे वाहतूक कोंडी; अरुंद रस्त्यात पोलिसांची कसरत

भिमाशंकरमध्ये भाविकांच्या गर्दीतच VIP आणि प्रशासकीय अधिकाऱ्यांच्या वाहनांची भर पडली. मंदिराच्या जवळच रस्त्याच्या कडेला गाड्या लावून अधिकारी आणि VIP दर्शनासाठी गेल्याने अरुंद रस्त्यात वाहने अडकली. त्यामुळे भाविकांच्या वाहनांचीही कोंडी झाली असून वाहतूक सुरळीत करण्यासाठी पोलिसांना मोठी कसरत करावी लागत आहे

लातूर जिल्ह्यातल्या कव्हा गावात घराच्या मागेच गांजाची लागवड केल्याचा प्रकार समोर

लातूर जिल्ह्यातल्या कव्हा गावात घराच्या मागेच गांजाची लागवड केल्याचा प्रकार समोर आला आहे. घराच्या मागेच गांजाची लागवड करण्यात आली होती. पोलिसांनी धाड टाकत 06 लाख 82 हजार रुपयांची गांजाची झाडे जप्त केली आहेत. मुक्तार शेख या व्यक्तीला अवैधरित्या गांजा लागवड केल्या प्रकरणी अटक करण्यात आली आहे.

जळगावच्या पाचोरा तालुक्यातील तारखेडा शिवारात बिबट्याने सहा ते सात शेळ्या केल्या फस्त

जळगावच्या पाचोरा तालुक्यातील तारखेडा शिवारात बिबट्याने सहा ते सात शेळ्या फस्त केल्या. एकनाथ पाटील या शेतकऱ्याच्या शेतात बिबट्याने शेळ्यांवर हल्ला करत 6 ते 7 शेळ्या फस्त केल्या. बिबट्याच्या हल्ल्यात सहा ते सात शेळ्यांचा मृत्यू झाल्याने शेतकऱ्याचे मोठं नुकसान झालं  आहे.  घटनास्थळी वन विभागाच्या कर्मचाऱ्यांनी पंचनामा केला.

गेल्या दहा दिवसांपासून जरांगे पाटलांचे आमरण उपोषण, उपचार, पाणी न घेतल्याने प्रकृती खालावली‌.

58 लाख कुणबी नोंदीचे प्रमाणपत्र वाटप करण्याच्या मागणी संदर्भात आज मंत्री राधाकृष्ण विखे पाटलांची मराठवाड्यातील सर्व अधिकाऱ्यांसोबत बैठक झाली.  कोल्हापूर सातारा गॅझेटचा जीआर, सगे सोयरे अध्यादेशाची अंमलबजावणी आणि इतर प्रमुख मागण्यांवर जरांगे पाटील ठाम आहेत. जोपर्यंत मागण्या पूर्ण होणार नाहीत तोपर्यंत उपोषण स्थगित करणार नसल्याची भूमिका मांजली आहे. जिल्हा शल्य चिकित्सक आणि आरोग्य विभागाचे पथक कालपासून उपचार देण्यासाठी प्रयत्न करत आहे मात्र वैद्यकीय पथकाला परत पाठवले.