सध्या सोशल मीडियावर एक गाणे चर्चेत आहे. हे गाणे 50 वर्षांपूर्वी प्रदर्शित झाले आहे. या गाण्यात निर्मात्याच्या पत्नीने थेट आवाज दिला होता. हे गाणे प्रदर्शित होताच अनेकांना आवडले होते.
बॉलिवूड अभिनेता जॅकी श्रॉफ यांनी भारतीय चित्रपटसृष्टीतील प्रसिद्ध चित्रपट निर्माते-कलाकार गुरु दत्त यांना त्यांच्या १०१व्या जयंतीनिमित्त श्रद्धांजली वाहिली. जॅकी यांनी आपल्या सोशल मीडिया अकाऊंटवर गुरु दत्त यांच्या आठवणीत काही ब्लॅक-अँड-व्हाइट छायाचित्रांचा एक कोलाज शेअर केला. हे कोलाज शेअर करत त्यांनी, "गुरु दत्त जी यांची जयंतीनिमित्त" असे लिहिले आहे. आणि त्यासोबत हात जोडण्याचे इमोजी आणि '#गुरुदत्त' हे हॅशटॅगही दिले. या निमित्ताने चाहत्यांना गुरु दत्त यांच्या त्या गाण्यांची आठवण झाली, जे अनेक दशके चाहते आवडीने ऐकत आहेत.
1 / 5
आम्ही ज्या गाण्याविषयी बोलच आहोत ते गाणे आहे ‘बाबूजी धीरे चलना.’ हे गाणे त्यावेळी प्रचंड हिट ठरले होते. या गाण्याची रिमिक्स आवृत्ती आजही गाजत आहे. गुरु दत्त यांच्या पत्नी गीता दत्त यांनी त्याला आवाज दिला होता.
2 / 5
गुरु दत्त यांचे 'बाबूजी धीरे चलना' हे गाणे १९५४ मध्ये प्रदर्शित झालेल्या 'आर पार' चित्रपटातील आहे. IMDb नुसार, 'कॅलेमिटी क्रू' (पॉल रसेल) यांनी 'बाबू दी झेरे चैना' नावाचा एक आंतरराष्ट्रीय रिमिक्स तयार केले होते. हे त्यांच्या 'नागरान' अल्बमचा भाग होता. याशिवाय, 'सलाम-ए-इश्क' चित्रपटात 'बाबूजी धीरे चलना' ची एक रिमिक्स आवृत्ती होती. 'द बारटेंडर' (माइकी मॅक्लेरी) यांनी ही रिमिक्स आवृत्ती तयार केली होती. 'द बारटेंडर' हे माइकी मॅक्लेरी यांचा प्रकल्प आहे, ज्यात ते बॉलिवूडच्या क्लासिक गाण्यांना आजच्या काळातील धाटणी आणि नवीन भावना यांसह सादर करतात. हे गाणे सागरिका मुखर्जी यांनी गायले होते आणि हे 'द बारटेंडर'च्या पहिल्या अल्बम 'क्लासिक बॉलीवुड: शेकन, नॉट स्टिरड' मध्ये समाविष्ट आहे.
3 / 5
गुरु दत्त यांच्या चित्रपटांनी प्रेक्षकांना हिंदी चित्रपटसृष्टीतील काही सर्वात स्मरणीय गाणी दिली, जसे 'जाने वो कैसे लोग थे', 'ये दुनिया अगर मिल भी जाए', 'वक्त ने किया क्या हसीन सितम', 'चौदहवीं का चांद हो' आणि 'बाबूजी धीरे चलना'. या अमर धुनांचे संगीत एस.डी. बर्मन, ओ.पी. नय्यर आणि रवि यांसारख्या उस्तादांनी दिले होते, तर मोहम्मद रफी, गीता दत्त आणि हेमंत कुमार यांसारख्या दिग्गजांनी गायले होते.
4 / 5
वैयक्तिक जीवनाबद्दल बोलायचे झाले तर गुरु दत्त यांनी १९५३ मध्ये प्रसिद्ध प्लेबॅक सिंगर गीता दत्त यांच्याशी विवाह केला होता आणि त्यांना तीन मुले होती. बातम्यांनुसार नंतर त्यांच्या नात्यात उतार-चढाव आले, तर अभिनेत्री वहीदा रहमान यांच्याशी त्यांचे जवळचे व्यावसायिक संबंध हिंदी चित्रपटसृष्टीतील सर्वाधिक चर्चेचा विषय राहिला. ३९ वर्षांच्या वयात १० ऑक्टोबर १९६४ रोजी गुरु दत्त यांचे निधन झाले. त्यांच्या मृत्यूचे कारण दारू आणि झोपेच्या गोळ्यांचा प्रभाव मानला गेला.
