Marathi News Photo gallery Maharashtra Farmers celebrate Bail Pola festival with simple method due to corona virus in state
कृषीप्रधान संस्कृतीचं प्रतीक बैलपोळा उत्साहात, शेतकऱ्यांकडून सर्जा-राजाचा सण साजरा
कृषीप्रधान संस्कृतीमधला महत्त्वाचा उत्सव म्हणजे बैलपोळा...यांत्रिकरणाच्या युगात शेतीतला बैलांचा सहभाग कमी झालाय...तरीही बळीराजाच्या जीवनात त्यांच स्थान कायम आहे... शेतक-याच्या जोडीनं शेतात राबणा-या या सच्चा मित्राचं गोडकौतुक करण्यासाठीच हा सण साजरा केला करण्यात आला...पोळ्याचे दोन दिवस बैलांसाठी विश्रांतीचे असतात.त्यांना न्हाऊ खाऊ घालून त्यांची रंगरंगोटी केली जाते....पुरणपोळी सारखा गोडधोड जेवणाचा नेवैद्य त्यांना दिला जातो. त्यानंतर वाजत-गाजत काही ठराविक बैलांची गावातून मिरवणूक काढण्यात आली.तर अनेकांनी घरीच बैलपूजा केली.
यांत्रिकीकरणामुळे शेतीमधलं बैलांच महत्व कमी झालंय. तरीही अनेक शेतक-यांना मशागतीसाठी आजही बैलांवरच अवलंबून राहवं लागतं. उन्हातान्हाची पर्वा न करता शेतात राबणा-या बैलांना विश्रांती देणारा सण म्हणजे पोळा...परभणी जिल्ह्यात आज बैलपोळा कोरोनामुळे साध्या पद्धतीने साजरा करण्यात आला...गर्दी होणार नाही यासाठी काही ठराविक बैलांचीच पूजा मान्यवरांनी केली...तर अनेकांनी आपल्याला घरीच बैलांची पूजा करून बैलपोळा सण साजरा केला.
1 / 8
यवतमाळमध्ये मनसे राज्य उपाध्यक्ष राजू उंबरकर यांच्या आव्हाणाला ग्रामीण भागात उत्स्फूर्त प्रतिसाद देत आज पोळा साजरा करत प्रशासन विरोधात आंदोलन करण्यात आले. श्रावणात पिठोरी अमावस्येला महाराष्ट्रात सर्जा- राजाचा सण हा बैलपोळा म्हणून साजरा केला जातो. बैलांप्रती कृतज्ञता व्यक्त करण्यासाठी व त्यांच्या कष्टाचे आभार मानण्यासाठी हा दिवस साजरा केला जातो. महाराष्ट्र नवनिर्माण सेनेचे अध्यक्ष राज ठाकरे यांच्या आदेशावरून राजू उंबरकर यांनी आक्रमक पवित्रा अवलंबत शासनाच्या आदेशाविरुद्ध एल्गार पुकारून ग्रामीण भागात स्वतः उपस्थिती दर्शवत पोळा साजरा केला.
2 / 8
राज्याचे केंद्रीय रेल्वे राज्यमंत्री रावसाहेब दानवे यांनी त्यांच्या मूळ गावी जवखेडा नळणी येथील शेतात बैल पोळा साजरा केला. या वेळी बैलाची पुजा करण्यात आली आणि रावसाहेब दानवे यांनी बैलांचे दर्शन घेतले. यावेळी पूजेला त्यांच्या सोबत त्यांच्या निर्मलाताई दानवे पत्नी तसेच त्यांचा मुलगा आमदार संतोष दानवे हे ही हजर होते.
3 / 8
कोरोनाचे सावट असताना सुद्धा धानाचे कोठार समजल्या जाणाऱ्या गोंदिया जिल्यात शेतकर्यानी आपल्या सर्ज्या राज्या प्रति कृतज्ञता व्यक्त करण्यासाठी आज पोळा सणाचे अवचित्त साधत गावातील मुख्य चौकात बैलांची सामूहिक पूजा केली.
4 / 8
अकोला जिल्हातल्या मुर्तिजापुर तालुक्यात जगाचा पोशिंदा, अन्नदाता असलेल्या बळीराजाचा सच्चा साथीदार असलेल्या बैलाप्रति कृतज्ञता व्यक्त करण्याचा हा सण.बैल हा न शेतकरी सोबत वर्ष भर राबत असतो, पोळा हा सण बैलांचा सर्वात मोठा सण वर्षातुन एक वेळा येतो,पण देशावर कोरोणाच्या बिकट परिस्थिने यावर्षी पण हा सण एकदम साध्या पद्धतीने साजरा करण्यात आला आहे.
5 / 8
पोळा निमित्त मुळ गावी सुकळी येथे कोंग्रेस प्रदेश अध्यक्ष नाना पटोले यांनी सहपरिवार सोबत बैल जोडीचे पुजन करीत बैल पोळा उत्साहात साजरा केला.या वेळी नाना पटोले यांच्या संपूर्ण परीवार उपस्थित होते.
6 / 8
कोरोनाचे सावट तसेच पावसाचा लहरीपणा त्यामुळे पिकांना कवडीमोल भाव मिळत असला तरीदेखील आपल्या शेतात राबराब राबणारा सर्जा-राजाचा पोळा सण हा येवला तालुक्यात शेतकऱ्यांनी उत्साहात साजरा करत असल्याचे चित्र दिसत आहे. बळीराजाने आपल्या सर्जा-राजा ला पोळा सणानिमित्त सजावट केली तसेच शेतकरी महिलेने आपल्या बैलांना नैवेद्य दाखवत औक्षण करत आपल्या सर्जा राजाला बद्दल कृतज्ञता व्यक्त करत हा पोळा सण साजरा केला.
7 / 8
मुक्ताईनगर एकनाथ खडसे सहपरिवार च्या वतीने पोळा सन साजरा माजी मंत्री एकनाथराव खडसे पारंपारिक पद्धतीने याहीवर्षी सहकुटुंब बैलपोळा सण बैलाची विधिवत पूजा करत एकनाथ खडसे, मंदाताई खडसे ,खासदार रक्षा खडसे यांच्या हस्ते बैलाची पूजा करून नेहमीप्रमाणे पोळा सण त्यांच्या मुक्ताईनगर तालुक्यातील कोथळी गावात साजरा केला.
