Numerology 2023 : अंकशास्त्राचं गणित रविवार 3 डिसेंबर रोजी कसं असेल? जाणून घ्या शुभ अंक आणि शुभ रंग
Numerology 2023 : अंकशास्त्रात प्रत्येक अंकांचं महत्त्व सांगितलं गेलं आहे. जन्म तारखेनुसार मूलांक आणि भाग्यांक काढला जातो. मूलांकाच्या आधारे तुमचा दिवस कसा असेल ते जाणून घ्या.
अंकशास्त्रात मूलांक आणि भाग्यांकाद्वारे लकी नंबर आणि शुभ रंग ठरवला जातो. 1- सूर्य, 2- चंद्र, 3- गुरु, 4- राहु, 5 – बुध, 6 – शुक्र, 7 – केतु, 8- शनि आणि 9 या अंकावर मंगळाचं अधिपत्य आहे. मुलांक ही तुमची जन्म तारीख असते. 1, 10, 28 ही जन्मतारीख असेल तर 1+0 , 2+8 असं करत मुलांक 1 येईल.
1 / 10
आजचा दिवस संमिश्र राहील. काही आर्थिक गणितं सुटतील. पण हाती घेतलेल्या कामाचा पाठपुरावा करणं सोडू नका. चुकीच्या सवयींपासून लांब राहा. शुभ अंक 2 आणि शुभ रंग लाल राहील.
2 / 10
दिवसाची सुरुवात धकाधकीच्या कामाने होईल. त्यामुळे प्रवासातच थकून जाल. हाती घेतलेलं काम पूर्ण होईल. पण संध्याकाळ संपूर्णत: थकव्यातच जाईल. शुभ अंक 11 आणि शुभ रंग तपकिरी राहील.
3 / 10
आज आत्मविश्वास वाढलेला राहील. त्यामुळे काही कामं झटपट होतील. दिवस सुट्टीचा असल्याने कुटुंबासोबत व्यतित करा. नवीन बाबींचं नियोजन करा. शुभ अंक 10 आणि शुभ रंग पांढरा राहील.
4 / 10
आर्थिक नियोजन विस्कवटणारा दिवस आहे. हाती असलेल्या पैशांपेक्षा जास्त खर्च होईल. त्यामुळे खर्चावर नियंत्रण ठेवा. जवळच्या व्यक्तींना दुखवू नका. शुभ अंक 8 आणि शुभ रंग नारंगी राहील.
5 / 10
नोकरी करणाऱ्या जातकांसाठी आजचा दिवस एकदम शुभ राहील. नोकरीचा एखादा प्रस्ताव मिळू शकतो. तसेच नवीन लोकांच्या भेटीगाठी होतील. त्याचा भविष्यात फायदा होईल. शुभ अंक 9 आणि शुभ रंग पांढरा राहील.
6 / 10
आर्थिक स्थिती चांगली असली तरी बचतीकडे लक्ष द्या. कोणालाही पैसे उधार देताना शंभर वेळा विचार करा. लोकं पैसे घेतात पण परत करताना आपलीच दमछाक होते. शुभ अंक 6 आणि शुभ रंग नारंगी राहील.
7 / 10
आज दिवसभर अस्वस्थ वाटेल. त्यामुळे आरोग्याबाबत चिंता वाढेल. गरज पडल्यास डॉक्टरांचा सल्ला घ्या. नातेवाईकांच्या भेटीगाठी घेऊन मन हलकं करा. शुभ अंक 11 आणि शुभ रंग हिरवा राहील.
8 / 10
काही कामानिमित्त प्रवासाचा योग जुळून येईल. त्यामुळे दिवसभर व्यस्त राहाल. विनाकारण घरच्यांवर चिडचिड करू नका. कोणतंही काम करताना पुढे नेमकं काय मांडून ठेवलं आहे याचा विचार करा. शुभ अंक 19 आणि शुभ रंग हिरवा राहील.
9 / 10
आपल्या प्रत्येक कामावर गुप्तशत्रूंची नजर असते. त्यामुळे एक चूक चांगलीच महागात पडू शकते. चुका करणं टाळा. तसेच वरिष्ठांसोबत वाद होईल असं वागू नका. शुभ अंक 3 आणि शुभ रंग पिवळा राहील. (वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.)
