Marathi News Photo gallery Soundous Moufakir Responds to Trolls Over Performing Hindu Puja Before Business Launch
मुस्लिम असून हिंदू रीती-रिवाजाने पूजा का केली? अभिनेत्रीने दिले सडेतोड उत्तर
सध्या एका मुस्लीम अभिनेत्रीची जोरदार चर्चा रंगली आहे. या अभिनेत्रीने मुस्लीम असूनही एका नव्या प्रवासाला सुरुवात करताना तिने हिंदु रीती-रिवाजाने पूजा केली आहे. ते पाहून नेटकऱ्यांनी संताप व्यक्त केला आहे.
बॉलिवूड अभिनेत्री आणि मॉडेल सुंदूस मौफकीरने एका नव्या बिझनेसला सुरुवात करण्यापूर्वी घरात टीमसोबत मिळून पूजा घातली. पूजा करतानाचा व्हिडीओ तिने सोशल मीडियावर शेअर केला आहे. मात्र, सुंदूस ही मुस्लीम असूनही तिने हिंदु रिती-रिवाजाने पूजा घातल्यामुळे तिला ट्रोल केले जात आहे. ते पाहून सुंदूस देखील शांत बसली नाही. तिने ट्रोलर्सला सडेतोड उत्तर दिले आहे.
1 / 5
सुंदूसने घरी ब्राह्मण बोलावून पूर्ण विधीवत पूजा केली. व्हायरल व्हिडिओमध्ये तिने पूजेसाठी पिवळ्या रंगाचा पारंपरिक ड्रेस घातल्याचे दिसत आहे. तसेच तिने हातात पूजेची थाळी घेऊन देवाची आरती केली आहे. व्हिडीओमध्ये तिच्या टीमचे सदस्यही उपस्थित आहेत. ही पूजा तिच्या नवीन व्यवसायाच्या शुभारंभासाठी आयोजित करण्यात आली होती.
2 / 5
व्हिडीओ शेअर करताना सुंदूसने लिहिले की, त्यांनी नवीन प्रवासाची सुरुवात देवाच्या आशीर्वादाने केली आहे. तिने प्रार्थना केली की, तिचा ब्रँड योग्य दिशेने पुढे जावा, संपूर्ण टीम सुरक्षित राहो आणि सर्वांचे हेतू चांगले राहोत. तिने हेही सांगितले की, कोणतेही यश एकट्याला मिळत नाही, तर संपूर्ण टीमच्या मेहनत आणि विश्वासातून मिळते.
3 / 5
मात्र, व्हिडीओ व्हायरल झाल्यानंतर काही सोशल मीडिया यूजर्सनी तिला ट्रोल करण्यास सुरुवात केली. काहींनी प्रश्न उपस्थित केला की, एक मुस्लिम असून तिने हिंदू रीती-रिवाजाने पूजा का केली? ट्रोलिंग वाढल्यानंतर सुंदूसने स्पष्ट केले की, मुस्लिम असण्याचा मला गर्व आहे आणि तिचा धर्म तिच्या ओळखीचा महत्त्वाचा भाग आहे.
4 / 5
सुंदूस मौफकीरने MTV Roadies 2024 मधून ओळख मिळाली. त्यानंतर तिने MTV Splitsvilla X4चा खिताबही जिंकला. ती 'खतरों के खिलाड़ी १३' मध्येही दिसली होती. याशिवाय सुंदूसने 'फतेह', 'द केरल स्टोरी' आणि अनेक म्युझिक व्हिडिओजमध्ये काम केले.
