T20 World Cup 2021 मध्ये कोण होणार चॅम्पियन? गांगुली, अक्रम, लारा आणि पीटरसनने केली भविष्यवाणी
T20 विश्वचषक 2021 च्या अंतिम फेरीत आज ऑस्ट्रेलियाचा सामना न्यूझीलंडशी होणार आहे. कागदावर दोन्ही संघ मजबूत आहेत. पण आज जो संघ मैदानावर चांगला खेळ करेल त्याचाच विजय होईल.
TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम |
Updated on: Nov 14, 2021 | 5:00 PM
Share
T20 विश्वचषक 2021 च्या अंतिम फेरीत आज ऑस्ट्रेलियाचा सामना न्यूझीलंडशी होणार आहे. कागदावर दोन्ही संघ मजबूत आहेत. पण आज जो संघ मैदानावर चांगला खेळ करेल त्याचाच विजय होईल. अशा स्थितीत चॅम्पियन कोण होणार? हा मोठा प्रश्न आहे. बीसीसीआय सुप्रीमो आणि भारताचा माजी कर्णधार सौरव गांगुली याच्यासह क्रिकेटशी संबंधित मोठ्या दिग्गजांनी यावर आपले मत मांडले आहे.
1 / 5
सौरव गांगुली : टीम इंडियाचा माजी कर्णधार आणि सध्याचा बीसीसीआय अध्यक्ष सौरव गांगुलीने ऑस्ट्रेलिया आणि न्यूझीलंड या दोन्ही संघांबद्दल आपले मत व्यक्त केले आहे. पण या दोघांपैकी कोण जास्त ताकदवान आहे, असे विचारल्यावर त्याने न्यूझीलंडचे नाव घेतले. तो म्हणाला की, या संघाने नुकतीच जागतिक कसोटी अजिंक्यपद स्पर्धा जिंकली आहे. एका बुक सायनिंग सेरेमनीदरम्यान गांगुलीने आपले मत व्यक्त केले.
2 / 5
वसीम अक्रम : पाकिस्तानच्या माजी कर्णधाराने ऑस्ट्रेलियाला सौरव गांगुलीपेक्षा चांगले रेटिंग दिले आहे आणि ऑस्ट्रेलियाला विजेतेपदाचा दावेदार म्हटले आहे. तो म्हणाला की, कांगारुंचा संघ पाकिस्तानचा पराभव करून अंतिम फेरीत पोहोचला आहे, माझ्या मते हा संघ विजेतेपदाचा प्रबळ दावेदार आहे.
3 / 5
ब्रायन लारा : वेस्ट इंडिजचा महान फलंदाज आणि कर्णधार ब्रायन लारा म्हणाला की दोन्ही संघ चांगले खेळत आहेत, त्यामुळेच ते अंतिम फेरीत पोहोचले आहेत. दोघांचे हे पहिलेच टी-20 विश्वचषक विजेतेपद असेल. केन विल्यमसनच्या नेतृत्वाखाली न्यूझीलंडचा संघ चमकदार खेळ करत आहे, त्यामुळे न्यूझीलंडचा संघ आज विश्वचषक फायनल जिंकेल असा विश्वास वाटतो.
4 / 5
केविन पीटरसन : इंग्लंडचा माजी कर्णधार आणि फलंदाज केविन पीटरसनने आपल्या ब्लॉगमध्ये ऑस्ट्रेलिया चॅम्पियन ठरेल असे मत व्यक्त केले आहे. त्याने लिहिले आहे की, रविवारी ऑस्ट्रेलियाने ट्रॉफी उचांवली तर मला आश्चर्य वाटणार नाही. करा किंवा मरा अशा सामन्यामध्ये ऑस्ट्रेलियाचा संघ अधिक चांगली कामगिरी करतो. ते या मोठ्या स्पर्धेच्या फायनलमध्ये पोहोचले तर ते जिंकण्यासाठी सर्व काही देतील.
